نزلت الإسبوع اللى فات وخدت لفة على التلفزيونات
كل الأسعار اللى هاكتبها على مقاس 32 بوصة النوع lcd لأن هوة ده المقاس والنوع اللى حصرت بحثي فيه
كارفور
فيه عنده طبعا أكبر تشكيلة ممكن تشوفها أعتقد في مكان واحد
هاي سينس : ماركة الماني مكونات الماني تجميع مصري : كان سعرها 2300 جنيه
بلوتو : مصري تصنيع الهيئة العربية للتصنيع : 2400 تقريبا مش فاكر قوي
كايرا : ماركة إنجليزي مكونات صيني تجميع مصري : 2250
نوكيا إجيبت : ماركة غير معروفة وتجميع مصري : 2000 وحاجة مش فاكر
طبعا كل دول high contarast وبأرقام عالية جدا كمان ودي لا يختلف فيها أي موديل سواء دول أو اللى جايين ... لكن اللى فات فل هاي ديفينشن بعكس اللى جاي هايكون هاي ديفينشن ريدي فقط برغم إنه أغلى في السعر لكن أكثر عراقة في الماركة
سوني : الفئة s مكونات ياباني تجميع مصري وواحد قالي مكونات ماليزي تجميع مصري : 3500 هاي دفينشن ريدي فقط ... الفل هاي ديفينشن وهي الفئة v بتكلم في 4500 ... تقريبا برضه
باناسونيك : مكونات ياباني تجميع مصري : 4000 جنيه هاي ديفينشن ريدي فقط
سامسونج : مكونات كوري تجميع مصري الفئة الرابعة : 3500 هاي ديفينشن ريدي فقط
lg : بصراحة سعرها كان مبالغ فيه جدا برغم إنها الوحيدة اللى معمولة في الصين : 4500 هاي ديفينشن ريدي فقط
طبعا كل الكلام ده من أفواه مندوبي المبيعات بتاعة كل شركة عدا شركات سوني وسامسونج وباناسونيك و lg لأن دول كانوا بيحلفولي إن الشاشات اللى أنا ذكرتها هنا فل هاي ديفينشن وبعد كده إكتشفت إنها هاي ديفينشن ريدي فقط
بي تك : تقريبا ماتفرقش غير إن السامسونج الفئة الرابعة سعرها كان 4000 جنيه .. وكان فيها شارب بـ 3000 جنيه
وطبعا كل شاشة بتتميز بشوية أوبشنز يعني تلاقي في واحد فيها مخارج ومداخل في الجنب وواحدة فيها بلوتوث وواحدة فيها راديو fm وواحدة فيها
لية إستفسار بقى
أنا دلوقتي معروض عليا سامسونج بسعر خاص الفئة الرابعة بسعر 3250 جنيه
وكمان معروض عليا سوني بسعر خاص الفئة s بسعر 3395 جنيه
وحاسس إني هاجيب واحدة من دول
تنصحوني بإيه سامسونج ولا سوني ... ولا أستنى وأجيب حاجة فل هاي دفينشن برغم إنها غالية وأنا مشفتش فرق كبير بينهم لما كانوا الأثنين السوني الفل والهاي فقط شغالين قدامي على بلو راي ماحستش إن الفرق جبار بينهم
ياريت حد يفيدني هل في فرق فعلا ولا أجيب السامسونج أولا لأنها أرخص ثانيا لأن شكلها عجبني أكتر من سوني