مساعدة فى شراء تليفزيون lcd

**DR_EMAD** · 03-11-2009 09:38 AM

السلام عليكم ورحمة الله وبركاته

عايز أشترى تليفزيون lcd

32 بوصة

وفى ماركات كتيرة فى السوق .. ومحتار أختار إيه

طبعا .. أنا عايز جهاز محترم .. متظهرش فيه مشاكل بسرعة

وطبعا يكون الصوت بتاعه كويس .. وصورته نقية

====

كان فى حد رشح لى lg

إيه رأى حضراتكم ؟

**أبو صلاح** · 03-11-2009 10:00 AM

lg full hd
جهاز خارق بمعنى الكلمة
انا جبته بس تلفزيون 29

**eng.octooo** · 03-11-2009 10:04 AM

lg full hd و توشيبا وسامسونج دول احسن الماركات المحترمة

**amrico** · 03-11-2009 10:08 AM

متابع بإهتمام
انا كنت عاوز اجيب واحد 37" او 42"
عشان رسيبشن وكنت عاوز اعرف اسعارهم كام وايه احسن حاجة بالمقارنة بالسعر، لأن Sony كويس طبعا بس دايما اغلى من كل اللي في السوق.

وبخصوص ال32" انا عندي واحد SONY قديم كنت جايبه ب 6666 جنيه دلوقت سعره نزل جدا، بس هو كويس جدا وشغال عندي من زمان، والأولاد ماشاء الله مبهدلينه لكن متحمل.

**M.Hosni** · 03-11-2009 10:22 AM

تلفزيون LG - Series LH70
ده full hd و مميزاته حلوه و يعتبر اعلى مواصفات و أقل سعر في السوق بالمقارنة باللأنواع التانية اللي زيه
تمنه 4900 جنيه
أقل تلفزيون زيه يكون full hd بيكون أغلى منه ب 1000 جنيه

**amrico** · 03-11-2009 10:24 AM

المشاركة الأصلية كتبت بواسطة hamadahosni

تلفزيون LG - Series LH70
ده full hd و مميزاته حلوه و يعتبر اعلى مواصفات و أقل سعر في السوق بالمقارنة باللأنواع التانية اللي زيه
تمنه 4900 جنيه
أقل تلفزيون زيه يكون full hd بيكون أغلى منه ب 1000 جنيه

وده كام بوصة؟ وال 37 او 42 بكام لو سمحت لو مافيهاش تناحة ؟؟؟

**Terrible_DaRsH** · 03-11-2009 12:19 PM

اشتريت من اسبوع Lg ..

32 بوصة زى مانت عايزه .

بجد تليفزيون تحفة ما شاء الله و داخل دماغى .

انا نزلت بى تيك و شفت التليفزيونات هناك , لاقيت ان احسن تليفزيونات فى الحجم ده هى توشيبا و LG ..

التوشيبا قلبت فيه شوية لاقيت فيه خاصية جميلة جدا و زى الزفت فى نفس الوقت , الخاصية اسمها تحكم الاضائة , التليفزيون بيديك اضائة على حسب اضائة المكان , يعنى لو طفيت النور هيعلى الاضائة لوحده .

دى ميزة حلوة بس رخامتها فى ان كلمة تحكم الاضائة مش بتتشال و بتفضل موجوده فترة طويلة لحد ما يتاقلم على الاضائة .

فريحت دماغى من كل دا و جبت LG و التليفزيون ما شاء الله بجد انصحك بيه بسماعات تيربو .و التليفزيون ينفع توصل عليه 5 اجهزة فى وقت واحد .

**CryptonX** · 03-11-2009 12:56 PM

خلي بالك من حاجة بس نفسي اقولها من زمان .. و لو اني عارف ان الشعب كله حيمشي وراء الدعايا .

موضوع ال FULL HD و ال HD بس .

ايه هو الفرق بين ال FULL HD وال HD ?

الاتنين HD او High Definition .

الفكرة فقط ان ال HD العادي او المسمى ب 720p
ال resolution بتاعته 1280x720 .

ال FULL HD او ال 1080p
1920x1080 .

فبالتالي الجهاز الFULL HD قادر انه يديق دقة صورة اوضح و اكبر و احلى من ال HD ...

ولكن !!!

الفكرة كلها .. مش في الجهاز نفسه ! و انما في مدخل الصورة جاي منين ؟

بمعنى ان ارسال التلفزيون الارضي و الرسيفير العادي و اجهزة ال DVD الي حتسعمله معظم الوقت مازال بيستعمل ال SD
او ال STANDARD DEFINITION

ودي بتشتغل بدقة 720x480 .

حتقولي طب ايه المشكلة ؟؟

المشكلة انك لما تشغل حاجة SD علي جهاز HD او FULL HD.

جهاز الكومبيوتر الصغير داخل التلفزيون ال LCD بيقوم بعمل " تكبييييير " للصورة الي داخلة الي هي 720x480 الي الدقة الي هو شغال بيها الي هي 1280x720 في العادي و 1920X1080 في الكامل .

و دي مصيبة ! لانها حتفرق من ماركة لماركة و لكن النتيجة النهائية .. انك لو جبت تلفزيون عادي وشغلت عليه نفس القناة حتلاقي صورتها " أوضح و ادق بكتيييييييييييييييير " من ال LCD ممكن تكون الوانها اوحش او او . .لكن الدقة نفسها حتلاقيها ممتازة بالنسبة للLCD .

في ال LCD حتلاقيها ( لما تقرب ) فيها زي زغللة خفيفة كدة او كما بيسموها ( مبكسلة ) .

و دي طبعا بتفرق من قناة الى اخرى .. يعني ممكن تلاحظها في قنوات بدرجة كبيرة اوي و ممكن تلاقيها اخف في قنوات اخرى .

طب ايه فايدة رغيي ده كله !

الفكرة هي .. تخيل ملف الدقة بتاعته 100ْx100 و انت عايز تعرضه علي شاشة بتعرض بدقة 1000x1000 .. يعني حتكبر الصورة 10 مرات .. يعني الصورة حتقل وضوحها 10 مرات .

تخيل نفس الصورة بقى عايز تكبرها 20 مرة ! علشان ال FULL HD . يبقى حتخسر دقة الصورة 20 مرة !

بمعنى اخر ان الصورة العادية بتاعة الدش و التلفزيون و الدي في دي العادي حتبقى اقل دقة او اكثر بكسلة علي جهاز FULL HD عنه من جهاز HD عادي !

و بما ان معظمنا لا يمتلك اجهزة BLURAY او رسيفيرات HD )
و مفيش قنوات عربي HD اصلا ( لحد علمي )

حتواجه مشكلة ان الصورة مش حتبقى حلوة الي لو مشغل حاجة اصلا HD .

فبالتالي احيتاجك لجهاز FULL HD ... ملوش اي لازمة ! الا اذا ناوي تكمل ! و تشتري ريسفر HD و DVD HD .!

او حتشعل الشاشاة على جهاز كوبيموتر علي طول و محتاج RESOLUTION اعلى من 1280X720 .

غير كدة مضيعش وقتك و فلوسك في مميزات عمرك في مصر ماحتسغلها !

دحنا لحد دلوقي الارسال شغال بنسبة 4:3 علشان التفلزيون العادي و ال LCD و العالم كله شعال 16:9 .. يعني حتظطر كمان تشوف الناس و المناظر اعرض بكتيير من الطبيعة ( في بعض الاجهزة خاصية WIDE ZOOM و دي بتكبر الصورة و تقطع منها حتة علشان تبقى شغالة علي الشاشة كاملة بنسبة مظبوطة ) .

خلاصة الكلام .. حتجيب LCD تشوف عليها الدش العادي و التلفزيون و ال DVD او افلام DVD و العاب من على الكومبيوتر هات شاشة 720p مش FULL HD ووفر فلوسك .

حتشتري ريسفر HD و تستنى القنوات لما تقلب ! ( او لو عندك قتوات اوروبية ) و حتشغل افلام Bluray , هات ال FULL HD وادفع بقى الفرق في كل حاااااااااااجة !

---------------

نصيحة اخيرة بخصوص الالعاب و اجهزة ال LCD .
احسن صورة تاخدها من الشاشة لما تشغل اللعبة علي نفس ال RESOLUTION بتاع الشاشة .. بمعنى الشاشة لو 1280ْx720 , اللعبة تشتعل 1280 ممتازة ..

و بالتالي لو اشتريت FULL HD حتظطر تشغل اللعبة علي 1920x1080 و علشان تعمل كدة لازم يكون عندك كارت شاشة محترم تمنه مش حيقل عن 1500 - 2000 جنيه ! يبقى لبست في حاجة تانية كمان !

--

انا اسف اني طولت عليك بس انا كنت في موقعك ده من 6 شهور و قررت الحمد الله و اشتريت شاشة بس عملت بحث كافي علشان افهم انا بشتري ايه مش امشي زي المصريين كلهم ده FULL HD يا عم !! اوعى وشك !

زي الموبايل ابوا كامرتين لما نزل في مصر و مكانش في اصلا 3G لسة و الناس كلها فرحانة موبايل بكامرتين !

**OilMan** · 03-11-2009 01:38 PM

بص انا بدور زيك ومن خلال اللف الترتيب كالاتى
سامسونج صوره وصوت
ل جى امكانيات مع صوره
سونى اقلهم
انما الباناسونيك هو الوحيد اللى يابانى ومكوناته يابانى
كارفور عامل عروض جامده لو عاوز تشترى البس وانزل حالا