اللوجان مش تقفيل مغربى؟

**Dr.Karim Emam** · 03-11-2009 11:09 PM

النهارده حجزت اللوجان من الطارق فى اسكندريه و سألت احد المندوبين اللى بيبيعوا هو يعنى التقفيل المغربي احسن من المصرى؟ (عشان انا كنت محتار بين الفيرنا و اللوجان)
فأكد لى ان اللوجان لا تقفيل مغربي ولا حاجه!!!!!!!!
قال لى إنها تقفيل رومانى و بتتشحن على المراكب الى المغرب ثم الى مصر (على اساس انها جايه من المغرب) عشان ماتتجمركش طبقا لاتفاقية اغادير !!!!!

و بصراحه انا بعد ما روحت فكرت فى الموضوع و فى حال المغرب اللى متدهور اكتر من مصر و الملك محمد السادس شغال اعتقالات للصحفيين المعارضين و الامن زى الزفت هناك لدرجة ان ابن عمى كان شغال هناك فى شركة اتصالات و ماكانش بيخرج الا و فى جيبه مطواه (اه والله الغظيم مطواه محترمه يعني)

فلاقيت ان موضوع التقفيل المغربي ده ممكن يكون فعلا اشتغاله كبيره

ايه رأيكم فى الكلام الغريب ده؟

**nomercy22** · 03-11-2009 11:34 PM

بس توكل علي الله اللوجان ماشاء الله عليها بجد
بس مع احترامي للمعرض ده مفروض ان في وفد راح المغرب يتاكد ان 40% من السياره متصنع في المغرب ولم يتم دخول السياره الا بعد التاكد والله واعلم

**Dr.Karim Emam** · 03-11-2009 11:41 PM

انا ماكنتش مقتنع بيها فعلا بس على الاقل احسن من الفيرنا

اما بالنسبه لموضوع ال40% المغربي المفروض يكون صح بس بصراحه الراجل البائع كلامه معقول برده

و ياريت اى حد من وحوش الرينو يفيدنا فى الموضوع ده

**itsonlyme** · 03-11-2009 11:44 PM

الوضع في المغرب بالنسبة للحريات السياسية متدهور أكتر من مصر بكتير.
بس معتقدش ان الوضع الأمني (الأمن الشخصي للمتجول في الشوارع) بالسوء ده.

بس مش ده الموضوع خالص.

مصنع رينو في المغرب مصنع كبير و بيصدر لأوروبا لأن مصنع رومانيا مش ملاحق.
ده غير ان رينو بتبني مصنع تاني في المغرب 80% من انتاجه للتصدير.

العربية تقفيل في المغرب بس أعتقد تحت اشراف فرنسي. اطمن، احسن من التقفيل المصري.

**Col. Eng. Khaled** · 03-11-2009 11:47 PM

أسوأ مندوبي مبيعات قابلتهم خلال رحلة البحث عن عربية جديدة (الطارق ، المصرية للسيارات)

يمكن كان بختي أنا كدا ........... سبحان مقسم الأرزاق

لما حضرتك بتستلم ورق العربية (أي عربية) حتلاقي الإفراج مكتوب فيه بلد المنشأ

الأخ بتاع فرع (الطارق) ما فكرش إن العميل له عقل برضه يقدر يميز إذا كان المغرب تتدخل عربية كاملة تدفع عليها جمارك و تطلعها

لمصر على إنها 40% على الأقل تصنيع محلي كدا لوجه الله ؟

**Dr.Karim Emam** · 04-11-2009 12:12 AM

المشاركة الأصلية كتبت بواسطة Col. Eng. Khaled

أسوأ مندوبي مبيعات قابلتهم خلال رحلة البحث عن عربية جديدة (الطارق ، المصرية للسيارات)

يمكن كان بختي أنا كدا ........... سبحان مقسم الأرزاق

لما حضرتك بتستلم ورق العربية (أي عربية) حتلاقي الإفراج مكتوب فيه بلد المنشأ

الأخ بتاع فرع (الطارق) ما فكرش إن العميل له عقل برضه يقدر يميز إذا كان المغرب تتدخل عربية كاملة تدفع عليها جمارك و تطلعها

لمصر على إنها 40% على الأقل تصنيع محلي كدا لوجه الله ؟

انا الحمد لله اعرف مندوب مبيعات هناك كويس قوى كنت اشتريت عن طريقه برده عربيه لانسر السنه اللى فاتت

و حتى انا حجزت العربيه اليوم و هستلمها بعد بكره (عشان لسه والدى ماحضرش الفلوس) من غير ما ادفع over price عشان والدى يعرف طارق اسماعيل

**amr.elsayed** · 04-11-2009 01:23 AM

اللوجان تقفيل مغربى وتقفيل جيد جدا ومينفعش ناخد معلومة مفيدة من معرض زى الطارق
لان المندوب هناك بيتشطر فقط لا غير يعنى يلاقيك خايف من انها تقفيل مغربى يقوم يقلك
اى كلام عشان يشيل القلق من عندك وهو دة اللى بيحصل

**itsonlyme** · 04-11-2009 01:52 AM

المشاركة الأصلية كتبت بواسطة karimemam

شكرا على التوضيح بس بما انها فعلا مغربى............ هل مصر ماتقدرش تقفل عربيه و لو حتى تحت اشراف فرنسي زى ما حضرتك قلت و تكون افضل من التقفيل المغربى؟

رينو فرنسا اختارت المغرب عشان تعمل فيه المصنع لأسباب كتير. السوق المغربي كان سوق واعد لأنهم عندهم جمارك عالية وليس عندهم مصانع تجميع مثل مصر. غير اعتبارات اخرى كون المغرب مستعمرة فرنسية سابقة وتأثر المغرب بالثقافة الفرنسية. مش معقول رينو تفتح مصنع تاني في مصر.