الموضوع: اسعار قطع الغيار الاسبرنزا A516

يا اخ egypt0777 انت ليه كل شويه عمال تشتم على العربيه انا حاسس من كلام حضرتك انك بتتكلم عن عربيه تانيه خالص غير ال516 انا العربيه عندى بقالها اربع سنين فحت وردم وعمرى ما حسيت ان العربيه ضعيفه او العمر الافتراضى لاجزائها قصير بالعكس انا حاسس انها احسن من العربيات الكورى اللى فى نفس فئتها فياريت منقعدش بقى نشتم ونتكلم عن العربيه من غير ما نستعملها مش من خلال تجربه للعربيه مره واحده او مرتين نحكم عليها ما يمكن العربيه اللى حضرتك ركبتها هى اللى فيها العيوب دى بسبب سوء الاستعمال

المشاركة الأصلية كتبت بواسطة menabigboss

الاسبرانزا يا جماعة عربية ليس لها اي لازمة وسعر ال 1600 الحقيقي منها المفروض انه 30000 جنيه ، وده احتكار لسعر عربية صيني ليس لها سعر في الخليج او عالميا ....وهنا التوكيل بتاعها عامل اللي جايب مرسيدس للشعب المصري الغلبان اللس زغللت عينية كماليات العربية ونسي ان سعرها مغالي فية للغاية..

خلي بالك الادارة بتمنع الكتابه باللون الاحمر

انا شخصياً كنت ضد الصينى على طول الخط و لسه ضد بعض الصينى لكن بصراحة الاسبيرانزا و الـ بى واى دى اثبتوا وجودهم رغم عدم اقتناعى شكلاً بالبى واى دى مع احترامى لملاكها لانها نسخة من التويوتا كورولا الشكل القديم لكن بصراحة عربية عمرى ما سمعت حد قال عنها كلمة واحدة وحشة و عشان مندخلش فى جدال مع اصحابها و نخرج من الموضوع الاساسى الا وهو الاسبيرانزا و الصينى عامة.

حتكلم عن الاسبيرانزا رغم انى كنت من اكبر معارضينها الا انى فوجئت بيها بتنجح جدا فى مصر صحيح فى الاول تخبطت مثل اى شركة حديثة لكن بدأت تثبت نفسها و تتلاشى العيوب القديمة مثل العفشة التى وصفها اصحابها و سائقيها بأنها سيئة جداً و لا تتحمل و لكننا نرى الأن أن الشركة فعلاً بدأت تسمع أراء المستهلك و تنفذ متطلباته.

و الاسبيرانزا اختلف عليها ناس كتير و ده مش معناه انها سيئة بل بالعكس فبعد ان كنت معارضاً لها لكن بدأت أفكر فيها رغم انى لى سنين بدور على تغير العربية لكن دايما تحصل ظروف تعطلنى لكن لو الفرصة اتيحت لى الان فأعتقد انى سأشترى الاسبيرانزا الـ a516 و اعتقد انى العربيات دى كمان كام سنة حتكون اقل عربية فيهم بـ 70 و انت طالع..

و كان فى عضو من الزملاء كاتب كلام انا برضه قلته قبل كدة و هو انى الكورى اول ما طلع الناس كلها كانت تقولك ايه ده حتركب صناعة كورى و تقفيل كورى لانى كانت كلمة كورى ساعتها زى كلمة صينى دلوقتى بيرمز بيها للاشياء قليلة الجودة قصيرة العمر لكن كوريا بدأت فعلا تكشر عن انيابها بعد سنوات قليلة من بدأها لصناعة السيارات و تصدريها و اتذكر انه من اولى موديلات شركة هيونداى و ربما كان الموديل الوحيد انذاك كانت الاكسيل و ساعتها الناس قالت عليها كلام كتير من ضمنه انى اكس العجلة بيتكسر و هى ماشية و بتجرى و انى كذا عربية حصل فيها الكلام ده و اتنشر الكلام ده فى جريدة قومية شهيرة تمجد هيونداى فى ملحقها الخاص بالسيارات الان.

و اعتقد ان الصينى خلال سنوات قليلة قادمة سيثبت نفسه جداً و سيعلو ثمن هذه السيارات و هذا ما جعلنى افكر فى شرائها الان لأنى لو اردت بيعها فى المستقبل (مش قبل 5 سنوات) فسأجد ان ما دفعته يرد لى تقريبا دون ان ينقص كثيراً.
و الخلاصة و اسف للإطالة ان مستقبل الصينى بمصر سيكون مثل الكورى.