الغباء المروري في المنصورة... طب اركن عربيتي فين؟؟

بصراحة الوضع المروري اصبح لا يطااااااق في المنصورة

مش فاهم اية الفكرة لما يكون شارع واسع و الناس بتركن فيه عمودي عالرصيف وفجأة نلاقي العربيات بقت راكنة موازي للرصيف!!
طب و احنا نركن عربياتنا فييين؟؟؟ هما مش واخدين بالهم ان كدا عدد الباركنج بيقل!!؟؟؟

عند الجامعة وبالذات عند كلية حقوق... الباركنج كان موازي لرصيفين (يمين و شمال)
دلوقتي حطوا لوحة بتقولك ممنوع الوقوف موازي للرصيف التاني... عارفين لية؟ عشان الميكروباصات تدخل الباركنج تحمل ركاب بدل ما تقف في الشارع :(

يعني انت مش هتلاقي باركنج .. لأن عدد الأماكن قل
و انا لو ركنت عربيتي هكون خايف عليها عشان الركاب اللي مستنيين الميكروباص هيخلوا العربية الستيشن بتاعهم !!

حاجة كمان

عند المحافظة.. و تحديداً الصف اللي فيه بنك ابوظبي
عند البنك عملوها ممنوع و استحملنا و قولنا عشان بنك
طب دلوقتي الشارع وااااااسع
اية لازمة منع الإنتظار العمودي
يا جماعة بجد الحاجات دي بتنرفزني!!

انا كنت النهاردة في مشوار هناك و ملقتش ركنة غير بعيد خالص... قلت غباء بغباء بقى و رحت سايب مكان قدامي وورايا عشان محدش تاني يعرف يركن و يفهموا ان كدا بجد الموضوع بيقلل من الباركنج ( ويا رب يفهموا!):whtauwant:

أسف عالإطالة..

شكلهم لو فهموا

هيموتوا

فعلا عند المحافطة عشان اركن للاسف بأركنها بعيد لعدم وجود اماكن .

أنا بعاني من نفس الموضوع ده ... غباء أزلي الي اتعمل عند الباركنج بتاع الجامعة ..

انت عارف الحركة حلوة بس لو تتعمل عند الباركنج الأول الي جنب البوابة على طول ، لأن الميكروباصات بتقف هناك

لكن الباركنج الي ورا عند حقوق ملوش أي لازمة يتعمل كده ومفيش ميكروباص بيخش فيه ، لما كان صفين بجد كان بيحل أزمة جامدة وبياخد عربيات كتير

دلوقتى الواحد بينزل الجامعة وهوا بيدعي يلاقي ركنة ع المشاية تحت أو حتى عند مترو

ربنا يتوب علينا من الغباء ده

المشكلة يا جماعة ان برضه اللي عايز يقف في الممنوع بيقف
طالما عارف حد او حد عارفه و اظن حضراتكم فاهمين قصدي

طب لية بيضيقوا عالناس؟؟:rfds:

عشان كده بعت العربية وإرتحت:36_1_8[1]:
بس دلوقتي بعيط على زل التكاسي :120146b

هي دي مصر
ابتسم ان في مصر

غباء فى غباء معلش استحمل الحل ان الناس تجيب عربيات بتطير

مش فى المنصورة بس , بل فى كل المحافظات , فى المنيا عندنا عملوا كوبرى مالوش لازمة نهائى ومازالت السيارات تفضل السير أسفله

يا باشا دخلها جوه الجامعه وريح دماغك
بص روح على شئون الطلبه فى كليتك وقولهم انا بسافر كل يوم ومعايا عربيه و بركنها بره اتسرق منها حاجات و اتبهدلت والعربيه جديده
هيقولولك مش من حقك تقوم رايح على وكيل الكليه او رئيس قسم اى ماده عندكم و كل واحد هيقفلها فى وشك المهم تحاول لحد ما حد هيرضى عليك ويعطيك تصريح مؤقت لدخول السياره الجامعه و ادعيلى يا باشا
المنصوره بقى زفت الصراحه بس يلا هنعمل ايه

ايه الغباء ده :majd(4):

والله دى حاجة تقرف الواحد بعد لما شالو غالبية الارصفة الموجودة الواحد مش عارف يركن فين والله ربنا معانا

بصراحه انا من عشاق المنصوره بس بصراحه كرهت اروحها بسبب المرور ولجانه والتهليب من امناء الشرطه وخصوصا المدخل قبل المنصوره
بجد تتكره بسبب المرور

مش المنصورة بس كل مصر كده

فعلا كل مصر كدة بلا استثناء

لا لا

المنصورة بجد اللي بيخطط ده .......تقريبا من باراجواي

جاي مع أخر نقله من هناك

اللي عايز يكره نفسه ينزل بالعربية

أنا الحقيقة مقضيها (مشي) لأن أولا الحلوة مقلوبة و ثانيا كده اسهل كتيــــــر

جتهم القرف

ربنا يخليلنا مرور اسماعيلية والله

اقتباس:

---

المشاركة الأصلية كتبت بواسطة ahmed samy

لا لا

المنصورة بجد اللي بيخطط ده .......تقريبا من باراجواي

جاي مع أخر نقله من هناك

اللي عايز يكره نفسه ينزل بالعربية

أنا الحقيقة مقضيها (مشي) لأن أولا الحلوة مقلوبة و ثانيا كده اسهل كتيــــــر

جتهم القرف

---

انا بس عايز افهم هيخلصوا امتى بقى؟؟
...
ولا كل بنك ممنوع الوقوف قدامه ... على اساس ان الأماكن كتير طب و باركليز محسوب بنك ؟؟

اقتباس:

---

المشاركة الأصلية كتبت بواسطة dr.almaghraby

ربنا يخليلنا مرور اسماعيلية والله

---

حقيقي انتوا في كوكب تاني... اية الجمال و الوسع دا كله ... ماشاء الله ماشاء الله

اقتباس:

---

المشاركة الأصلية كتبت بواسطة Ahmed Samy

أنا الحقيقة مقضيها (مشي) لأن أولا الحلوة مقلوبة

---

:POINTIy2[2]: هم يضحك وهم يبكي ... التمتع بروح الدعابة حتى ولو فيه مصيبة بيرفع من المعنويات :E_braces[1]:

انا كرهت المنصوره من ركنتها يوم ما بروح المنصوره ببقى رايح وانا بعيط عشان ركنه العربيه