بناء علي طلب الجماهير " العفشه "
بسم الله
في الاول احب اعرف نفسي دا لو مش يدايق حد يعني
انا اسمي محمد الليثي 26 سنه شغال في احدي شركات السياحه الامريكيه المشهوره :Ob_mak1[1]:
معايا عربيه فيكترا 99 1600 مانيوال
طبعا ناس كتيره هنا قرت المشاكل بتاعت الرشاش اللي كانت بتواجهني و اني اشتريت واحد و الحمد لله العربيه لحد دلوقتب زي الفل
نيجي بقي للعفشه و دي كانت مسببالي صداع فظيع دبدبه عومان و الدركسيون بيخبط " و لسه بيخبط لحد دلوقتي " و حاجات كتيره كدا و كان لازم وقفه مع الموضوع دا خصوصا بقي ان الاعراض دي زادت جدا لما كنت ماشي علي كوبي و في ملف و و انا محضن جنب الرصيف لقيت مره واحده طوبه من الرصيف طالعه لبره و مقدرتش افاديها و خبطها و لقيت العربيه كلها بتتحده شمال و مشيت عادي بس الاعراض زادت بقي و بقت الاصوات فظيعه و من هنا قررت اني لازم اكشف علي العفشه و اشوفلها حل و قد كان و كلمت اخويا " محمد الطناني " و دلني علي انسان محترم بتاع عفشه اسمه الحج يحي في شارع المدبح " امام القريه الفرعونيه " و روحنا سوا
ارفع ياعم العربيه و فك العفشه و وجدنا الاتي :
البارتين يمين و شمال مدمرين و عايزين يتغيروا
جلب بايظه و لازم تتغير
بوش في العلبه عايز يتاخد
المساعدين و السوست حالتهم كويسه و مش محتاجين حاجه الحمد لله
دا بالنسبه اللعربيه من قدام
نيجي بقي لورا
ال 6 جلب اللي في المقص مدمرين و دول السبب الرئيسي في عومان العربيه من ورا " دا طبعا بسبب اللعب بالعربيه "
و من هنا جت فكره اني اشتري المقصين كاملين استيراد بعد ما اكتشفت ان الجلب دي ب :N_no[1]:700 جنيه و ان المقصين استيراد بيعملوا 350 او 400 جنيه
و قد كان و اشتريت كل حاجه و بدا الشغل
حاجه قدام كلفتني تقريبا 300 جنيه انا للاسف مش فاكر الاسعار بالظبط بس اكيد طناني فاكر و هيكتبها كلها
و بالنسبه للمقصين اللي ورا جبتهم ب 350 من عند محمد سوس في الوكاله " انسان محترم بجد يعني " و كمان خدت من عنده مساعدين الكبوت لحسن كانوا بيظين عندي ب 100 جنيه و غيرتهم انا و طناني بنفسنا :44: و كمان زرار التكييف اللي مرسوم عليه العربيه خدته ببلاش فوق البيعه :hlopaet_prv:
الناس بصراحه شغلهم ممتاز و العربيه فرقت كتير جداااا و انا حسيت بالفرق دا جامد لما ركبت العربيه بقي و خد مطبات يا معلم زي مانت عايز :10D5C8~1107:
و بعد ما خلصنا كان في صوت تخبيط طلع ان الشكمان مش محكوم قوي روحنا عند واحد بتاع شكمانات فك الشكمان و ظبط الجلب لتاعته و ركبلها افيزات و الموضوع اتحكم و مبقاش في اي صوت تخبيط و الحمد لله
طبعا هيجي حد يسالني طيب ليه الدركسيون بيخبط لحد دلوقتي
هرد و اقوله علشان القطمه بتاعته فيها شويه بوش و عايزه تتغير بس لما بص عليها عيد " العفشجي " قالي فيها جلبه بس هيا اللي عايزه تتغير ابقي عدي عليا و نعملها في اي يوم و ان شاء الله هعملها في اقرب وقت بس لما افضي
و دي كان حكايتي مع العفشه و لو في اي حاجه انا نسيتها طناني ممكن يعدل علي الكلام بتاعي و شكراااااااا:coool: