خليجي و لا وكيل؟؟؟!!!

**engco2** · 03-11-2009 08:13 PM

السلام عليكم و رحمة الله و بركاته

بجد أنا دمااااغي خلاص لفت؛ و مبقيتش قادر أفكر؛ و أختار جيتا؛ و لا فانتازيا؛ و لا هوندا؛ لكن علي العموم لو هختار جيتا و ده الأقرب إن شاء الله؛ ممكن حد يفيدني؛ أجيبها خليجي و لا وكيل؛ و لو خليجي؛ هعمل الصيانات فين؛ و مين أحسن الأماكن اللي تضاهي الوكيل؛ و لو حد عنده فكره عن أسعار قطع الغيار يا ريت يفيدني؛ و جزاكم الله خيراً

**SAiF3S** · 03-11-2009 09:03 PM

خليجى ولا توكيل اتناقش قبل كده هـنـــــــا

ومن كلامك واضح جدا انك ناوى على خليجى قبل ما تسأل

**معتز** · 04-11-2009 12:12 AM

معادلة توازن سعر وكماليات الخليجى امام الضمان لمدة 2 سنة من التوكيل.....ابحث هنا فى المنتدى وهتوصل لدعم رايك...بالتوفيق ان شاء الله ومبروك الجيتا

**engco2** · 04-11-2009 09:19 AM

لا و الله أنا لسه مقررتش؛ و فعلا مش عارف أقرر؛ بس كمان بسأل هو في خليجي tsi و هل هي إختيار ممكن الواحد يدرسه و لا لأ

**beeboo2005** · 04-11-2009 09:35 AM

أنا أرى أنك تجيب من التوكيل لأن لو فيه عيوب للتصنيع (و ده نادر بس ممكن يحصل و أحد أعضاء المنتدى حصلت معاه و بعت يسأل يعمل ايه و حتى اللى اشتروا خليجى بعد العديد من المشاركات و أبداء الأراء نصحوه بالذهاب للتوكيل----بس مش فاكر فين المشاركة علشان أحطهالك).
Tsi خيار رائع من حيث زيادة عدد الأحصنة و لكن لازم بنزين 95 (أستحالة أقل و ألا الموتور يبوظ) فهل تسكن بالقرب من محطات بها 95 (و ثمنه غالى قوى أصلا).
أتمنى أن يرشدك الله للأختيار الموفق.

**engco2** · 04-11-2009 02:24 PM

أنا قريت الموضوع اللي كان فيه مقارنه بين الخليجي و الوكيل؛ بس أكتر التعليقات كانت بترشح الخليجي؛ لأن فرق السعر بينها و بين الوكيل؛ يكفي لضمان سنتين مثلاً