الموضوع: اللوجان مش تقفيل مغربى؟

المشاركة الأصلية كتبت بواسطة col. Eng. Khaled

ضبط الهوا بس

شكرا يا باشمهندس على ردك السريع

المشاركة الأصلية كتبت بواسطة ringoo

لا كل حاجة تمام طبعا لكن كل اللى حضرتك محتاجه انك تظبط ضغط الهواء داخل الاطار
ولو المندوب زود شوية فى الفتى بلاش وروح لموزع تانى يا كريم وعندك (محمد زكى) وخلى بالك بجد عشان احنا
شوفنا حاجات غريبة فى المعارض انا مش عايز اخوفك بس بجد انا خايف يديلك عربية معيوبة ولا حاجة
وربنا يسترها معاك وابقى طمنا

انا رحت للطارق عشان انا اشتريت من عندهم قبل كده و للاسف ماعرفش فين محمد زكى
بس هى ايه المشاكل اللى ممكن تكون فى العربيه و ايه اهم حاجه اركز عليها؟

المشكله ان انا ساكن فى اسكندريه !!!!
و انا شايف ان كل المشاكل فى التسليم و التسويف فقط لكن مافيش عيوب فى العربيه نفسها
انا هستلم بكره ان شاء الله و هطمئن حضرتك اول ما ارجع البيت

يا وحوش انتو تقصدو بالمصرية للسيارت التوكيل بتاع رينو الى فى المهندسين ولا ده حاجة تانية
اصل انا الصراحة كنت حاجز هناك واستلمت قبل المعاد بشهرين عشان كنت قايل لهم لوحد حب يفوت دورة يبلغوني وفعلا ده الى حصل والمعاملة كانت كويسة

الرينو اللوجان السيدان دى مغربى
بس اللوجان الmcv
رومانى بس

للاسف الكلام اللى بيتقال على الطارق فعلا صح :((

رحت النهارده على اساس الاتفاق المسبق بيننا و الراجل مندوب المبيعات كلمنى و قلت له جايلك على 11 كده.

المهم قابلنى و قال لى معلش هو فى مشكلة !!!!!!
العربيه الفيرانى اللى كنت مختارها طلع الاكسدام بتاعها مخبوط و البويه متخربشه و انا -الكلام على لسانه- مرداش انك تاخد عربيه زيرو و ترشها!!

فقلت له لا طبعا مش هاخدها

قال لى طيب تعلى نطلع نشووف الالوان الموجوده (اسود و فضى) بس انا بصراحه الموضوع قفلت معايا و قات لا انا عاوز الفيرانى (مع ان ماتفرقش معايا اسود من فيرانى)

قال لى طيب المشكله ان مافيش غير الفيرانى المخبوطه دى بس و المركب هتيجي كمان اسبوعين !!
و الله بعد الكلمه دى كنت هشتمه بس قلت خلينا محترمين لغاية الاخر

المهم قلت له انا حاجزها فيرانى و مش هاخد غير الفيرانى

قال طيب استنى اطلع للااداره و هنزلك تانى

5 دقايق و نزل
قال لى يوم الاتنين ان شاء الله اللى هو كمان اربع ايام هتستلم الفيرانى !!!!!!!

طبعا انا من اول الحوار و انا دمى بيغلى و قافش عليه و ردى باختصار و خصوصا انى قريت اللينكات اللى حضرتك كنت حاططها امبارح و فى ناس كانت كاتبه نفس الحوار اللى حصل معايا بالظبط

فقلت له يوم الاتنين الجى لو العربيه ماجاتش انا هسحب فلوسي (5 الاف جنيه)

للاسف مفيش معرض محترم فى اسكندريه :((