:10D5C8w1107:مبروووووووووووك
عرض للطباعة
:10D5C8w1107:مبروووووووووووك
فكرة جامدة جداً ياجماعة وعموماً أنا مالك جديد لنيو أكسنت فيرانى at موديل 2011
هاي يا جماعه انا هشتري عربيه اليومين الجايين
و ناوس علي اكسنت او بيرسونا او بريلينس
شاجاعووووووووووووني و قولولي اكسنت ولييييه
شكرااااا
انا معايا 2010 عاملة 5000 كيلو وتمام
صباح الفل عليكم جميعا .. انا حاليا ناوى اجيب اكسنت موديل 2011 ... عايز اعرف رأيكم ايه اتكل على الله و اجيبها ؟!!!
و كمان عايز اعرف كمان فى حاجة منها اسمها سبورت و دى الزيادات اللى فيها و شكرا جدااااا
السلام عليكم ورحمة الله وبركاته
ممكن تفيدنى.ركبت الشبورة فين وبكام ولو امكن شوية تفاصيل : اشتريت الفوانيس منين؟ هل جبت الزرار بتاع التابلوه ولا وصلت على دراع النور ؟ ايه اخبار الاضاءة معاك ولا هل تنصحنى بتغيير اللمبات ؟
معلش على الاطالة بس بقالى كتير بدور على مكان متجرب فى تركيب انوار الشبورة
من واقع تجربة 38000 كم اقدر اقول انها عربية محترمة و تستاهل تمنها .. كفاية انى لغاية دلوقتى مقابلتش معاها اى مشكلة على مدار سنتين باستثناء مرة الزجاج الكهرباء اللى جنب السائق علق من حوالى 4 شهور و عملتها فى التوكيل تبع الضمان .. و ابسط مثال تيل الفرامل الاصلى لغاية دلوقتى لسة شغال و انا داخل على 40000 كم .
فيرانى 1600 سى سى مانيول موديل 2007
Hello Every one my name is Mohamed Tarik i have reserved the new accent 2011 Manual Dark red
, i wish i receive it soon and i would like to join the Accent fan with the most Decent people i have ever met , Sorry for typing in english as i dont have arabic language in that windows copy
Thanks ..
Regards :)
السلام عليكم ورحمة الله وبركاته
معلش انا اسف على التاخير فى الرد لعدم دخلوى على المنتدى
انا جبت فوانيس الشبورة من توكيلها الاصلى
اليمين من توكيل قليوب
الشمال والزرار من مركز بيع معتمد فى شبرا
الستارة من مركز بيع معتمد مصر الجديدة
طبعا انا كنت جايبهم من التوكيل عشان اركبهم بالتوكيل
طبعا اتصدمت لما قالولى مينفعش يركبوا بالتوكيل
طبعا عملت مشكلة كبيرة وبرده مركبوش بالتوكيل بس طلعت منهم باسم الراجل بتاعهم ماسك الزجاج الكهربى والكاسيت
عشم نوار بشارع السودان معروف جدا هناك
سعر الفانوس الواحد 375 *2=750 طبعا لو بتجيبهم اصلين بيجوا بالمض بتاعتهم معاهم
سعر الزرار 105
سعر الستارة 250
التركيب 150
طبعا كلفونى كتير جدا
بس فايدنى كتير وفرقين معايا كتير اوى بالنسبة للنور وباللاخص انهم بزرار لوحدة الى مكانه طبة بتابلوه
فيه طبعا صينى الجوز ب 180 و 120 بس انا مفضلتهمش بصراحة
بالنسبة للمض انا مغيرتهاش لانها كويسة معايا سايبها بالجاية فيها
يارب اكون افادتك
اولا جزاك الله خيرا ومتشكر على ذوقك انك بعد المدة ديه رديت على سوالى.
وكدة بقى هتوكل على الله واسال على سعرهم تانى فى التوكيل لان اخر مرة سالت قاللولى الفانوسين ب 1200 جنيه(600X2) وكدة بقى واضح ان فى حاجة غلط.لاننى سالتهم برده على حاجات تانية وادونى اسعار غير اللى رحت اشتريت بيها.:I_angr1[1]:
مشكور مرة تانية على ردك الواضح المفسر
لا عشم نوار ولا عنده الفوانيس ولا الستارة ولا الزرار هتجبهم من برة
وانا لفيت كدة عشان مكنتش لقيهم اصلا انا دخت جامد
الى حصل انى جبت من دليل التلفونات ارقام كل المراكز بيع هيونادى المعتمدة واعدت اتصل بواحد واحد لغاية ماجمعت كلوا كدة
فا اللفة دى كنت مضطرلها
مشكور للتوضيح وربنا يسهل الامور واخلص من موضوع الشبورة ده.
بالنسبة للضمان ... مفيش طريقة لتفادى طلوع الكهرباء من الضمان عند تركيب فوانيس الشبورة؟
طالما مش هتقص ولا تلعب فى الضفيرة.يبقى ملهوش دعوة الضمان بالفوجات.بمعنى لما تركب.اشترى المفتاح بتاع الفوجات من التوكيل ووصله بكتاوت من الفوجات على البطارية للفوجات.
واشترى نوع فوجات كويس وابعد عن الصينى بأى شكل.لاننى لما سالت عن الصينى عرفت انه مشاكله كتير واهمها انه بيسيح فى بعض الاوقات.
انا حامد العزيزي معايا اكسنت الكلاسيك 2011 فيرانى
وعايز اضبط اسوند سيستم في العربية لانى حسيت بفرق كبيييييييييير جدا بينها وبين الجيتا اللى معانا برده
فهل في حد ضبط الصوت في العربية دي؟
بس ما شاء الله عربية محترمة جدا
سؤال لو عايز اركب فوانيش شبورة للنيو اكسنت حيتكلف كام ومنين؟؟؟
بسم الله ، توكلت على الله
سيارتى نيواكسنت 2011
لسه ما عملت صيانة العشرة الاف ... لكن عندى بعض الملاحظات وهى:
1) سحب السيارة غير جيد خصوصاً عند تشغيل التكييف.
2) نقص المياه فى الإرية (هل هو طبيعى؟) بصورة ضعيفة جداً
3) صوت فى فرامل السيارة عند الضغط على الفرامل
مشكلة فى الكاسيت وخصوصا مع ال الـ c.d
هذه بعض المشكلات سوف اعرضها فى التوكيل عند صيانة ال10000 .
ولكن السؤال هل كل التوكيلات زى بعض؟ وهل هناك توكيل أحسن من توكيل؟
يرجى الافادة . وشكراً
اخواني أعضاء رابطة النيو أكسنت
السلام عليكم ورحمة الله وبركاته
تحياتي لكم جميعا
انا كنت ناوي أشتري عربية نيو أكسنت 2011 واتصلت بمندوب الشركة المصرية للسيارات عشان أحجز واحدة قالي حاجة غريبة قوي ... ال ايه النيو أكسنت وقف انتاجها ومش موجودة في السوق دلوقتي وحل مكانها الrp
أرجو منكم أفادتي في هذا الموضوع ولكم جزيل الشكر
الكلام ده ممكن يكون غير صحيح ولكن ممكن تتأكد من بعض المعارض الأخرى وانصحك بأن تسأل فى معرض غير ربوى علشان ربنا يبارك لك فى السيارة معرض الشركة العالمية المتحدة لتجارة السيارات-عبد اللطيف جميل(توكيل دايهاتسو) انا اشتريت سيارتى من عنده رقم تليفونه 25200008 وإسأل عن ا/خالد نعيم وقوله انا من طرف أ/محمد طه رضوان اللى خد منك السيارة النيواكسنت الكحلى ... وعندك معارض تانية كتيرة زى معرض الطارق 33033888 ا/فادى عزيز ، ومعرض السقا موتورز 0165529846 ا/محمد محمود ، ومعرض موتور وان 0172282158 ا/أحمد عثمان ، ومعرض 4brothers أ/والى 0102942502 ، ومعرض tiger motors ا/عمرو عبد الجليل 0100495800 ، وفيه معارض كتيرة لازم تسأل وممكن تسأل فى التوكيل هيونداى ا/سامح 0123656487
انا اكسنت 2011 rb ازرق زهري
السلام عليكم ورحمة الله وبركاته
Ashraf Gaber
Accent 1.6 AT 2011
ممكن حد يقولي مكان اعمل فيه صيانة غير غبور
(انا تابعت مواضيع تكنو وان لاقيت نفس الكلام ناس تشكر وناس تسب وتلعن )
وأخيـــــــــــــــــــــ را ......
الحمد لله ربنا كرمني واستلمت هيونداي نيو أكسنت 2011 فيراني بعد طول عناء وتعب ولف في المعارض , بصراحة يا جماعة عربية رائعة وفي رأيي هي صورة مصغرة من الألنترا وان كانت أكثر ثباتا عل الطريق , السحب رائع , استهلاك البنزين زي الفل , المساحة الداخلية معقولة جدا لأسرة متوسطة وان شاء الله ححاول اصورها وأقدمها للرابطة بس أرجو يكون في تفاعل م الأعضاء لأني بقالي كتير ما شفتش حد بيتكلم عن العربية دي
استاذ zidanmisr كان عندي استفسار بسيط هي النيو اكسنت بتاعت حضرتك rb ولا عادية وهل العادية لسة موجودة حتى في موديلات 2011
والف مبروك على العربية وربنا يدك خيرها ويكفيك شرهااا
أنا معايا نيو اكسنت 2007
وعاوز اغير لنوع زيت غير موبيل وان
ممكن ترشحولى نوع كويس لان موبيل وان مخلى الموتور صوته عالى قوى
ومحتار بين كذا نوع ( شيل هيلكس - شيل الترا - كاسترول ماجناتيك - كاسترول ايدج )
ياريت تنصحونى من واقع التجربة
لان حضراتكو عارفين ان النيو اكسنت صوتها عالى بعد ار بى 3
فعاوز حاجة تهدى الصوت
وشكرا
انا بحط شيل هيلكس وماشي معايا زي الفل الحمدلله
يا جماعة هوا ال rb من النيو اكسنت هوا الشكل الجديد\ بتاعها يعني 2011 و 2012 ومفيش نيو اكسنت العادية افيد\وني افادكم الله
شكرا على الرد يا استاذ عمرو
هو بكام ولو اشتريتة من بنزينة شيل فية احتمال يكون مضروب
وبيقعد مع حضرتك كام كيلو
ولية حضرتك مش بتستعمل التخليقى مع ان عربيتك حديثة
وهل صوت الموتور بيبقى حلو والموتور مش بيسخن
وشكرا على الرد
يا اخى احنا اتكلمنا فى الموضوع ده قبل كده وقلنا ممكن يكون الكلام ده مش صحيح وممكن تلاقى السيارة فى معارض اخرى ... ياريت حضرتك تدور على السيارة هتلاقى منها ان شاء الله موديل 2011 ... ممكن تسأل فى معرض غير ربوى مثل معرض عبد اللطيف جميل (الشركة العالمية المتحدة لتجارة السيارات ) تليفون 25200008 ان شاء الله هتلاقيها لان كان هناك شخص بيسأل فى نفس الموضوع ولقى السيارة الحمد لله دور فى نفس المنتدى ةاتصل بيه واسأله اشتراها منين اسمه على المنتجى zidanmisr... وربنا يوفقك
أنا بحطه في التوكيل مع الصيانات الدوريه, بس معتقدش ان اللي في البنزينه مضروب ... بجيب شل هيلكس الترا 10000 كيلو وهو على فكره تخليقي وبغيره على ال 12 كيلو تقريبا..... واما بينزل بينزل اسود تمام وده دليل ان زيت كويس و بصراحه ماشي معايا تمام. صوت المحرك عادي وساعات اما كون ماشي سالنسيه بزمر للناس عشان مش سامعين صوت العربيه :ma:
الموتور الحمدلله عمره مسخن للدرجه الخطيره بس اما اشد جامد وكيك دوان واعيش ,,,طبعا الصوت ببيعلا والمحرك بيسخن بس في حدود المعقول. و في من صحابي غيروا من موبيل وان لشل الترا.... تمنه مش فاكر كام دلوقتي بس تقريبا في حدود 260
وانا معاكم معايا 2010 اسود منيوال
أستخدم شيل هليكس أو الترا أفضل بكتير من موبيل وان ودى عن تجربة
طبعا فى نيو أكسنت الشكل العادى و السبورت كمان مع rb