الموضوع: يا اخوانى محتاج مساعدة فى قطعة غيار اصلية

طب جربت تجيبها استيراد؟؟؟؟

الصراحة ياكريزى قلقت اجيبها استيراد على اساس ان المستهلكات مش مضمونة اوى استيراد
بس هى كدة مش فارقة حاجة كلها محصلة بعض

المشاركة الأصلية كتبت بواسطة tuttoo

مساء الخير ممكن اسالك هو انت غيرت الاسطوانة قريب اوعملت اي شغل اضطريت انك تحل الفتيس لان الموضوع دة لة علاقة جامدة بضرب الكويلات جمع كويل = موبينا ف عربيتك

مساء الفل ياباشا ممكن توضحلى علاقة الفتيس وتغيير الاسطوانة بالكويل
انا مفتكرش انى حليت الفتيس اعمل فية شغل
بس ياريت توضحلى النقطة دى يمكن تفيدنى فى حاجة .... اصلى اول مرة اسمع المعلومة دى

الحمد لله ياجماعة قدرت اجيب الموبينا الاصلى وعملت 500 جنية وغيرت سلوك بالمرة معاها عشان لو كانت بتهرب ولا حاجة
بمجرد ماركبت وزودنا شوية بنزين بصيت على الجكمان لقيتة جاب رذاذ مياة(عشان كان بيطلع دخنة بيضا مهببة من عدم اكتمال الاحتراق)
طلعتنا جربنا العربية ماشاء الله فرق السما من الارض الصراحة حتى عن ماكنت بركب المضروب والصينى فى السحب والتجميع
الاول كنت اجيب الاول وامشية واخد الغيار التانى كانت بتاخد وقت عقبال ما الغيار يشد لاكن دلوقتى الغيار بيشد بسرعة

المهم بقى انى اتفقت مع الراجل اللى اشتريت من عندة الموبينا عاليها ضمان اية (قالى يابية دى الاصلى )طيب ياعم الحج هو بقى فية حاجة مضمونة دلوقتى قالى معاك شهر لو عملت معاك حاجة تعالالى قولتلة طيب هات سلوك بالمرة عشان لو حصل حاجة مترجعش تقولى اصل السلوك متغيرتش وهيا اللى اثرت عليها ... قام بصصلى اوى كدة وقالى حاضر تحت امرك
اية رأيكم كدة اتصرفت صح معاة انى اخد ضمان وغيرت السلوك عشان ساعتها ميبقاش فية حجة لية

وبالنسبة للعلبة كرتون لونها اصفر وعاليها استيكر علية الختم الفضى العاكس ولوجو جى ام وصنع فى كوريا
بس ياترى يا ممدوح باشا اقدر اعرف ان فية سيريال نمبر على العلبة وعلى القطعة نفسها على اساس ان القطعة مش متلفقة فى العلبة وكدة مع ان وانا بفتح العلبة بصيت كويس اوى على الاصق يكون متفور قبل كدة ولا حاجة
معلش اللى يتلسع من الشربة ينفخ فالزبادى

اخر شىء ياريت الاخ الفاضل يشرح او يوضحلنا العلاقة بين الفتيس والكويلات اية تأثير دة على دة
وياريت ياجماعة اللى عندة نصيحة فى حاجة يقولهالى وشكرا لكل من ساهم برِِأية فى الموضوع
وربنا ميوقع حد مع التجار اللى معندهمش ضمير اللى بيستوردوا افشل حاجة ويبعوها انها اصلى

نسيت اضيف معلومة انا التكييف عندى اثناء ما الكويل اللى شيلتة دة مابدأ يخرف
مكنش بيلقط كل مرة والصراحة اتعكننت ماهى العملية مش طالبة تكييف كمان
وانا مروح من عند الميكانيكى شغلت التكييف اشوف اية نظافة لقيتة قام مسقع طبيعى جدا الحمد لله
فضلت افصل شوية واشغل على اساس انى لما كنت بشغلة وافصلة وارجع اشغل ساعات مكنش بيرضى يشتغل اويلقط مش عارف
المهم ان كدة استنتجت ان تقريبا فى علاقة بين التكييف والموبينا ِ.... اية رأيكم فى الموضوع دة
فى انتظار معرفة العلاقة بين الفتيس والموبينا