كورولا mmt 2009 ام كورولا 6speed 2010

انا مقبل على شراء سيارة جديدة وقارنت بين سيارات كثيرة جدا واخترت الكورولا Advanced لانها افضل سيارة لاستخدامي ولكن الحيرة الواقع فيها الان اختيار الـGearbox..

انا قرأت كل الموضوعات في المنتدى الخاصة بموضوع الـ MMT لذلك طلبت تجربة قيادة وقمت بالتجربة السبت الماضي في العباسية والـ Gearbox لاشك انه رائع جدا ولايوجد به مشاكل .

الان انا طالب المشورة العاجلة من ملاك الكورولا فقط - الفرق لصالح اي سيارة واقوم بشراء ايهما :

Corolla 2009 MMT

السعر : 147,000 (موجودة في معرض بـ 144,500)
الاستلام : فوري

- نعم انا جربت السيارة لكن متحير لأني دايما باخد غرز خطيرة وعلى سرعات عالية وبفادي تريللات على طرق رايح جاي بس فهل سرعة استجابة الـ Gearbox هتساعدني .

- مطلع الجراج عندي عالي شوية فهل السيارة هتستحمل الطلوع والدخول اليومي ولا الـ manual احسن .

Corolla 2010 6-speed manual transmission

السعر: 150,000
الاستلام : خلال 3 اسابيع

- هل السرعة السادسة لها افضلية / يعني هي مهمة ولا مش هحس بفرق في الـ mmt (انا عارف انها لترييح الماتور بس الفرق يستاهل ؟؟؟)

- انا عارف ان سعر اعادة البيع هيكون افضل في السيارة دي (بس مش هتفرق بالنسبة لي لأني مش ناوي ابيع بإذن الله )

- الفرق في السعر والموديل بين السيارتين لايشكل اي اهمية بانسبة ليا المهم الـ gearbox وقلة اعطال السيارة .
--------------------------------------------------

بالاضافة للتساؤلات السابقة سؤال اخير اضافي لو انتا اللي معاك المبلغ ده وقدامك العربيتين دول تختار ايه !!!!!!!!!!!!؟؟؟

رجاء الرد بسرعة لأني هشتري يوم الخميس اللي جاي أو هحجز.

أفضل المانيوال -بالنسبة لك- لسببين

1- طالما انك بتسوق على طريق سريع وبتفادى تريللات يبقى مفيش داعى اطلاقا انك تخلى الآلة تاخد قرارات بدالك، الأفضل ان قراراتك تاخدها بنفسك

2- الفتيس الmmt نسبه تخفيضه قليلة، وبالتالى -بالمقارنة بالغيار السادس فى المانيوال-مش هيكون مريح فى السفر( وبكرر ان كلمة مش مريح هنا هى بالمقارنة بالفتيس المانيوال لنفس ماركة السيارة وليس على الأطلاق ، ارجو انى متفهمش غلط)

سيدى الفاضل
موضوع mmt قتل بحثاً فى المنتدى ما بين مؤيد ومعارض واللى بيسأل عليه فى المنتدى بننصحة ان يعمل تست دريف

وأنت بتقول انك عملت التست دريف ومش شايف مشكلة فى الجير بوكس

عامة تجربتى مع mmt تجربة ممتازة جداً وموضوع الجراج العالى عمره ما كان معايا مشكلة فيه كفاية
ان اقولك ان شغال فى سيتى ستارز وكل يوم نازل طالع فيه بالاضافة الى جراج العمارة عندى عالى شوية

وبما أنك بتقارن بين المانيوال العادى و mmt
انا لو مكانك هشترى mmt لانه ممكن أسوقه مانيوال عادى بطريقة أسهل بكثير من المانيوال العادى باستخدام الشيفتات

أعمل استخارة وبالتوفيق ان شاء الله

راى الشخصى يعنى

لو انت عايز اتوماتيك اشترى الاوتوماتيك العادى ( سيبك من ال MMT ) ده حتى سعره بقى ارخص من المنيوال ... العربية دى سعرها وصل ز مان الى 162,000 جنيه وده لانه عايز يخلص من الاستوك

الفتيس ده بيعلق منى كتير لما اكون ماشى سريع واهدى مره واحده وبعدين اجى اكمل الاقى العربية واخده الثالت وعمالة تزعق وموش راضية تنقل الى لما انقلها من وره الفتيس

وكمان فيه حاجة رخمة انه لما تكون مثلا ماشى على الرابع وتيجى توقف على مطب مثلا العربية بنتقل بالكامل للثالث وبعدين بالكامل للتانى ( بتاخد نقلة ) وبعدين للاول ده بيخلى العربية بتنطط حاجة بسيطة كده ( ناس كتير مبتلاحظش الكلام ده )

وانت جربت الفتيس طبعا بس موش 35,000 كيلو زى حلاتى

بالنسبة للمانيوال لو انا بشترى العربية دى لوالدى ( راحة يعنى ) اجيب اوتو عادى
انما لو لنفسى اجيب مانيوال

ولاحظ انك لو من القاهرة يعنى هتعيش فى الزحمة يبقى عليك وعلى الاوتو
خارج القاهرة وبتحب السواقة خليك فى المانيوال

الصراحة العربية كلها تمام ........ (ما عدا ال MMt بالنسبة ليه )

اقتباس:

---

المشاركة الأصلية كتبت بواسطة sab3aawy

أفضل المانيوال -بالنسبة لك- لسببين

1- طالما انك بتسوق على طريق سريع وبتفادى تريللات يبقى مفيش داعى اطلاقا انك تخلى الآلة تاخد قرارات بدالك، الأفضل ان قراراتك تاخدها بنفسك

2- الفتيس الmmt نسبه تخفيضه قليلة، وبالتالى -بالمقارنة بالغيار السادس فى المانيوال-مش هيكون مريح فى السفر( وبكرر ان كلمة مش مريح هنا هى بالمقارنة بالفتيس المانيوال لنفس ماركة السيارة وليس على الأطلاق ، ارجو انى متفهمش غلط)

---

كلام في الصميم.
بس حضرتك انا شايف ان الmmt وسط عزمه وال ار بي ام اعلي من الأوتوماتيك و اقل من المانيوال العادي الخمس سرعات.
وحضرتك شوف المشاركة دي كانت لأستاذ كريم هشام في الموضوع بتاع
سؤال محيرني في الmmt والأوتوماتيك بتاع الكورولا الجديدة.

اقتباس:

---

انا بقا عندى فى المانيوال الموضوع مختلف خالص :)

على 120 بيقى الrpm 4000 بظبط .. و على 100 كان حوالى 3700 او 3800 rpm

و الrpm بيفضل على 4000 من اول 120 لغاية 140 و بعدين يبتدى يعلى تانى

و اى استفسار تانى انا موجود

---

طب لما يضيفوا نقلة سادسة يبقي الوضع ايه هل نسبة التخفيض فيه هتدي نفس راحة صوت الموتور في الأوتوماتيك يعني 2200 لفة/دقيقة عند سرعة100ك/س او اقل من الmmt 3000لفة/دقيقة عند سرعة100ك/س علي الغيار الخامس.

اقتباس:

---

المشاركة الأصلية كتبت بواسطة feras_elngar

الفتيس ده بيعلق منى كتير لما اكون ماشى سريع واهدى مره واحده وبعدين اجى اكمل الاقى العربية واخده الثالت وعمالة تزعق وموش راضية تنقل الى لما انقلها من وره الفتيس

---

انا والدي برده بيشتكي من نفس موضوعك رحت قايله علي موضوع الريش اللى ورا الدريكسيون وبقت الحياة بمبي معاه لكن انا تقريبا مابستخدمش الريش غير لما اكون داخل ريس وماشي علي المانيوال ونادرا لما بستخدمها عاي الوضع e
والموضوع ده عايز تظبيط لرجلك علي دواسة البنزين لو دوست سنة صغيرة اوي علي دواسة البنزين في خلال ثانيتين تلاتة العربية هتلاقيها يتنقل لوحدها وبرده الموضوع ده ميزته بتبان قوي لما تكون بتعمل غرزة او حد فرمل لاقدر الله فجأة قدامك وعايز تهرب منه يعني تقريبا كل حاجة معمول حسابها في كمبيوتر الفتيس (وزى ما احمد مظهر قال كل شيء مدروس)

استفسر من التوكيل لو هينزلوا الmmt موديل 2010 .. لو هينزلوا توكل على الله و هاتوه ..

لو مش هينزلوا يبقى خليك فى المانيوال

و طالما حضرتك بتطلع على طرق سفر كتير يبقى المانيوال هيكون افضل بما انك هتكون متحكم فى العربية اكتر

اقتباس:

---

المشاركة الأصلية كتبت بواسطة kareemhisham

استفسر من التوكيل لو هينزلوا الmmt موديل 2010 .. لو هينزلوا توكل على الله و هاتوه ..

لو مش هينزلوا يبقى خليك فى المانيوال

و طالما حضرتك بتطلع على طرق سفر كتير يبقى المانيوال هيكون افضل بما انك هتكون متحكم فى العربية اكتر

---

:S_thum1[1]::S_thum1[1]::S_thum1[1]:
بس انا اعنقد ان قرار التوكيل في مسألة نزول الفتيس ده تاني متوقف علي الطلب عليه او تطويره اواعادة تصميمه من جديد (وانا فاكر زمان ان احد الأعضاء قال ان الفتيس ده هينزل مكانه فتيس متطور اكثر بس مش فاكر اسمه ايه وهيبقي 6 سرعات تقريبا) لأن استاذ فاروق كان عامل حوار قبل كده مع مدير المبيعات يتويوتا ايجيبت في معرض اوتوماك وكانوا لسة منزلين الأوتو ماتيك وقاله احنا منزلين الأوتوماتيك علشان ننشط حركة المبيعات وان شاء الله لما تيجي السنة الجاية هتلاقينا عارضين الmmt والأوتوماتيك مع بعض .

اقتباس:

---

المشاركة الأصلية كتبت بواسطة kareemhisham

استفسر من التوكيل لو هينزلوا الmmt موديل 2010 .. لو هينزلوا توكل على الله و هاتوه ..

لو مش هينزلوا يبقى خليك فى المانيوال

و طالما حضرتك بتطلع على طرق سفر كتير يبقى المانيوال هيكون افضل بما انك هتكون متحكم فى العربية اكتر

---

انا كنت عاوز اسالك على سرعة 100ال rpm بيبقى على كام ؟؟؟؟؟؟؟؟

اقتباس:

---

المشاركة الأصلية كتبت بواسطة ابو الوليد المصرى

:s_thum1[1]::s_thum1[1]::s_thum1[1]:
بس انا اعنقد ان قرار التوكيل في مسألة نزول الفتيس ده تاني متوقف علي الطلب عليه او تطويره اواعادة تصميمه من جديد (وانا فاكر زمان ان احد الأعضاء قال ان الفتيس ده هينزل مكانه فتيس متطور اكثر بس مش فاكر اسمه ايه وهيبقي 6 سرعات تقريبا) لأن استاذ فاروق كان عامل حوار قبل كده مع مدير المبيعات يتويوتا ايجيبت في معرض اوتوماك وكانوا لسة منزلين الأوتو ماتيك وقاله احنا منزلين الأوتوماتيك علشان ننشط حركة المبيعات وان شاء الله لما تيجي السنة الجاية هتلاقينا عارضين الmmt والأوتوماتيك مع بعض .

---

كنت عاوز اسالك يا ابو الوليد عن الفتيس عامل معاك ايه بدا يهيس معاك تانى؟؟؟؟؟؟؟
اصل الفتيس عندى بقا بهيس زى زمان
هو السوفت وير بيقع ولا ايه!!!!!
بالمناسبه انا عامل دلوقتى 45 الف كيلو
تحياتى

اقتباس:

---

المشاركة الأصلية كتبت بواسطة abo samra

انا كنت عاوز اسالك على سرعة 100ال rpm بيبقى على كام ؟؟؟؟؟؟؟؟

---

هقولك .. الكلام الانا كنت كتبه اختلف شوية لان العربية ابتدت تخرج من فترة التليين .. بس الفرق بسيط ..

على سرعة 120 الrpm بقا 3700 ..

و على 100 حوالى 3400 او 3500

اقتباس:

---

المشاركة الأصلية كتبت بواسطة kareemhisham

هقولك .. الكلام الانا كنت كتبه اختلف شوية لان العربية ابتدت تخرج من فترة التليين .. بس الفرق بسيط ..

على سرعة 120 الrpm بقا 3700 ..

و على 100 حوالى 3400 او 3500

---

انت متاكد ان 100 على 3500 لفه على الخامس؟؟؟؟؟؟؟؟ كدا كتير قوى قوى
مش بيقولوا انه نفس ال mmt
وبعدين ازاى 100 على 3500 وال 120 على 3700 يعنى 200 لفه بس بتعمل 20 كيلو بتهيالى صعب جدا
وعلى فكره عدد لفات الموتور ملهوش دعوه بتليين
لازم تتاكد فى اقرب فرصه تركب فيها العربيه ان 100= 3000 rpm علشان كدا معلوماتى العامه هتبوظ وكمان كدا النقله السادسه يعنى فى الفتيس المانيوال 2010 مش هيبقى ليه لازمه
تحياتى
تحياتى

اقتباس:

---

المشاركة الأصلية كتبت بواسطة abo samra

كنت عاوز اسالك يا ابو الوليد عن الفتيس عامل معاك ايه بدا يهيس معاك تانى؟؟؟؟؟؟؟
اصل الفتيس عندى بقا بهيس زى زمان
هو السوفت وير بيقع ولا ايه!!!!!
بالمناسبه انا عامل دلوقتى 45 الف كيلو
تحياتى

---

انا بس فيه حاجة واحدة لاحظتها ان فيه رجرجة خفيفة اوي بتحصل بعد ما العربية بتاخد الغيار التاني بس مش دايما تحصل معرفش ده بيبقي طبيعي في المانيوال ولا لأ وكمان مبحسش بيها لما اكون ماشي علي المانيوال مود وكمان كل مدي بحس ان الغيارات بتنعم عن الأول.
بس انت عندك الفتيس بيهيس ازاي بيبقي فيه وقت كبير مابين الغيارات ولا مثلا بتلقي ال ار بي ام بيعلق وكمان نسيت اقول حاجة اني لما احط بنزبن من بنزبنة نضيفة زي موبيل او توتال بحس ان اداء الفتيس بيفرق.
و انا مش هاحكم علي اي حاجة دلوقت غير لما اعمل صيانة ال45000ك وأشوف الوضع هيبقي ايه لأنها صيانة مهمة في عمر العربية .....هو انت عملتها ولا لسة.

اقتباس:

---

المشاركة الأصلية كتبت بواسطة abo samra

انت متاكد ان 100 على 3500 لفه على الخامس؟؟؟؟؟؟؟؟ كدا كتير قوى قوى
مش بيقولوا انه نفس ال mmt
وبعدين ازاى 100 على 3500 وال 120 على 3700 يعنى 200 لفه بس بتعمل 20 كيلو بتهيالى صعب جدا
وعلى فكره عدد لفات الموتور ملهوش دعوه بتليين
لازم تتاكد فى اقرب فرصه تركب فيها العربيه ان 100= 3000 rpm علشان كدا معلوماتى العامه هتبوظ وكمان كدا النقله السادسه يعنى فى الفتيس المانيوال 2010 مش هيبقى ليه لازمه
تحياتى
تحياتى

---

انا لما سافرت بالعربية بعد ما جبتها على طول .. كنت على 120 الrpm كان 4000 :)

عامة هتأكد لحضرتك تانى

اقتباس:

---

المشاركة الأصلية كتبت بواسطة abo samra

انت متاكد ان 100 على 3500 لفه على الخامس؟؟؟؟؟؟؟؟ كدا كتير قوى قوى
مش بيقولوا انه نفس ال mmt
وبعدين ازاى 100 على 3500 وال 120 على 3700 يعنى 200 لفه بس بتعمل 20 كيلو بتهيالى صعب جدا
وعلى فكره عدد لفات الموتور ملهوش دعوه بتليين
لازم تتاكد فى اقرب فرصه تركب فيها العربيه ان 100= 3000 rpm علشان كدا معلوماتى العامه هتبوظ وكمان كدا النقله السادسه يعنى فى الفتيس المانيوال 2010 مش هيبقى ليه لازمه
تحياتى
تحياتى

---

بس خلي بالك من نقطة مهمة ان العربية اصلا موجهة للسوق الأوروبي اللى بيحب المانيوال والعزم العالي فممكن يكون الموضوع مقصود و مصمم بناء علي طبيعة المستهلكين في اوروبا .

اقتباس:

---

المشاركة الأصلية كتبت بواسطة ابو الوليد المصرى

انا بس فيه حاجة واحدة لاحظتها ان فيه رجرجة خفيفة اوي بتحصل بعد ما العربية بتاخد الغيار التاني بس مش دايما تحصل معرفش ده بيبقي طبيعي في المانيوال ولا لأ وكمان مبحسش بيها لما اكون ماشي علي المانيوال مود وكمان كل مدي بحس ان الغيارات بتنعم عن الأول.
بس انت عندك الفتيس بيهيس ازاي بيبقي فيه وقت كبير مابين الغيارات ولا مثلا بتلقي ال ار بي ام بيعلق وكمان نسيت اقول حاجة اني لما احط بنزبن من بنزبنة نضيفة زي موبيل او توتال بحس ان اداء الفتيس بيفرق.
و انا مش هاحكم علي اي حاجة دلوقت غير لما اعمل صيانة ال45000ك وأشوف الوضع هيبقي ايه لأنها صيانة مهمة في عمر العربية .....هو انت عملتها ولا لسة.

---

صوت النقلات بقا عالى جدا ومسموع بشده
بالنسبه للرجرجه دى برده زادت عندى لما بهدى بالعربيه خصوصا الانتقال من التانى الى الاول بتبقى فظيعه:_Alshmokh08[1]:
بالنسبه للصيانه مش عارف لسه هعملها ولا لا لانى احتمال ابيع العربيه قريب واحتمال تانى ما ابيعهاش لانها جايبه سعر وحش جدا مع انها فابريكه وبحالتها
ربنا يستر بقا
تحياتى

اقتباس:

---

المشاركة الأصلية كتبت بواسطة kareemhisham

انا لما سافرت بالعربية بعد ما جبتها على طول .. كنت على 120 الrpm كان 4000 :)

عامة هتأكد لحضرتك تانى

---

هو معاك لانسر بومه كمان ولا اتباعت؟؟؟؟؟؟؟؟

اقتباس:

---

المشاركة الأصلية كتبت بواسطة abo samra

هو معاك لانسر بومه كمان ولا اتباعت؟؟؟؟؟؟؟؟

---

لأ لسه معايا

اقتباس:

---

المشاركة الأصلية كتبت بواسطة kareemhisham

لأ لسه معايا

---

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات :120146b
ربنا يصبرنا على mmt :girlsthink:
تحياتى

اقتباس:

---

المشاركة الأصلية كتبت بواسطة abo samra

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات :120146b
ربنا يصبرنا على mmt :girlsthink:
تحياتى

---

انا برده فى حاجات كتيييير بنتقدها فى العربية .. بس بحبها اوى والله :)

و الفتيس فعلا معمول لهواة الراحة المطلقة ..

بس هل حضرتك هتبيع العربية عشان الفتيس ؟؟ وهل هو تعبك للدرجة دى ؟؟

اقتباس:

---

المشاركة الأصلية كتبت بواسطة kareemhisham

انا برده فى حاجات كتيييير بنتقدها فى العربية .. بس بحبها اوى والله :)

و الفتيس فعلا معمول لهواة الراحة المطلقة ..

بس هل حضرتك هتبيع العربية عشان الفتيس ؟؟ وهل هو تعبك للدرجة دى ؟؟

---

لكذا سبب
ان العربيه حتى الان مفيش موديل 2010 نزل منها
سبب تانى ان الفتيس ادائه بقا اقل من الاول
سبب تالت ان اعاده البيع للسياره قليل جدا ولو موديل 2010 ما نزلش منها يبقى احتمال ما تتباعش اصلا:majd(4):
سبب رابع : بمشى فى الزحمه كتير ومحتاج لعربيه نقلاتها مريحه ده حتى المانيوال طلع اريح منها
تحياتى

اقتباس:

---

المشاركة الأصلية كتبت بواسطة abo samra

صوت النقلات بقا عالى جدا ومسموع بشده
بالنسبه للرجرجه دى برده زادت عندى لما بهدى بالعربيه خصوصا الانتقال من التانى الى الاول بتبقى فظيعه:_alshmokh08[1]:
بالنسبه للصيانه مش عارف لسه هعملها ولا لا لانى احتمال ابيع العربيه قريب واحتمال تانى ما ابيعهاش لانها جايبه سعر وحش جدا مع انها فابريكه وبحالتها
ربنا يستر بقا
تحياتى

---

طب عايز تبيعها ليه وهتجيب بدالها ايه وعلي فكرة السعر الوحش تقريبا في كل الجنوب افريقي السنة اللى فاتت وانا في التوكيل كان واحد معاه مانيوال ادفانسيد بيعملها صيانة ال15000ك كانت ايامها ب150000ج بيقولي كنت عايز ابيعها وكانت عاملة حوالى 2000ك لقيتها جايبالي 120000ج.
انا بالنسبة ليا والدي عايز يبيع بعد مارخصة العربية تخلص في 2011 بس انا مش هاخليه يبيعها غير لما الشكل الجديد في 2013 او2014 ينزل وكمان خلي بالك موضوع سعر اعادة البيع بالنسبة للكورولا هياخد وقت عمال مايرجع زي الأول لما العربية تثبت نفسها في السوق اكتر من دلوقتي وكمان لما الكورولا الخليجي تنزل بعد كده استرالي زي الكامري او تبقي تايلاندي الناس ساعتها هتدور علي الجنوب افريقي.
وعلي اي حال ظروف السوق النايمة دلوقتي متشجعش علي البيع خالص خاصة في وسط موديلات منافسة جديدة زي السيراتو والكروز يعني مثلا لو انت معاك 120000ج دلوقتي تشتري كورولا مستعمل ولا سيراتو او كروز زيرو ده غير موضوع التخفيضات الجمركية ورواج التقسيط وارتفاع سعر السيار عن شريحة ال120000ج اللي بتناسب ناس كتير.........الخ الخ الخ.
يعني لازم اللى يشتري السيارة في الظروف دي يكون زبون كورولا.

اقتباس:

---

المشاركة الأصلية كتبت بواسطة abo samra

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات :120146b
ربنا يصبرنا على mmt :girlsthink:
تحياتى

---

هي دي اخطر نقطة في الموضوع انك مكنتش راكب مانيوال قبلها وكمان مكنتش حتي راكب الأوتوماتيك الأربع نقلات العادي ده غير انك اصلا زبون اوتوماتيك مش مانيوال ولو التوكيل كان فهم الناس كده من الأول كان الموضوع بقي احسن من كده بكتير وكنت لاقيت ال mmtبيتباع عادي والأوتوماتيك بيتباع عادي والمانيوال بيتباع عادي وكل فتيس وليه زبونه لكن التوكيل ماانتبهش لحاجة زي كده غير بعد ما خربها وبعدين الفتيس مش مزعج لدرجة انك تبيع العربية بسببه ده هما كلهم 5 نقلات مش 50 نقلة.

اقتباس:

---

المشاركة الأصلية كتبت بواسطة kareemhisham

انا برده فى حاجات كتيييير بنتقدها فى العربية .. بس بحبها اوى والله :)

و الفتيس فعلا معمول لهواة الراحة المطلقة ..

بس هل حضرتك هتبيع العربية عشان الفتيس ؟؟ وهل هو تعبك للدرجة دى ؟؟

---

هو ساعات بيبقي زهق من العربية مش عشان فتيس لأنه كل يوم الواحد يركب نفس العربية ومافيش تطوير ركوب العربية اصبح روتين وانا نفس اعدل حاجات في العربية (بس ابويا مش راضي:_Alshmokh08[1]:)يعني اركب دي في دي وفوانيس ليدات وكلام من ده علشان احس بمتعة متغيرة(واتمنظر علي اللى في المنتدي بتاع تويوتا:POINTI~2[2]:)خاصة اني اكتر واحد بسوق العربية.
علشان كده فيه ناس بتحب تغير العربية كل سنة وانا اعرف واحد من دول كان معاه بروتون2006بعد كده استرا 2007هاتش باك بعد كده فوكاس استيشن2008 ودلوقتي فابيا2009 وعاوز يبيعها ويجيب تيجوان2010 وكل العربيات دي واقعة في سعر اعادة البيع وكل عربية بيخسر فيها من 30 :40 الف جنيه كل سنة.

اقتباس:

---

المشاركة الأصلية كتبت بواسطة ابو الوليد المصرى

هو ساعات بيبقي زهق من العربية مش عشان فتيس لأنه كل يوم الواحد يركب نفس العربية ومافيش تطوير ركوب العربية اصبح روتين وانا نفس اعدل حاجات في العربية (بس ابويا مش راضي:_Alshmokh08[1]:)يعني اركب دي في دي وفوانيس ليدات وكلام من ده علشان احس بمتعة متغيرة(واتمنظر علي اللى في المنتدي بتاع تويوتا:POINTI~2[2]:)خاصة اني اكتر واحد بسوق العربية.
علشان كده فيه ناس بتحب تغير العربية كل سنة وانا اعرف واحد من دول كان معاه بروتون2006بعد كده استرا 2007هاتش باك بعد كده فوكاس استيشن2008 ودلوقتي فابيا2009 وعاوز يبيعها ويجيب تيجوان2010 وكل العربيات دي واقعة في سعر اعادة البيع وكل عربية بيخسر فيها من 30 :40 الف جنيه كل سنة.

---

هو اه الواحد يحب التغيير بس كل 3 او 4 سنين .. مش كل سنة !! :ma:

و فعلا ولا عربية منهم سعر اعادة بيعها عليه القيمة .. طب ليه كدة ؟؟

حاول تنصحه .. كتير اوى 30 او 40 الف جنيه فى السنة .. لو كان انتفع بيهم كان هيعمل حاجات كتيير اوى ..

ربنا يزيدوا من نعيمه :)

اقتباس:

---

المشاركة الأصلية كتبت بواسطة abo samra

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات :120146b
ربنا يصبرنا على mmt :girlsthink:
تحياتى

---

حاجه غريبه مش مصدقها انك تقول كده بعد الجدال الطويل لموضوع الفيتس MMt ( ربنا يصبرنا علي mmt ) ليه !!!

اقتباس:

---

المشاركة الأصلية كتبت بواسطة ashrafe51

حاجه غريبه مش مصدقها انك تقول كده بعد الجدال الطويل لموضوع الفيتس mmt ( ربنا يصبرنا علي mmt ) ليه !!!

---

انا فعلا ملاحظ ان ابو سمرة اتغير من ساعة مجرب الأوتوماتيك بتاع الكورولا.

Ya Gam3a el Corolloa Automatic ( South Africa ) 4 speed manual transmission

اقتباس:

---

المشاركة الأصلية كتبت بواسطة abo samra

صوت النقلات بقا عالى جدا ومسموع بشده
بالنسبه للرجرجه دى برده زادت عندى لما بهدى بالعربيه خصوصا الانتقال من التانى الى الاول بتبقى فظيعه:_Alshmokh08[1]:
بالنسبه للصيانه مش عارف لسه هعملها ولا لا لانى احتمال ابيع العربيه قريب واحتمال تانى ما ابيعهاش لانها جايبه سعر وحش جدا مع انها فابريكه وبحالتها
ربنا يستر بقا
تحياتى

---

,

El Corolloa Automatic 2010 is the Best Choice i guess

اقتباس:

---

المشاركة الأصلية كتبت بواسطة sab3aawy

أفضل المانيوال -بالنسبة لك- لسببين

1- طالما انك بتسوق على طريق سريع وبتفادى تريللات يبقى مفيش داعى اطلاقا انك تخلى الآلة تاخد قرارات بدالك، الأفضل ان قراراتك تاخدها بنفسك

2- الفتيس الmmt نسبه تخفيضه قليلة، وبالتالى -بالمقارنة بالغيار السادس فى المانيوال-مش هيكون مريح فى السفر( وبكرر ان كلمة مش مريح هنا هى بالمقارنة بالفتيس المانيوال لنفس ماركة السيارة وليس على الأطلاق ، ارجو انى متفهمش غلط)

---

طبعا انا السبب الاول ممكن اتحكم فيه بس المشكلة هي فعلا في نسبة التخفيض وده من الحاجات اللي بتخليني افكر في 2010

اشكرك جدا اخ سبعاوي

اقتباس:

---

المشاركة الأصلية كتبت بواسطة faroukahafeez

سيدى الفاضل
موضوع mmt قتل بحثاً فى المنتدى ما بين مؤيد ومعارض واللى بيسأل عليه فى المنتدى بننصحة ان يعمل تست دريف

وأنت بتقول انك عملت التست دريف ومش شايف مشكلة فى الجير بوكس

عامة تجربتى مع mmt تجربة ممتازة جداً وموضوع الجراج العالى عمره ما كان معايا مشكلة فيه كفاية
ان اقولك ان شغال فى سيتى ستارز وكل يوم نازل طالع فيه بالاضافة الى جراج العمارة عندى عالى شوية

وبما أنك بتقارن بين المانيوال العادى و mmt
انا لو مكانك هشترى mmt لانه ممكن أسوقه مانيوال عادى بطريقة أسهل بكثير من المانيوال العادى باستخدام الشيفتات

أعمل استخارة وبالتوفيق ان شاء الله

---

بصراحة انا خايف من موضوع الجراج ده لان التويوتا برادو ماكانتش بتطلع معايا إلا بالغيار التقيل (غيار الغرز) وأول مرة وأنا بطلعها بالعادي لقيت دخان عجيب وريحة شياط من الكلتش والعربية مرضيتش تتحرك من مكانها ولغاية دلوقتي فيها صوت تكة غريبة كل ما أدوس كلتش .(والمشكلة تقريبا إن زاوية ميل الجراج شديدة)

شكرا اخي فاروق , والموضوع ده شكله مش هيخلص غير بالاستخارة فعلا .

اقتباس:

---

المشاركة الأصلية كتبت بواسطة feras_elngar

راى الشخصى يعنى

لو انت عايز اتوماتيك اشترى الاوتوماتيك العادى ( سيبك من ال mmt ) ده حتى سعره بقى ارخص من المنيوال ... العربية دى سعرها وصل ز مان الى 162,000 جنيه وده لانه عايز يخلص من الاستوك

الفتيس ده بيعلق منى كتير لما اكون ماشى سريع واهدى مره واحده وبعدين اجى اكمل الاقى العربية واخده الثالت وعمالة تزعق وموش راضية تنقل الى لما انقلها من وره الفتيس

وكمان فيه حاجة رخمة انه لما تكون مثلا ماشى على الرابع وتيجى توقف على مطب مثلا العربية بنتقل بالكامل للثالث وبعدين بالكامل للتانى ( بتاخد نقلة ) وبعدين للاول ده بيخلى العربية بتنطط حاجة بسيطة كده ( ناس كتير مبتلاحظش الكلام ده )

وانت جربت الفتيس طبعا بس موش 35,000 كيلو زى حلاتى

بالنسبة للمانيوال لو انا بشترى العربية دى لوالدى ( راحة يعنى ) اجيب اوتو عادى
انما لو لنفسى اجيب مانيوال

ولاحظ انك لو من القاهرة يعنى هتعيش فى الزحمة يبقى عليك وعلى الاوتو
خارج القاهرة وبتحب السواقة خليك فى المانيوال

الصراحة العربية كلها تمام ........ (ما عدا ال mmt بالنسبة ليه )

---

شكرا اخي فرس بس انا مبحبش الاوتوماتيك نهائيا , وبحب التحكم في العربية عن الراحة .

اقتباس:

---

المشاركة الأصلية كتبت بواسطة kareemhisham

استفسر من التوكيل لو هينزلوا الmmt موديل 2010 .. لو هينزلوا توكل على الله و هاتوه ..

لو مش هينزلوا يبقى خليك فى المانيوال

و طالما حضرتك بتطلع على طرق سفر كتير يبقى المانيوال هيكون افضل بما انك هتكون متحكم فى العربية اكتر

---

الاستاذ خالد قاسم في مبيعات العباسية لما سألتو وانا بجرب العربية قالي ان هينزل اكيد بس لما تخلص عندنا دفعة 2009 .
الخوف انه لو نزل 2010 mmt بـ 6 سرعات وعدلوا شوية في السوفت وير يبقى كده ’08 و ’09 هيبقوا اقل راحة ومش مرغوبين .

شكرا اخي كريم .

اقتباس:

---

المشاركة الأصلية كتبت بواسطة abo samra

صوت النقلات بقا عالى جدا ومسموع بشده
بالنسبه للرجرجه دى برده زادت عندى لما بهدى بالعربيه خصوصا الانتقال من التانى الى الاول بتبقى فظيعه:_Alshmokh08[1]:
بالنسبه للصيانه مش عارف لسه هعملها ولا لا لانى احتمال ابيع العربيه قريب واحتمال تانى ما ابيعهاش لانها جايبه سعر وحش جدا مع انها فابريكه وبحالتها
ربنا يستر بقا
تحياتى

---

وده مخوفني من mmt لان استعمالي ممكن النظام ده ميستحملوش ,كل شوية تسقيط
وجري , وادخل في دوامة التصليح في التوكيل اللي المفروض ما ابدأ فيها غير بعد على الاقل 4 سنين .

شكرا اخ ابو سمرة .

اقتباس:

---

المشاركة الأصلية كتبت بواسطة id_on_net

طبعا انا السبب الاول ممكن اتحكم فيه بس المشكلة هي فعلا في نسبة التخفيض وده من الحاجات اللي بتخليني افكر في 2010

اشكرك جدا اخ سبعاوي

---

طب هي نسبة التخفيض في المانيوال ال6سرعات هتبقي فعلا مريحة يعني في ال5سرعات سرعة 100 علي الغيار الخامس بتبقي 3400 او3500 وفي ال ام ام تي 3000 وفي الأوتوماتيك عند2200طب الغيار السادس هيريح الموتور لغاية فين.
هي حاجة تحير وتخلي دماغ الواحد تلف افضل حاجة انك تأجر العربية يومين سواء الأم ام تي او المانيوال العادي لأن الواحد برده مش بياخد راحته في التست درايف بتاع التوكيل وكمان عربيات التأجير بتبقي ماشية كتير واي عيوب فيها هتعرفها.

اقتباس:

---

المشاركة الأصلية كتبت بواسطة ابو الوليد المصرى

طب هي نسبة التخفيض في المانيوال ال6سرعات هتبقي فعلا مريحة يعني في ال5سرعات سرعة 100 علي الغيار الخامس بتبقي 3400 او3500 وفي ال ام ام تي 3000 وفي الأوتوماتيك عند2200طب الغيار السادس هيريح الموتور لغاية فين.
هي حاجة تحير وتخلي دماغ الواحد تلف افضل حاجة انك تأجر العربية يومين سواء الأم ام تي او المانيوال العادي لأن الواحد برده مش بياخد راحته في التست درايف بتاع التوكيل وكمان عربيات التأجير بتبقي ماشية كتير واي عيوب فيها هتعرفها.

---

هو بردو الموضوع مش راكب في دماغي بس اعتقد ان لما بتقارن في موضوع التخفيض بتقارن لاخر غيار وده معناه الـ 6 في manual 2010 يعني مثلا لما تبقي ماشي على 100km والسرعة السادسة هيبقى الrpm على 2400 او 2500 مثلا (وده افتراض - يعني معنديش معلومات اكيدة )

وبالنسبة لموضوع التأجير انا دخت ومش لاقي ابدا لان العربية اما بتكون متأجرة لشركات بترول او بتتأجر افراح بس و بالسواق - وياريت لو الاقي في اي مكان وانا أأجر فورا وأريح دماغي .

انا متأكد ان الـ manual 2010 مافيهاش اي مشاكل حتى نسبة التخفيض اتوقع انها اتحلت بالغيار السادس , العيب الوحيد هو موضوع الزحمة ودي مشكلة مرورية مش مشكلة في العربية

بالنسبة للـ mmt انا متعلق بيها وسبب اني اكتب الموضوع اني الاقي حد يقنعني بيها

من المزايا في mmt:
- سلس جدا في النقل
- الراحة في الزحمة
- بورش هيا اللي طورت النظام ده يعني اكيد مدروس كويس
- ممتعة في السواقة لاني عرفت اتعامل معاها وخصوصا عند المطبات والمنعطفات

من العيوب اللي مخوفاني :
- ممكن تبقى مش مريحة في السفر لو صوت الـ rpm هيبقى عالي ويحسسك ان العربية مخنوقة

- ان في اعضاء اتكلمت عن رجة بتحصل لما العربية تقلل في النقلات قبل مطب , وفي اعضاء بردو اتكلمت عن ان في قطعة الكترونية خربت واتغيرت في التوكيل وكان سعرها 20000 جنيه على حساب الضمان يعني لو خربت بعد ما الضمان يخلص مرة او اتنين هتبقى ازمة .

- التكنولوجيا دي ممكن ما يكونش معمول حسابها لبلدنا يعني كثرة المطبات والاشارات و....
وإن هيبقى في ضغط على الاجهزة الاكترونية والحساسات والاجهزة الميكانيكية لنظام النقل(يعني اكيد هيقل عمره الافتراضي بشكل كبير) .

- ان لو مانزلش mmt 2010 او نزل بتعديلات جذرية زي سرعة سادسة او سوفت وير يبقى كده '08 و ’09 فيهم حاجة غلط .

توكل على الله وخلليك فى المانيوال حكايه وروايه ومتعه مش عاوز ااقولك كل شويه اختلق اى مشوار علشان انزل اسوق معشوقتى الكورولا 09 الهاى لاين ده حتى الجريده قلت للبواب عندى مش يجيبوا الصبح كل جمعه وسبت علشان انزل انا اجيبه بمعشوقتى لمسافة اربعين متر
حقا على راى كريم انها سيارة محترمه ومش محترمه بس لا بنت ناس وماصله:S_thum1[1]: