الموضوع: تسكن بالقرب من أهلك )العبور) ولا تسكن قرب شغلك (حدايق الأهرام)

اهلك طبعا لان الشغل مش دايم وممكن تنقل الى شغلانة احسن - باذن الله - او حاول تشوف مكان تانى فى النص

أهلي مبروحلهومش كل يوم .. شغلي بروحه كل يوم رايح جي!
يبقي قريب من الشغل طبعاَ ..

بس لو اهلى جرلهم حاجة واحتجونى بسرعة , ساعتها مش هينفعنى اى شغل

السكن بشكل عام فى مكان بعيد نسبيا عن الشغل والاهل يستلزم وجود سيارة موديل حديث وبحالة جيدة او سيارتين للاسرة احداهما حديثة والثانية ممكن نصف عمر لاستخدام الاهل فى حال غيابك فى الشغل وبصفة عامة الاهرام او العبور اعتقد المسافة بعيدة للعمل والاهل لكن انا افضل العبور جدا لانها فى اعتقادى انظف مكان فى مصر والحى مهتم جدا بالمدينة والمساحات الخضراء فيها هايلة والجو نقى جدا اما حدائق الاهرام اعوذ بالله منها صحيح هى المدينة نفسها كويسة بس انا لا اتحمل اسمع سيرة شارع الهرم او فيصل فضلا انى امشى فيهم بسيارة اماكن زحمة ومكتظة بالناس بطريقة عجيبة وانا لما شفت العبور من كام سنة كنت عايز انقل فيها فورا بس للاسف فوجئت ان الناس اكتشفوها والاسعار ارتفعت هناك بطريقة جنونية وخلى بالك فى العبور فى حى من احيائها فيه مشكلة مياه جوفية طفحت وضيعت على الناس مبانى وفلل بالملايين فلابد تسال فى الموضوع ده كويس وتختار الحى المناسب واظن ان افضلهم الحى المتميز والحى التاسع على شمالك وانت داخل المدينة واظن هيفتحوا فيه فرع لجامعة عين شمس