سؤال ضروري لملاك الاكسنت

**essam_shaaban** · 03-11-2009 12:57 PM

انا اشتريت اكسنت2000 موتور1300 من كام يوم
انبارح الصبح فولت التانك لحد f و مشيت بيها انبارح والنهارده حوالي 140 كم و مؤشر التانك وصل لحد النص بالظبط
انا شايف الاستهلاك ده كده للبنزين عالي اوي، هل ممكن حد يفيدني مع العلم اني بحط بنزين 90 و العربية لا بتقطع ولا بتنتش ولا اي حاجة ولا شغلت التكييف خالص

منتظر الرد باهتمام بالغ

**abouelmaggd** · 03-11-2009 07:39 PM

الف مبروك العربية و ربنا يكتب سلامتك،بص يا باشا انا معايا 2005 موتور 1300 الاستهلاك كده تقريبا حوالى 18 لتر لو كنت مفول على الآخر لحد الزور ولو المؤشر حاليا على النص بالضبط ، العربية جوه البلد فى حدود 200 كم فى الصفيحة و على السريع 280-300 كم فى الصفيحة بدوووووووون تكييف و ببنزين 92 اغلبه من شل، مش عارف ال 140 كم اللى انتى قطعتهم كان نظامهم ايه ، جرب تفويل 92 من بنزينة محترمة و شوف.

**essam_shaaban** · 07-11-2009 08:34 AM

المشاركة الأصلية كتبت بواسطة abouelmaggd

الف مبروك العربية و ربنا يكتب سلامتك،بص يا باشا انا معايا 2005 موتور 1300 الاستهلاك كده تقريبا حوالى 18 لتر لو كنت مفول على الآخر لحد الزور ولو المؤشر حاليا على النص بالضبط ، العربية جوه البلد فى حدود 200 كم فى الصفيحة و على السريع 280-300 كم فى الصفيحة بدوووووووون تكييف و ببنزين 92 اغلبه من شل، مش عارف ال 140 كم اللى انتى قطعتهم كان نظامهم ايه ، جرب تفويل 92 من بنزينة محترمة و شوف.

سعادة الباشا، متشكر لحضرتك اوي اوي علي اهتمامك بالرد علي سؤالي
في الحقيقة انا فولت بعد ال140 ك دول العربية اخدت 10 لتر فقط، لاني بمشي دائري معظم الوقت
لكن الواضح ان عوامة البنزين فيها مشكلة
لان التانك كان خاسس 10 لتر فقط و الامبير مدي ان نص التانك فاضي و ده طبعا معناه عوامة البنزين
وديتها لكهربائي سيارات المهم فك عوامة البنزين و كده و قالي ان العوامة سليمة جدا زي الفل، انما فيه خبط ف التانك من تحت لان العربية واطية و الخبطة دي مخلية العوامة مش واخده راحتها في الحركة و عشان كده بتدي قرايات مش سليمة
دلوقتي الكهربائي ده قالي لازمن نفك التانك كله و نوديه عند السمكري يستعدله و دي قصة و شغلانة وانا حاسس انه بيتعمل عليا شغل ، ايه رايكم دام الله فضلكم

وشكرا ع الاهتمام

**kontak80** · 07-11-2009 12:05 PM

السلام عليكم مبدأ انا حصل معايا نفس الموقف بس فعلن طلع العيب من تنك البنزين فا الأفضل أنك تفك التانك وتوديه عند السمكري وألف مبروك على العربية وربنا يباركلك فيها

**dr_walid** · 07-11-2009 01:26 PM

الف مبروك
عليك
انا كان عندى تقريبا نفس المشكلة
فهى الاول عاملة كام كيلو
و اية اخر صيانة اتعملت
و حاول تغير فاتر الهو
و البنزين و الزيت
و حط بنزين 92 مش 90
من بنزيمة محترمة
دة اللى انا عملتة
والنتيجة الحمد للة كويسة
و الف مبروك
و ربنا يديلك خيرها و يكفيك شرها

**abouelmaggd** · 07-11-2009 08:44 PM

يا باشا احنا هنا محدش بيبخل على حد بالنصيحة :)بس على كده الاستهلاك منطقى جدا طالما مشاويرك على الدايرى ، انا من رأييى المتواضع بلاش موضوع فك التنك ده عشان مبيرجعش تانى زى الاول فى مكانه و لو مركبش صح هيقرفك بعد كده و انت بتمون و هتلاقى اوقات المسدس هيطرطش بنزين بره التنك ، يا ريت حد جرب موضوع فك التنك يقولنا على النتيجة.

**modo88** · 17-11-2009 05:03 PM

لحد ما استهلاك كويس للبنزين مفيهوش اي مشاكل وبالنسبه لفك التنك عادي يعني مفيش فيه مشاكل بس تفكه الاول عن عفشجي فاهم وتوديه لسمكري كويس وهايرجع زي الفل ان شاء الله انا جربت قبل كدا الموضوع دا عشان العداد كان بيدي قرايه مش سليمه واتركب وماشي زي الفل

**essam_shaaban** · 21-11-2009 04:46 PM

المشاركة الأصلية كتبت بواسطة modo88

لحد ما استهلاك كويس للبنزين مفيهوش اي مشاكل وبالنسبه لفك التنك عادي يعني مفيش فيه مشاكل بس تفكه الاول عن عفشجي فاهم وتوديه لسمكري كويس وهايرجع زي الفل ان شاء الله انا جربت قبل كدا الموضوع دا عشان العداد كان بيدي قرايه مش سليمه واتركب وماشي زي الفل

متشكر اوي لاهتمام حضرتك
انا القصة دلوقتي اني وديتها لكهربائي محترم اثق فيه غير الكهربائي الاولاني
كشف علي التانك وقالي لا مفهوش خبطات ولا حاجة
وكشف علي العوامة وقالي ان العوامة سليمة زي الفل
وحصر العيب في الأمبير اللي في العدادات
قالي انه مأخر حوالي 2 او 3 مللم ، هنفك التابلوه و ااقدم لك الامبير ال2 او 3 مللم دول ونغسل التابلوه و ننضفه و باذن الله كل شيئ يرجع سليم
لحد الأن انا مش عارف اثق في مين بالظبط لاني خايف يفك لي التابلوه يبوظ حاجة
افيدوني افادكم الله

**modo88** · 22-11-2009 02:40 AM

بص ياباشا طالما قالك بقا من الامبير خليك وراه وشوف اخره ايه وبالنسبه لفك التابلوه طبعا مش هايفكه كله هوا بس هايفك العدادات

العدادات ياباشا ليها مسمار فوق كدا بتتفك منه
واطمن متقلقش وان شاء الله هايرجع تمام

**masrawy_online** · 22-11-2009 01:19 PM

السلام عليكم
ممكن تجرب يا اخى انك ترش دى دبليو فو على الجزء الخاص بالعوامة لانها بتكون فيها شوائب
ثانيا : متفكش التانك مش حيرجع تانى
انا فكيت الطلمبة ونظفتها هى والعوامة وكان عندى نفس العيب بس الان الحمد لله
وعل فكرة انا وطيت العوامة حاجة بسيط واتظبط معايا
وبالنسبة للمؤشر الله اعلم بكلامة بس لو انت بتفول وبيطلع المؤشر الى الاخر يبقى كلامة غير صحيح
وربنا معاك

الموضوع: سؤال ضروري لملاك الاكسنت

LinkBack

أدوات الموضوع

عرض

سؤال ضروري لملاك الاكسنت - انشر الموضوع فى :

-

-

-

المواضيع المتشابهه

بخصوص الاكسنت ال rb ضروري جداااااااا

ريموت الاكسنت باااظ ... ضروري لو سمحتم

ضروري لملاك الويرا العظماااااااااء

سؤال في الاكسنت ؟؟؟؟؟؟؟؟؟؟

سؤال هام جدا لملاك ال 128

الكلمات الدلالية لهذا الموضوع

المفضلات

المفضلات

ضوابط المشاركة