الموضوع: تيل الفرامل تاني

انا عضو قديم فى المنتدي بس مشاركاتي قليلة جدا بس فعلا بستفيد جدا من خبراتكم و افكاركم
المشكلة عندي صوت حكة برتم ثابت فى العجلة الامامية يمين بتردد على التوكيل بسببها من فبراير الماضي عربيتي جين 2 2007 عاملة حاليا 33500كم
بدء كان القصة بعمل اصلاح حادثة فى التوكيل تم تغيير مساعد و بلية امامي يمين ورش اكصدام(ده ساعة ما كتبت عن سرقة البطارية الجافة من عربيتى و حطوا و احدة عادية بدلها) بس الحمد لله اخدت بطارية بدلها تعويض
- المهم استلمت العربية بعيب الصوت ده رجعت فى نفس اليوم من على الطريق و دخلت العربية قالولي معلش كان التيل مش مربوط كويس كده تمام اتفضل مع السلامة.
بعد اسخدام يومين ظهر الصوت تاني(صوت حكة فى مكان معين مع حركة العجلة الامامية يمين برتم ثابت مع استخدام الفرامل لتقليل السرعة)رجعت التوكيل تاني - اه دصوت الصاجة خلاص كده تمام مصنعية 50 جم و ظبط الميكانيكي جوه التوكيل ب 20جم (نصيحة المهندس بتاع الاستقبال)اتفضل مع السلامة.
كالعادة كام فرملة كل حاجة رجعت ذي الاول و اسواء علشان الصوت بعد سخونة الطنابير بسبب الاحتكاك بيبقي ظاهر طول الوقت قلت مش هرجع التوكيل تاني
لغايت ما ظهرت مشاكل تاني فى العربية هبقي اكلمكم عنها مرة تانية المهم رجعت التوكيل يوم السبت 31/10من10:30 ص الي4:30 م قلت اجرب اقولهم على الصوت ده تاني من ضمن المشاكل خلاص يا فندم كله تمام غيرنا طنابير امامية على الضمان مصنعيات 140جم اتفضل مع السلامة(كلة مرة بيتعمل اختبار طريق من احد مهندسين الجودة قبل تسليم العربية للعميل المرة دي اتعمل مرتين و كل مرة ترجع الورشة يتعمل فيها شغل لنفس العيب اللي محدش عارف يحله).
كالعادة كام فرملة والصوت ظهر (ذي الفل لا قلم ذاد و لا قلم نقص) رجعت التوكيل يوم الاحد 1/11 دخلت للمهندس آمر طلب مدير الصيانة جرب العربية و دخلت الورشة النتيجة
العربية محتاجة تيل امامي بتكلفة 400جم
طيب التيل اللي فيها ماله فاضي مثلا
لا بس وحش
طيب المفروض لو وحش تبقى الفرامل وحشة او على الاقل يحك في الطنابير طول الوقت مش فى مكان معين منه
التيل وحش و مبلط و لازم يتغير
طيب انا سامع ان نوعية التيل الل عندكم رديئة ينفع اشتريه من بره و تركبوه
لا طبعا لو اشتريته من بره تركبه بره و هتخرج من الضمان و متسالش على صوت حكة او مشاكل فرامل تاني.
يا جماعة انا متأكد انه مش عيب تيل و انه ظهر من ساعة تغيير البليلة و ان العجلة الامامية يمين فيه رفه بسيطة بتسبب الاحتكاك ده و لو ركبت التيل بتاعهم بغض النظر عن جودته هيقوللي امشي شوية بيه لغايت ما يطبع و بعد كده هيقولوا اه مش عيب تيل بس انت استهلكته و مش هينفع يتغيير على الضمان.
و لو ركبت التيل من بره و خرجت من الضمان و المشكلة لسه موجوده بسبب عيب تجميع فى العجلة الامامية او البلية مش راكبة صح مش هيعترفوا بيها علشان عملت الشغل بره-افيدوني افادكم الله.

حبيبي صوت الحكه ده موجود عندي من زمان وكل مشطكلنه من خامات التيل اللي في التوكيل
انا ركبت تيل fbk
واختفى من عندي فتره ورجع تاني
ماتضيعش فلوسك على التوكيل وخلاص اتعلم من اخطاء الاخوه
نصيحه مني روح غير التيل بالنوع ده الاف بي كي
وماتجبش الريمسا الاسباني اغلى وكمان عمل معايا نفس الحكه دي مع الفرامل

تحياتي وربنا معاك