اسأله كتيره بخصوص اللانسر

**Hikayat** · 05-11-2009 02:11 AM

المشاركة الأصلية كتبت بواسطة مصراوي جدا

رقم الشاسيه بيحدد هي موديل سنة كام فلو كانت موديل 2009 هيكون رقم الشاسيه كالتالي

jmysncs3a9u001234

ولو 2008 هتكون
jmysncs3a8u001234
ده بفرض ان رقم الشاسيه 1234 في الرخصة

عموما اكتب لي رقم الشاسيه وهاقول لحضرتك هي مصري ولا خليجي ولا أردني

الف الف شكر يا بشمهندس ع الرد والاهتمام وباذن الله لو تسمحلي هبعت رساله لحضرتك برقم الشاسيه

وانا كده اتاكد انها موديل 2009

**adel1414** · 05-11-2009 04:03 AM

على فكرة انا اخويا معاة لانسر بردة سبورت وبتعمل 185 كيلو فالصفيحة

**مصراوي جدا** · 05-11-2009 08:43 AM

- بناء على رقم شاسيه العربية اللي ارسلته فالعربية مصري ولونها اسود ورقم محرك 1532 وده معناه انها مغطاه بضمان 3 سنوات أو 100 ألف كيلو متر بشرط عمل الصيانات الدورية في مراكز خدمة التوكيل او مركز خدمة معتمد وحضرتك عملت صيانة الألف في التوكيل فكل شيء تمام

- بشكل عام الخليجي كمان ممكن صيانتها في التوكيل انما غير مغطاه بالضمان

- تركيب الزينون والفوجات او كاسيت أو جهاز انذار كل ده مش هيخرج بره الضمان الا لو حصل مشكلة في العربية كانت الحاجات دي لها تأثير مباشر عليها وطالما ركبت الحاجات دي ومفيش مشكلة حصلت فالضمان ساري

(اقصد مثلا واحد ركب جنوط 17 بدلا من الجنوط الأصلية الـ 15 وده اثر على العفشة واتلفها فمش من حقه تغيير قطع العفشة في الضمان لأن هو اللي غير حاجه اتلفتها.. ده المعنى المقصود)

- بخصوص استهلاك البنزين فواضح ان حضرتك من هواة الشد والجري بالعربية وده بالتأكيد له تأثير كبير على استهلاك البنزين .. كان لسه احد الأخوة اعضاء المنتدى عندي امبارح وبيحكي لي انه غير طريقة قيادته للعربية وقلل جدا من الجري والشد واتفاجأ بفرق كبير جدا في معدل استهلاك البنزين

- طالما بتحافظ على الصيانات الدورية كل 10 آلاف كيلو متر وبتغير فيها زيت موبيل 1 اللي بيقعد 10 آلاف كيلو فمش هتحتاج تغير او تضيف اي حاجه للعربية (زيوت - مايه) الا خلال الصيانة الدورية بتتم مراجعه كل الحاجات دي واوعى تسمع كلام اي عامل في محطة بنزين يقول لك غير سائل تبريد المحرك (الردياتير) بنوع ممتاز عندهم لأن ده حصل مع ناس كتير وكان السائل ده شديد الحموضه أتلف الردياتير وخرجه بره الضمان
طبعا ماية المساحات هي فقط اللي ممكن تزودها انما طبعا ده لا يمنع متابعة عداد الحرارة للتأكد ان حرارة المحرك معتدلة

**mohamedbih87** · 07-11-2009 01:53 AM

السلام عليكم انا عندى لانسر 2008 خليجى ومبخرجش بيها الا للمشاوير البعيده وممكن تتركن فى الجراج 3 ايام فهل هذا يؤثر على العربيه ارجو الرد علما بان ثقافه السيارات محدوده وشكرا

**مصراوي جدا** · 07-11-2009 11:32 AM

المشاركة الأصلية كتبت بواسطة mohamedbih87

السلام عليكم انا عندى لانسر 2008 خليجى ومبخرجش بيها الا للمشاوير البعيده وممكن تتركن فى الجراج 3 ايام فهل هذا يؤثر على العربيه ارجو الرد علما بان ثقافه السيارات محدوده وشكرا

لأ مفيش اي مشكلة خالص

**devilishtigers** · 11-11-2009 03:53 AM

المشاركة الأصلية كتبت بواسطة sameh200005

انا مقبل على قرار شراء سيارة جديدة ومحتار جدا بين النيسان صني والانسر البومة 2009 !!!!!؟؟؟؟

متابع بأهتمام

**Hikayat** · 04-12-2009 05:00 AM

المشاركة الأصلية كتبت بواسطة مصراوي جدا

- بناء على رقم شاسيه العربية اللي ارسلته فالعربية مصري ولونها اسود ورقم محرك 1532 وده معناه انها مغطاه بضمان 3 سنوات أو 100 ألف كيلو متر بشرط عمل الصيانات الدورية في مراكز خدمة التوكيل او مركز خدمة معتمد وحضرتك عملت صيانة الألف في التوكيل فكل شيء تمام

- بشكل عام الخليجي كمان ممكن صيانتها في التوكيل انما غير مغطاه بالضمان

- تركيب الزينون والفوجات او كاسيت أو جهاز انذار كل ده مش هيخرج بره الضمان الا لو حصل مشكلة في العربية كانت الحاجات دي لها تأثير مباشر عليها وطالما ركبت الحاجات دي ومفيش مشكلة حصلت فالضمان ساري

(اقصد مثلا واحد ركب جنوط 17 بدلا من الجنوط الأصلية الـ 15 وده اثر على العفشة واتلفها فمش من حقه تغيير قطع العفشة في الضمان لأن هو اللي غير حاجه اتلفتها.. ده المعنى المقصود)

- بخصوص استهلاك البنزين فواضح ان حضرتك من هواة الشد والجري بالعربية وده بالتأكيد له تأثير كبير على استهلاك البنزين .. كان لسه احد الأخوة اعضاء المنتدى عندي امبارح وبيحكي لي انه غير طريقة قيادته للعربية وقلل جدا من الجري والشد واتفاجأ بفرق كبير جدا في معدل استهلاك البنزين

- طالما بتحافظ على الصيانات الدورية كل 10 آلاف كيلو متر وبتغير فيها زيت موبيل 1 اللي بيقعد 10 آلاف كيلو فمش هتحتاج تغير او تضيف اي حاجه للعربية (زيوت - مايه) الا خلال الصيانة الدورية بتتم مراجعه كل الحاجات دي واوعى تسمع كلام اي عامل في محطة بنزين يقول لك غير سائل تبريد المحرك (الردياتير) بنوع ممتاز عندهم لأن ده حصل مع ناس كتير وكان السائل ده شديد الحموضه أتلف الردياتير وخرجه بره الضمان
طبعا ماية المساحات هي فقط اللي ممكن تزودها انما طبعا ده لا يمنع متابعة عداد الحرارة للتأكد ان حرارة المحرك معتدلة

الف الف الف شكر يا بشمهندس طارق ع الرد والاهتمام
حضرتك رديت عليا بسرعه جدااااااا وعلي الحاجات اللي كانت محيراني .. وده اللي احنا متعودينه منك

ومعلش تعبتك معايا
والف شكر مره تانيه ع الرد والاهتمام