اسئلة في الفانتازيا 2010

**red_4_blood** · 03-11-2009 08:05 PM

هاي يا جماعة

انا جبت فانتازيا اول فئة وكيل

فيه شوية حاجات مش عارفها كدة

-----------------------------------------------
-----------------------------------------------

1/ تحت التكييف فيه زرارين .....

بتاع ال asr

و واحد تاني عرفت انو بتاع ضغط الهوا

انا عايز اعرف ايه لازمتهم و بيشتغلو ازاي

------------------------------------------------------

2/ في المفتاح بتاع النور

فيه علامة اني اولع النور اليمين بس او الشمال بس عشان لو راكن على جنب شارع

مش عارف بيشتغلو ازاي ... يعني ازاي اجيب المؤشر عليهم

------------------------------------------------------

3/ احيانا لما بققل المرايتين ... ( لما اعمل ضم للمرايا ) اما يجو يتفتحو بعد كدة بحس انهم بيطقو و هما بيفتحو ... زي ما يكونو كانو مزنوقين و راحو مفتوحين ( مرزوعين مرة واحدة ) احيانا مش دايما

------------------------------------------------------

4/ مثبت السرعة مش عارف اشغلو خالص ... ياريت شرح طريقة عملو

------------------------------------------------------

5/ ضبط الصوت :

انا للاسف لعبت في الضبط بتاع الكاسيت ( البيز و التريبل و الحاجات دي ) و حاسس ان الصوت بقى وحش مش عارف اضبطو خالص

ياريت حد يجيبلي الضبط الاصلي اللي كان عليه ... او اي ضبط تاني يدي صوت حلو

( طلب غريب شوية )

--------------------------

شكرا

**red_4_blood** · 04-11-2009 10:14 AM

ايه يا جماعة .... مفيش اي حد عارفي اي اجابة

امال لو ضغط عليكو بالاسئلة شوية

**KHALED AYMAN** · 04-11-2009 11:17 AM

اولا الف مبروك عليك و احسنت الاختيار...

1-زرار asr ده عشان يمنع العجل من الفرك ..
لو ضغطت عليه هتلاقى ظهرت فى العدادت علامه عربيه بتتزحلق و ده معناه انك فصتله ..
لو عايز تشغله اضغط عليه تانى ...
بالنسبه لضغط الهواء ده بينور و يعمل صوت لما يكون فى عجله مريحه ..
المفروض حضرتك تروح تظبط الكاوتش و بعد كده تضغط على الزرار ضغطه طويله ...
بكده العربيه عملت save لضغط الهواء الى انت ظبتها عليه و اى تغيير هيحصل فيه العربيه هتقولك ...

2-و هى العربيه مبطله و مش فاتح الكونتاكت شغل الاشاره اليمين هتلاقى الفانوس الامامى و الخلفى يمين نورو ,,و كذلك الاشاره الشمال .....
و دى اسمها خاصيه البارك..

3-اعتقد عادى جدا لان الفيكترا عندى كده .....

4-دراع الاشارات عندك فى فى الطرف زرار تضغط عليه من فوق و تحت ....
و انت ماشى بالعربيه بس بعد ال 50 تقريبا ...
اضغط على الزرار الى تحت ...
هتلاقى علامه المثبت نورت فى التابلوه ..
و العربيه هتثبت السرعه على كده ...
الزرار الى فوق عشان تزود السرعه يعنى لو فضلت ضاغط عليه هتلاقى العربيه بتسرع لوحدها ...
و لو انت مش مشغل المثبت اصلا ..
لو ضغطت على الزرارا الى فوق العربيه هتفضل تسحب لحد ما توصل لاخر سرعه انت كنت مثبت عليها ...

5-معرفش .. بس نصيحه العب فيه لحد ما تظبط الصوت تانى عشان تتعلم و تفهم العربيه كويس ....

و اى خدمه انا تحت امرك ...

**m2die4** · 04-11-2009 07:17 PM

طيب سؤال جامد اوى الضوء النهارى , بجد كنت حكسر الدراع فى الاخر , يعنى ايه لمبه فى العربية مش عارف اشغلها ممكن تكون مفصوله مثلا علشان معندناش الكلام ده ؟ بس اللمبه موجوده و طريقة تشغيل صعبة و رخمه يا ريت حد يقول لو يعرف ازاى تشتغل دى

**KHALED AYMAN** · 05-11-2009 12:11 AM

يعنى ايه ضوء نهارى ؟؟

**red_4_blood** · 05-11-2009 03:56 AM

المشاركة الأصلية كتبت بواسطة khaled ayman

اولا الف مبروك عليك و احسنت الاختيار...

1-زرار asr ده عشان يمنع العجل من الفرك ..
لو ضغطت عليه هتلاقى ظهرت فى العدادت علامه عربيه بتتزحلق و ده معناه انك فصتله ..
لو عايز تشغله اضغط عليه تانى ...
بالنسبه لضغط الهواء ده بينور و يعمل صوت لما يكون فى عجله مريحه ..
المفروض حضرتك تروح تظبط الكاوتش و بعد كده تضغط على الزرار ضغطه طويله ...
بكده العربيه عملت save لضغط الهواء الى انت ظبتها عليه و اى تغيير هيحصل فيه العربيه هتقولك ...

2-و هى العربيه مبطله و مش فاتح الكونتاكت شغل الاشاره اليمين هتلاقى الفانوس الامامى و الخلفى يمين نورو ,,و كذلك الاشاره الشمال .....
و دى اسمها خاصيه البارك..

3-اعتقد عادى جدا لان الفيكترا عندى كده .....

4-دراع الاشارات عندك فى فى الطرف زرار تضغط عليه من فوق و تحت ....
و انت ماشى بالعربيه بس بعد ال 50 تقريبا ...
اضغط على الزرار الى تحت ...
هتلاقى علامه المثبت نورت فى التابلوه ..
و العربيه هتثبت السرعه على كده ...
الزرار الى فوق عشان تزود السرعه يعنى لو فضلت ضاغط عليه هتلاقى العربيه بتسرع لوحدها ...
و لو انت مش مشغل المثبت اصلا ..
لو ضغطت على الزرارا الى فوق العربيه هتفضل تسحب لحد ما توصل لاخر سرعه انت كنت مثبت عليها ...

5-معرفش .. بس نصيحه العب فيه لحد ما تظبط الصوت تانى عشان تتعلم و تفهم العربيه كويس ....

و اى خدمه انا تحت امرك ...

مش عارف اقولك ايه .................. شكرا ليك جدا جدا جدا جدااااااااااااااااااااااا ااااااااااااااااااااااااا اااا

و اسف اني ضيعت وقتك

**mabdou2005** · 05-11-2009 01:22 PM

3/ احيانا لما بققل المرايتين ... ( لما اعمل ضم للمرايا ) اما يجو يتفتحو بعد كدة بحس انهم بيطقو و هما بيفتحو ... زي ما يكونو كانو مزنوقين و راحو مفتوحين ( مرزوعين مرة واحدة ) احيانا مش دايما

دة بيحصل لو حد فتح او قفل المريات يدوى وبعد كدة تشعلها كهرباء المفروض لو حد فتح المراية يدوى يقفله الاول يدوى وبعدين يفتحها كهرباء

4- المثبت كالاتى الاول تعمل لة on من اعلى زر الاشارات
وانتى ماشى على سرعة 40 فما فوق تدوس على زرار set الى فى طرف دراع الاشارة
لمبة المثبت هتنور فى التابلوة وهو كدة يبق اشتغل

لو عاوز تزود السرعة هتدوس + لو حتققلل - من نفس الذراع
اول ما هتدوس فرامل المثبت حيتلاغى
لو عاوز ترجع لنفس السرعة الى مخزنها هتدوس recall
'طبعا الكلام دة كلة من غير ما تدوس بنزين هترحع للسعرة المخزنة لو عاوز تلغيها دوس cancel
وبعد ما تخلص هات الزار على off

5- الكاسيت من زار music

**mabdou2005** · 05-11-2009 01:39 PM

المشاركة الأصلية كتبت بواسطة m2die4

طيب سؤال جامد اوى

الضوء النهارى , بجد كنت حكسر الدراع فى الاخر , يعنى ايه لمبه فى العربية مش عارف اشغلها

ممكن تكون مفصوله مثلا علشان معندناش الكلام ده ؟ بس اللمبه موجوده و طريقة تشغيل صعبة و رخمه يا ريت حد يقول لو يعرف ازاى تشتغل دى

المشكلة دية كانت مجناننى برضة و فى الاخر وصلت ان دية مش لمبة ضوء نهارى انا لمبة بتنور فى المنحنايات لما بتكون منور النور الوسط دة الى انا وصلت لة بس مش عارف اجرلها انما انسى الضوء النهارى لان دة مش هنا

**m2die4** · 06-11-2009 02:01 AM

المشكلة دية كانت مجناننى برضة و فى الاخر وصلت ان دية مش لمبة ضوء نهارى انا لمبة بتنور فى المنحنايات لما بتكون منور النور الوسط دة الى انا وصلت لة بس مش عارف اجرلها انما انسى الضوء النهارى لان دة مش هنا

انا حسيت بالموضوع ده مره واحدة بس اول ما جت لفتها فى الشارع جامد و بسرعة و مرة واحدة كده حسيت فعلا ان فى لمبة زيادة نورت بس حسيت انها تهيأت , يعنى انا اركب حد و يلف بيها حتنور ؟

**m2die4** · 09-11-2009 10:40 PM

منورتش يا جماعة لو حد يعرف يقول ازاى تتفتح دى , هى لمبة فى فانوس الشبورة مش بتنور معاه و مكتوب فى المانيوال انها ضوء نهارى و مرسوم عليه صورة العربية و هو مفتوح