تقرير صيانة الالف وانطباعي عن السياره

السلام عليكم ورحمة الله وبركاته
بفضل من الله
عملت صيانة اول ألف كيلو لل جين2
رغم اني روحت بدري شويه 888 كيلو
لكن وانا راجع من التوكيل عملت حوالي 100 كيلو
باقيلي حوالي 10 كيلو مثلا واخلص اول الف

امبارح اتصلت برقم الحجز رد عليا الاستاذ: محمود
قلتلو عاوز احجز صيانة الالف
قالي تحب في يوم ايه
قلتلو ياريت في اقرب فرصه لان العربيه بتنقط زيت
قالي تعالى بكره الساعه 11

طبعا نقطة ان العربيه بتنقط زيت السبب اني اخدت مطب جامد على سرعه عاليه
وفلتر الزيت تقريبا زي ما قالت المهندسه انو مكانش مربوط كويس
يعني اتفك مثلا من المطب ولا ايه مش قادر افهم

المهم تاني يوم اللي هو النهارده
وصلت التوكيل على الساعه 1.30 تقريبا
ووقفت تحت التنده وسلمت العربيه
المشاكل اللي كنت ملاحظها :-
1- طبعا الزيت اللي بينزل من العربيه
2- الفرامل بقت خفيفه ومداها بعيد
3- لمبة الشنطه مش بتنور مع فتح الشنطه

وكفايه كدا

المهم قلت للمهندسه على المشاكل دي
وجه واحد حط كيس على كرسي السائق وعلى الدركسيون
وعلى مقبض الفتيس واخيرا حط دواسه ورق

ودخلت الاستراحه اللي بقالي كتير بشوفها في الصور بس
وكنت متخيل انها في دور تاني مثلا وحجمها أكبر من كدا
لكن طبعا الواقع غير كدا تماما
لكن في نفس الوقت مناسب لعدد الافراد اللي كانو موجودين
من 5 الى 7 أفراد تقريبا وبيزيدو وبيقلوا
وطبعا في تلفزيون ووايرلس وانا عارف الكلام ده :3mla:
لكن قمت اخد جوله كدا واشوف مكان صيانة العربيات
والعربيات الكتير اوي اللي موجوده بره مكان الصيانه
اخدت جولتي الصغيره أوي دي
وأنا في طريقي قابلتني عربيه مش غربيه عليا
شفتها قبل كدا وكانت بروتون (savvy )
وكان لونها أسود ومترخصه زي اي عربيه
صورتها (وانا بصور واحد جه وقالي ممنوع التصوير )
قلتلو طيب وانا كنت خلصت تصوير اصلا:36_1_1[1]:
وطلعت بره المركز وشفت تاني واحده بس المره دي لونها اخصر فاتح
وبردو صورتها :36_1_2[1]:
وبعد كدا اخدت لفه في داندي مول (كيلو الا شويه تقريبا من التوكيل )
ورجعت وكانت العربيه خلصت بس محدش قالي انها خلصت
رحت للمهندسه وقلتلها العربيه خلصت ؟!!
قالتلي هي دي عربيتك !!!!!!!
قلتلها اه
قالتلي مش عارفه (هههههههههههه) ومش فاهم بتضحك ليه
رحت عملت بارد اوي وقلت بهزار (مش تاخدي بالك من شغلك )
قالتلي بهزار بردو (معلش اصل انا مهمله في شغلي ههههههههههههههه)
(هههههههه دي ضحكه بجد )
المهم قالتلي استريح وهشوف ولو خلصت هقولك
دخلت الاستراحه ولسا بقول يا هادي لقيتها جت بتقول العربيه خلصت
ورحت دفعت الفلوس 171 بندق و 60 قرش
مع انها كانت قيلالي ساعة الاستقبال ان الصيانه بتتكلف 180 وانا عارف انها المفروض تكون 177 بس قلت اوكي
طبعا العربيه للاسف متغسلتش برغم اني شفت عربيه اتغسلت قبل كدا:whtauwant:
الراجل اللي سلمني العربيه وشال الاكياس قلتلو انتو مبتغسلوش العربيه
قالي هو ممكن نغسلها بس دي حاجه مش مفروضه علينا
لو تحب اغسلهالك اوكي وكدا قلتلو لا شكرا
واخدت العربيه وهربت من التوكيل عشان كنت زهقت جدا

تقريبا أيمن كان موجود في التوكيل النهارده بس مش متأكد بصراحه
شفت واحد كان بيتكلم مع مهندس وكان نفس أسلوب أيمن في الكلام
(يامعلم) هو انا سمعتو اتكلم كام كلمه كدا وعرفت انو هو
لكن مكنتش متأكد بصراحه
وطبعا الشغل في التوكيل كان على قدم وساق وكراتين قطع الغيار بتتنقل لمكان الصيانه

الشغل اللي اتعمل في العربيه اتعمل بضمير تقريبا ( انا مقدرش اقيم علشان اول مره )
لكن لمبة الشنطه اتصلحت
والفرامل بقت حساسه على السرعات الصغيره فقط ومداها بقى اقصر
لكن على السرعات الكبيره لفرامل مداها كبيره شويه ( هل دا طبيعي ؟؟)
والحمد لله مفيش زيت نزل من العربيه
كان ناقص بس غسيل السياره عشان اتبهدلت جدا

وبكدا اكون انتهيت من اللي حصل
في الصيانه النهارده
وشكرا

(الجزء القادم تقرير عن اداء السياره )
:3mla:

الجزء الخاص بتقرير عن اداء السياره (باختصار)

بعد ما عملت الصيانه قلت اجري شويه بالعربيه
واشوف اخبارها ايه على الطريق
وبالذات اني ماشي على طريق سريع لحد البيت
(محور ,دائري , مصر اسماعيليه )
فضلت ماشي على 80 طول الطريق
ومن مصر اسماعيليه زودت لحد من 80 ل 100
وقبل مدينة العاشر جبت 140
انا محاولتش احرق على الموتور جامد
لكن مشيت طبيعي وجبت سرعتي بطريقه عاديه جدا
من غير حرق خالص

العفشه طبعا ناشفه ودا مدي ثبات حلو اوي للعربيه
حتى في أسوء الاحوال العربيه ثابته

الفتيس زي ماهو مفيش تغير (تقيل شويه ) مش سلس في النقل (مش هيحتاج قوه جباره يعني ) لكن أكيد تقدر تتحكم فيه لكن مش زي أي عربيه تانيه

تجميع الموتور للسرعات كويس جداا برغم اني محرقتش لكن ممتاز في التجميع بتاعو على السرعات الصغيره لحد 100 وبعد كدا مقدرش احكم لاني مجربتش احرق على سرعات كبيره
لكن بالهدوء في السرعات ما بعد 100 كويس جداا بل ممتاز

الدركسيون مرن جدااا برغم انو تقيل شويه على السرعات الصغيره
لكن على السرعات الكبيره ماسك نفسو جدااااااااا

الفرامل استجابتها سريعه زي ما انت عاوزها هتكون

التكيف مجربتوش على الطريق مستني شويه لحد ما اخلص الالف بالظبط او اكثر شويه عشان اكون مطمن وانا مشغلو

استهلاك البنزين زي ما العداد بيقول 6.4 لتر لكل 100 كيلو
لكن لسا مجربتش مخصوص معدل استهلاك البنزين

أي استفسار انا في الخدمه
:Ta_clap[1]:
اعذروني لان التقرير مش قد كدا ومش احترافي (خبره قليله)
اتمنى تكونوا استفدتوا ولو 1% من الموضوع
شكرا جزيلا
السلام عليكم ورحمة الله وبركاته

عربيتى التوائم :120105~352:
مبروك على الصيانة واعقبال 100 الف ان شاء الله ربنا يباركلك فيها ويحفظهلك

حبيبي مبروك عليك الصيانه وهي دي توكيلات مصر عموما من كبيره لاصغرها ويمكن عز العرب من افضلهم شويه

تحياتي ومبروك عليك عربيتك وماتحاولش تجري عمال على بطال
والتقرير جامد وواضح وصريح

تحياتي

على فكره هي فرامل الجن 2 كده ولكنها كويسه والعربيه ناشفه شويتين ولكن ثبات عالي حتى ال 170 حقيقي
ولكن طبعا استهلاك البنزين هيزيد معاك مع القرص والسرعات العاليه بشكل ملحوظ خصوصا بعد سرعة 90 كم

ألف مبروك العربية وخلي بالك منها ...

اقتباس:

---

وأنا في طريقي قابلتني عربيه مش غربيه عليا
شفتها قبل كدا وكانت بروتون (savvy )
وكان لونها أسود ومترخصه زي اي عربيه
صورتها (وانا بصور واحد جه وقالي ممنوع التصوير )
قلتلو طيب وانا كنت خلصت تصوير اصلا
وطلعت بره المركز وشفت تاني واحده بس المره دي لونها اخصر فاتح
وبردو صورتها

---

السافي السوداء دي بتاعت المهندس آمر الكوافي مدير مركز الصيانة
السافي الخضراء بتاعت المهندس هاني الغندور.. مهندس الورشة

الف مبروووك صيانه الـ 1000 وعقبال 100 الف ان شاء الله على خير

بس ليا كام استفسار كده :

-لما جرييت بالعربيه على ال 140 يعني بعد 120 التسارع كان كويس (( مش عارف اذا حضرتك سوقت الالنترا ولا لا )) المؤشر بيرفع بسرعه ولا ببطئ ؟؟

- كان في تسريب هواء من الابواب زي المشكله اللي عند اسلام ؟؟

-موضوع الفرامل ده, تقيمك الشخصي ليه بالظبط ,لو قدر الله في حاجه تمسك كويس ولا بطيئه ؟؟


شكرا لحضرتك على التقرير ونقل خبرتك
وربنا يباركلك فيها

اقتباس:

---

المشاركة الأصلية كتبت بواسطة eslam_wega

عربيتى التوائم :120105~352:
مبروك على الصيانة واعقبال 100 الف ان شاء الله ربنا يباركلك فيها ويحفظهلك

---

اسلام (مع حفظ الالقاب) ربنا يبارك فيك ويباركلك في عربيتك

اقتباس:

---

المشاركة الأصلية كتبت بواسطة tweety26980

حبيبي مبروك عليك الصيانه وهي دي توكيلات مصر عموما من كبيره لاصغرها ويمكن عز العرب من افضلهم شويه

تحياتي ومبروك عليك عربيتك وماتحاولش تجري عمال على بطال
والتقرير جامد وواضح وصريح

تحياتي

---

ربنا يبارك فيك يا فندم
انا شايف ان مستوى الصيانه الاولى كويس
ربنا يستر في اللي جاي
وبخصوص السرعه
دا كان على سبيل التجربه
شكرا ليك

اقتباس:

---

المشاركة الأصلية كتبت بواسطة tweety26980

على فكره هي فرامل الجن 2 كده ولكنها كويسه والعربيه ناشفه شويتين ولكن ثبات عالي حتى ال 170 حقيقي
ولكن طبعا استهلاك البنزين هيزيد معاك مع القرص والسرعات العاليه بشكل ملحوظ خصوصا بعد سرعة 90 كم

---

شكرا للافاده ومسيري اجرب على الاقل مره واحده سرعه كبيره
للتأكد من السياره بس بعد شوية وقت اكون قدرت اثق في نفسي اكتر من كدا

اقتباس:

---

المشاركة الأصلية كتبت بواسطة boodyfone

ألف مبروك العربية وخلي بالك منها ...


السافي السوداء دي بتاعت المهندس آمر الكوافي مدير مركز الصيانة
السافي الخضراء بتاعت المهندس هاني الغندور.. مهندس الورشة

---

الله يبارك فيك يافندم
والعربيه في عنيا
شكرا على المعلومتين الجداد عليا
انا معرفش الا منك دلوقتي
شكرا ليك

اقتباس:

---

المشاركة الأصلية كتبت بواسطة XXXMEMOXXX

الف مبروووك صيانه الـ 1000 وعقبال 100 الف ان شاء الله على خير

بس ليا كام استفسار كده :

-لما جرييت بالعربيه على ال 140 يعني بعد 120 التسارع كان كويس (( مش عارف اذا حضرتك سوقت الالنترا ولا لا )) المؤشر بيرفع بسرعه ولا ببطئ ؟؟

- كان في تسريب هواء من الابواب زي المشكله اللي عند اسلام ؟؟

-موضوع الفرامل ده, تقيمك الشخصي ليه بالظبط ,لو قدر الله في حاجه تمسك كويس ولا بطيئه ؟؟


شكرا لحضرتك على التقرير ونقل خبرتك
وربنا يباركلك فيها

---

الله يبارك فيك
عقبالك ان شاء الله:verygood:
بخصوص السرعه 140 انا مأخدتش بالي من موضوع المؤشر لاني اول مره اجيب السرعه دي وكنت مركز جدا في الطريق بس اللي اقدر اقولو ليك ان العربيه جابت الرقم دا بسرعه جدا
وانت ودوستك للبنزين بردو يعني لو كبست اكيد الموتور هيشد معاك ولو مكبستش اكيد هتجيبها بطريقه عاديه

اما موضوع تسريب الهواء مكانش في عندي تسريب هواء الحمد لله خالص حتى الان
ولا قدر الله ان لاحظت الموضوع ده أكيد هقولو

الفرامل قويه جدا ما شاء الله وزي ما قلت زي ما انت عاوزها هتكون زي تسارع العربيه بالزبط يعني لو دوست فرامل جامد هتكلبش في الارض وهتلاقي ان استجابة الفرامل سريعه وقويه واذا دوست فرامل عشان تهدي هتلاقي انك بتهدي بالعربيه
يعني حسب دوستك للفرامل
اتمنى تكون اجاباتي واضحه لحضرتك
وأي استفسار تاني انا مستعد ان شاء الله
شكرا:satelite:

مبروك يا باشا صيانة ال 1000 و عقبال صيانة ال 1000000000 . التقرير بتاعك ممتاز و يطمن (أصل أنا حاجز) و عاوزك تطمني كل شوية أنت و إسلام و باقي ملاك جينا 2010

ألف مبروك يا باشا على صيانة الألف الأولى و عقبال كل صيانة و إن شاء الله دائما مبسوط و مرتاح و ميظهرش مشاكل أبدا أبدا .... و ربنا يباركلك في الجين 2 الجميلة ......... و يحفظك من الطريق و يحفظها لك .

و بعد أذنك ..... هارد على الأسئلة دي ......

اقتباس:

---

المشاركة الأصلية كتبت بواسطة xxxmemoxxx

الف مبروووك صيانه الـ 1000 وعقبال 100 الف ان شاء الله على خير

بس ليا كام استفسار كده :

-لما جرييت بالعربيه على ال 140 يعني بعد 120 التسارع كان كويس (( مش عارف اذا حضرتك سوقت الالنترا ولا لا )) المؤشر بيرفع بسرعه ولا ببطئ ؟؟

تسارع العربية دي من 80 لغاية 170 من أحسن ما يكون ...... بس الإلنترا بعد 150 بتفرق شوية عن الجين 2 و ده طبيعي الموتور بتاعها أقوى شوية
إنما تسارع الجين 2 ممتاز لغاية 170 كدا أو 175 ..... بتجمع سرعات حلو قوي .
و برضه أنا عربيتي بالموتور القديم ........ مش الجديد ..... و بالتالي ممكن يكون الجديد مختلف أختلاف بسيط لأن الجديد تسارعه أحسن من القديم من 0 لغاية 80 لأنه تفادى موضوع العزم القليل على عدد لفات أر بي أم صغير .


- كان في تسريب هواء من الابواب زي المشكله اللي عند اسلام ؟؟

-موضوع الفرامل ده, تقيمك الشخصي ليه بالظبط ,لو قدر الله في حاجه تمسك كويس ولا بطيئه ؟؟

بالنسبة للفرامل ..... مدى الدواسة أطول شوية من عربيات تانية
بس ساعة ما تكبس عليها ......
العربية بتقف محلك سر .......................

شكرا لحضرتك على التقرير ونقل خبرتك
وربنا يباركلك فيها

---

أنا جاوبت و أتمنى أنا أن الأجابة تكون وضحت أي ألتباس في الرأي و شكرا

الف مبروك على الصيانة...وعقبال صيانة 1000000 كم

مبروك و زي الفل و كل حاجة ....




صور الsavvy فين ؟

:)

ألف مبروك يا باشا وربنا يحفظهالك من أى سوء

اقتباس:

---

المشاركة الأصلية كتبت بواسطة musiccairo

الله يبارك فيك
عقبالك ان شاء الله:verygood:
بخصوص السرعه 140 انا مأخدتش بالي من موضوع المؤشر لاني اول مره اجيب السرعه دي وكنت مركز جدا في الطريق بس اللي اقدر اقولو ليك ان العربيه جابت الرقم دا بسرعه جدا
وانت ودوستك للبنزين بردو يعني لو كبست اكيد الموتور هيشد معاك ولو مكبستش اكيد هتجيبها بطريقه عاديه

اما موضوع تسريب الهواء مكانش في عندي تسريب هواء الحمد لله خالص حتى الان
ولا قدر الله ان لاحظت الموضوع ده أكيد هقولو

الفرامل قويه جدا ما شاء الله وزي ما قلت زي ما انت عاوزها هتكون زي تسارع العربيه بالزبط يعني لو دوست فرامل جامد هتكلبش في الارض وهتلاقي ان استجابة الفرامل سريعه وقويه واذا دوست فرامل عشان تهدي هتلاقي انك بتهدي بالعربيه
يعني حسب دوستك للفرامل
اتمنى تكون اجاباتي واضحه لحضرتك
وأي استفسار تاني انا مستعد ان شاء الله
شكرا:satelite:

---

الف شكر على رد حضرتك وتوضيحك لـ استفساراتي
والحمد لله ان مافيش تسريب هواء وان شاء الله مايطلعش اي مشكله في التقفيل
والمهم انك راضي عنها ودي مطمنه الواحد عشان اشتريها ان شاء الله

تحياتي

اقتباس:

---

المشاركة الأصلية كتبت بواسطة tutankhamoun

و بعد أذنك ..... هارد على الأسئلة دي ......




أنا جاوبت و أتمنى أنا أن الأجابة تكون وضحت أي ألتباس في الرأي و شكرا

---

اكييييد كل الالتباسات هتوضح لما استاذ توت يرد :verygood:
بالنسبه للتسارع لو اقل حاجه بسيطه من الالنترا يبقى ممتاز فعلا ,يمكن عشان انا شايف دي احسن ميزه فيها.

والفكره وصلت بالنسبه للفرامل :w6266d

شكرا استاذ توت لردك بموضوعيه
تحياتي

الف مبروك عقبال صيانة ال100000

اقتباس:

---

المشاركة الأصلية كتبت بواسطة khaledmontero

مبروك يا باشا صيانة ال 1000 و عقبال صيانة ال 1000000000 . التقرير بتاعك ممتاز و يطمن (أصل أنا حاجز) و عاوزك تطمني كل شوية أنت و إسلام و باقي ملاك جينا 2010

---

الله يبارك فيك يا فندم
واطمن ان شاء الله العربيه كويسه جداا
وهتكون مبسوط منها
ومتنساش انطباعاتك بعد الاستلام
تستلم على خير ا ن شاء الله

اقتباس:

---

المشاركة الأصلية كتبت بواسطة tutankhamoun

ألف مبروك يا باشا على صيانة الألف الأولى و عقبال كل صيانة و إن شاء الله دائما مبسوط و مرتاح و ميظهرش مشاكل أبدا أبدا .... و ربنا يباركلك في الجين 2 الجميلة ......... و يحفظك من الطريق و يحفظها لك .

و بعد أذنك ..... هارد على الأسئلة دي ......




أنا جاوبت و أتمنى أنا أن الأجابة تكون وضحت أي ألتباس في الرأي و شكرا

---

الله يبارك فيك يا استاذ توت (معرفش الاسم الحقيقي )
وربنا يباركلك في عربيتك يارب ويكفيك شر الطريق
وشكرا على رد للاسئله انا استفدت منها كتير
شكرا مره تانيه

اقتباس:

---

المشاركة الأصلية كتبت بواسطة مصطفى_صديق

الف مبروك على الصيانة...وعقبال صيانة 1000000 كم

---

الله يبارك في حضرتك :verygood:

اقتباس:

---

المشاركة الأصلية كتبت بواسطة CryptonX

مبروك و زي الفل و كل حاجة ....




صور الsavvy فين ؟

:)

---

الله يبارك فيك وفعلا زي الفل وعسل كمان
صور السافي بعد ما عرفت انها بتاعت المهندس امر
قررت اني منزلهاش ههههههه
احسن يزعل ياعم ولا حاجه
وبعدين يدوب دي اول صيانه للعربيه
مش عاوز تتشات تزعل المهندس امر من اعضاء نايل موتورز بسببي
بس وعد لو جيت المقابله اكيد هوريهالك :shine[1]:

اقتباس:

---

المشاركة الأصلية كتبت بواسطة Mayyam

ألف مبروك يا باشا وربنا يحفظهالك من أى سوء

---

الله يبارك في با ابو مييم

اقتباس:

---

المشاركة الأصلية كتبت بواسطة XXXMEMOXXX

الف شكر على رد حضرتك وتوضيحك لـ استفساراتي
والحمد لله ان مافيش تسريب هواء وان شاء الله مايطلعش اي مشكله في التقفيل
والمهم انك راضي عنها ودي مطمنه الواحد عشان اشتريها ان شاء الله

تحياتي







اكييييد كل الالتباسات هتوضح لما استاذ توت يرد :verygood:
بالنسبه للتسارع لو اقل حاجه بسيطه من الالنترا يبقى ممتاز فعلا ,يمكن عشان انا شايف دي احسن ميزه فيها.

والفكره وصلت بالنسبه للفرامل :w6266d

شكرا استاذ توت لردك بموضوعيه
تحياتي

---

طيب الحمد لله ان اجاباتي واضحه
واستاذ توت كمان أكدها بشرح وافي
شكررا

اقتباس:

---

المشاركة الأصلية كتبت بواسطة hanyetsh

الف مبروك عقبال صيانة ال100000

---

الله يبارك في حضرتك
شكرا ليك

الف الف مبررررررررررررررررررررررو ووووووووووووووك يا استاذ محمد علي الصيانه الاولي

وربنا يديك خيرها و يكفيك شرها و شر طريقك

تحياتي ليك اخي الكريم

الله يبارك في يا بشمهندس مؤمن (اسمي محمود على فكره )
ربنا يخليك ويحفظلك عربيتك

1000
مبروك يا محمود
وان شاء الله ربنا يبعد عنك اى مطب
ويحفظهالك وتبقى سعيد بيها

الف مبرووك الصيانه وعقبال كل صيانه وانت مبسوط منها :ask:
ربنا يوفق

الله يبارك فيك يا استاذ أسامه
ربنا يكفيني ويكفيك شر المطبات
ويحفظلك عربيتك وعربيتي
قول امين

اقتباس:

---

المشاركة الأصلية كتبت بواسطة khpopo

الف مبرووك الصيانه وعقبال كل صيانه وانت مبسوط منها :ask:
ربنا يوفق

---

الله يبارك فيك
ويحفظك يارب

1000 مبروك

وعقبال كل صيانة وانت مبسوط بالعربية ان شاء الله

الله يبارك فيك يادكتور عماد
ربنا يحفظك

1000 مبروك يا باشا و عقبال تقرير ال100 ألف إن شاء الله
و تقرير جميل و الله و أكيد ناس كتيرة استفادت منه

الله يبارك فيك يا استاذ هيثم
اتمنى ان يكون التقرير عجبك
ربنا يحفظك

تقرير جدا مميز ومنظم http://i173.photobucket.com/albums/w.../th_thgood.gif

الف الف مبروك يامعلم :) ... على اول 1000 وعقبــال الــ 100000 بالخير ان شاء الله

----

وهو فعلا انا كنت موجود يومها فى التوكيل :) ... طب مش كنت جيب واتعرفنا يا باشاhttp://i122.photobucket.com/albums/o...t/th_emeet.gif

لازم بقى تنورنا فى المقابله ان شاء الله ونتعرف عليك .

تحيــــــــــــــاتـــىhttp://i122.photobucket.com/albums/o.../th_eclown.gif

الله يبارك فيك يا جميل
ربنا يحفظك
على فكره التوقيع بتاعك فيه عربيه زرقاء العربيه دي بتاعتي :d
انت صورتها مع تصوير قطع الغيار

الف مبروووووووك على الصيانة و تقرير ممتاز

الله يبارك فيك
الحمد لله ان التقرير عجبك
تحياتي ليك

الف مبروك ياباشا وعقبال ال 100 الف على الف خير يارب
وربنا يباركلك فعربيتك ويحفظهالك

الله يبارك في حضرتك ويحفظك