الموضوع: عاوز اوطي السلانسيه

بس الtps سليم والدليل اني لما بفكه واوطي بيوطي معايا لاكن العربيه بترجع تعلي نفسها تاني وده اللي خالني استبعدته انا مش عارف افكر تاني

اولا اللي عنده اسكنر قالي لازم تكون لمبه التشك منوره عشان احط العربيه اسكنر والا مش هايفيد

شوف غيره
لأن الtps والأكسجين والحراره كحساسات ممكن يسجلوا أعطال
بدون أنارة لمبة الأعطال

غير انهم مش بيفهموا فيه اصلا هما حافظين كام حاجه كده وخلاص

هى دى المشكله للأسف
ألا أذا وقعت فى واحد بيفهم

وعلى فكره ممكن يكون الrpm كويس عند صديقك
بس عيب فى حساس الحراره (هو اللى عامل الصوت العالى ده )
طالما مفيش عداد راكب عنده خاص بتحديد السرعه

وبرضه خليه يجرب ينظف فيشة حساس الحراره كويس ويركبها تانى ويجرب كخطوة بدايه

المشاركة الأصلية كتبت بواسطة MMamdouh

يعنى اية لما بتفكة و توطى بيوطى معاك؟؟

MMamdouh

انا بردة بسأل السؤال دة من امبارح ومفيش رد

بصوا يا جماعه واحد واحده عشان نوصل
اولا حساس ال tps ده زي مفتاح الفوليم اللي بيعلي ويوطي الكاسيت بظلط بس مع اختلاف القوه والكفائه وانت لما بتركب الحساس بتلفه حته صغير خالص بعد ما بدخله في البكره عشان يقابل مكان المسامير وحته ديه كانك دايس حته بنزين ده اللي مع السلانسيه لما بفكه من مساميره وارجعه لورا الحته ديه العربيه بتوطي يعني معني كده انه شغال وكمان انا قسته وكمان لما بفك الفيشه منه العربيه بتعلي ومبتبقاش مظبوطه بس المشكله هنا اني لما برجع الحساس لوره والعربيه توطي ثواني وترجع تعلي لوحدها تاني ولما برجعه في مكانه يعني العربيه بتعلي سنه بترجع توطي لوحدها تاني بس برده بتفضل عليه علي وضع عربيه في السلانسيه وبتسخن بسرعه جدا وفي دقايق بتفتح المراوح لدرجه انك ماتقدرش تقرب من المتور من الحراره
وبعدين انا اكتشفت حاجتين انهردا اولا انا ركبت ار بي ام ديجيتال علي فرده من فرادي الموبينه وقلت اقيس القرايه حتي لو النص واضربها في 2 وبعدين انا قستها في الثانيه مش في الدقيقه يعني الار بي ام في الديقيقه كده انا بقراها في الثانيه وبعدين ممكن اضربها في 60 واجيب في الدقيقه اكتشفت حاجه انها بتديني قريات ملخبطه يعني انا لو باخد القرايه في 10 ثواني بفرض انها هاتكون 83 يعني بالقسمه علي 10 والضرب في 2 وفي 60 هاتطلع تقريبا 1000 علي الار بي ام بس المشكله انها بتدين قرايه غريبه جدا يعني تعد بسرعه شويه وبعدين تركن وبعدين تعد بسرعه وبعدين تركن وده شيئ غريب المفروض ان الموبينه بتاخد نبضاض ثابته طالمه ان العربيه علي السلانسيه يعني مفيش تزويد
معلش انا عارف ان اللي قلته عاوز تفكير ووجع دماخ بس انا حبيت اقوله للعلم عشان نفكر صح
الملحوظه التانيه انا مهندس الكترونيات وبشتغل في الكهرباء علطول وبتكهرب كتير خالص بس اتعودت علي كده الشيئ الغريب اني كل ما ادور العربيه واجي انزل منها بتكهرب لدرجه انك تسمع الصوت بتاع الكهربا وايدي بتتلسع ويبان فيها اللسع وكل مره كده يعني مش مره وخلاص وديه حاجه غريبه برده انا مش عارفلها سبب
شكرا ليكم وانا برده هاشوف حساس الحراره

اولا حساس ال tps ده زي مفتاح الفوليم اللي بيعلي ويوطي الكاسيت بظلط بس مع اختلاف القوه والكفائه

كده كلام عشره على عشره ياباشا
ومفتاح الفوليوم فى الهندسه الكهربيه
ده عباره عن بوتنشيومتر زى اللى فى الحساس بالضبط


حاجه زى كده بالضبط



ودى صورة البوتنشيومتر الكهربى

المشاركة الأصلية كتبت بواسطة jojowork1

بصوا يا جماعه واحد واحده عشان نوصل
اولا حساس ال tps ده زي مفتاح الفوليم اللي بيعلي ويوطي الكاسيت بظلط بس مع اختلاف القوه والكفائه وانت لما بتركب الحساس بتلفه حته صغير خالص بعد ما بدخله في البكره عشان يقابل مكان المسامير وحته ديه كانك دايس حته بنزين ده اللي مع السلانسيه لما بفكه من مساميره وارجعه لورا الحته ديه العربيه بتوطي يعني معني كده انه شغال وكمان انا قسته وكمان لما بفك الفيشه منه العربيه بتعلي ومبتبقاش مظبوطه بس المشكله هنا اني لما برجع الحساس لوره والعربيه توطي ثواني وترجع تعلي لوحدها تاني ولما برجعه في مكانه يعني العربيه بتعلي سنه بترجع توطي لوحدها تاني بس برده بتفضل عليه علي وضع عربيه في السلانسيه وبتسخن بسرعه جدا وفي دقايق بتفتح المراوح لدرجه انك ماتقدرش تقرب من المتور من الحراره
وبعدين انا اكتشفت حاجتين انهردا اولا انا ركبت ار بي ام ديجيتال علي فرده من فرادي الموبينه وقلت اقيس القرايه حتي لو النص واضربها في 2 وبعدين انا قستها في الثانيه مش في الدقيقه يعني الار بي ام في الديقيقه كده انا بقراها في الثانيه وبعدين ممكن اضربها في 60 واجيب في الدقيقه اكتشفت حاجه انها بتديني قريات ملخبطه يعني انا لو باخد القرايه في 10 ثواني بفرض انها هاتكون 83 يعني بالقسمه علي 10 والضرب في 2 وفي 60 هاتطلع تقريبا 1000 علي الار بي ام بس المشكله انها بتدين قرايه غريبه جدا يعني تعد بسرعه شويه وبعدين تركن وبعدين تعد بسرعه وبعدين تركن وده شيئ غريب المفروض ان الموبينه بتاخد نبضاض ثابته طالمه ان العربيه علي السلانسيه يعني مفيش تزويد
معلش انا عارف ان اللي قلته عاوز تفكير ووجع دماخ بس انا حبيت اقوله للعلم عشان نفكر صح
الملحوظه التانيه انا مهندس الكترونيات وبشتغل في الكهرباء علطول وبتكهرب كتير خالص بس اتعودت علي كده الشيئ الغريب اني كل ما ادور العربيه واجي انزل منها بتكهرب لدرجه انك تسمع الصوت بتاع الكهربا وايدي بتتلسع ويبان فيها اللسع وكل مره كده يعني مش مره وخلاص وديه حاجه غريبه برده انا مش عارفلها سبب
شكرا ليكم وانا برده هاشوف حساس الحراره

اكشف على طلمبة المية هى اللى تعمل صوت عالى وتسخن العربية (غالبا السلانسية مظبوط بس الصوت هو اللى عالى)
مفيش علاقة بين السخونية وال tps والايدل كونترولر