مقابلة فى المهندسين (مين ناوى يجى).....

**zanativich** · 04-11-2009 02:01 PM

ممكن اجى؟
بس دى اول مره اتقابل مع حد فى المنتدى
بس انا مش اعرف اوصل مسجد مصطفى محمود
ممكن حد يوصفلى؟

**eng.octooo** · 04-11-2009 02:11 PM

مع محادثة كتابية قصيرة مع المدعو احمد الملقب ب bmw323 ومكالمة صوتية قصيرة ايضا قررت الحضور للقاء اعز الاصدقاء

(ان شاء الله هاجى بكرة بس على الساعة 9.29 ههههه)

zanativich

حضرتك تشرفنا وتنورنا وانا كمان دى اول مرة اقابل الناس الجميلة دى بس اتكلمت مع ناس كتيير منهم
عموما المسجد دة مشهور جدا وهوة فى شارع جامعة الدول العربية يعنى لو انت جاى من اكتوبر او احمد عرابى او العجوزة او ميدان سفنكس وتدخل ش جامعة الدول العربية واسال فى اول الشارع والناس هاتوصفهولك بالظبط
والمقابلة فى مكان مش فاكر اسمة ( اية اسم المكان يا احمد؟؟) بس هوة عموما جنب المسجد

ويارب الموضوع ينجح ومتحصلش حاجة تعطلنا

**bmw323** · 04-11-2009 02:16 PM

الوصفة زى ما قالك أكتو كدة بالظبط مسجد مصطفى محمود فى شارع جامعة الدول وأكيد حضرتك تعرف توصل لجامعة الدول أول لما توصل أسئل على مسجد مصطفى محمود ألف مين يدلك أحنا هنقف عند العربى ستورز فى نفس الشارع بتاع المسجد يعنى تخلى المسجد على شمالك قداام شوية على اليمين بعد التقاطع بالظبط هتلاقى عربيات لانسر نبيتى وألتو فضى ولانوس سوداء وباقى الناس ألى جايين أن شاء الله وعلى العموم أنا هبعتلك رقمى على الخاص علشان لو فى أى حاجة

**yasserit** · 04-11-2009 03:43 PM

يا جماعه انا ان شاء الله كمان حاجي ده لو محصلتش اي ظروف تمنع بس انا مش حينفع افوت المقابله دي لانها باين عليها حتكون شديده قوي و في ناس كتير جايه.........ياللا اشوفكم على خير ان شاء الله

**zaza_lanos** · 04-11-2009 05:05 PM

المشاركة الأصلية كتبت بواسطة bmw323

الوصفة زى ما قالك أكتو كدة بالظبط مسجد مصطفى محمود فى شارع جامعة الدول وأكيد حضرتك تعرف توصل لجامعة الدول أول لما توصل أسئل على مسجد مصطفى محمود ألف مين يدلك أحنا هنقف عند العربى ستورز فى نفس الشارع بتاع المسجد يعنى تخلى المسجد على شمالك قداام شوية على اليمين بعد التقاطع بالظبط هتلاقى عربيات لانسر نبيتى وألتو فضى ولانوس سوداء وباقى الناس ألى جايين أن شاء الله وعلى العموم أنا هبعتلك رقمى على الخاص علشان لو فى أى حاجة

يا ابو حميد ايه لانوس سودة ده

هتوقعنا مع العنصريين

لانوس سمراء حيث انه السمار 3/4 الجمال