الموضوع: النترا و بنزين 90

ريح نفسك وحط 92 وكل فتره شهرين 20 لتر 95 ودى بتظبط نسبة الاوكتين ان كنت بعمل كده فى الفوكاس لانها كانت لازم 95

المشاركة الأصلية كتبت بواسطة dr_abooody

هل ال\بنزين ال 90 مش كويس للالنترا 2009

سيبكم من فرق السعر البسيط ما بينة و بين ال 92 بس هل بيأثر على السحب او بيخلى العربية مخنوقة

في حاجة كمان ان التانك من الفتحة كدا مكتوب بنزين خالي من الرصاص فقط

و انا سالت الراجل في البنزينة قالي ان البنزين كلة فية رصاص حتى ال 92 ؟؟؟

مع اني كنت سامع ان الرصاص دة كدة خلاص اتشال نهائيا من البنزين ؟؟

رقم الاوكتين بيعتمد فى الاساس على نسبة انضغاط المحرك

انت عندك فى الالنترا نسبة الانضغاط 10.5 و دى نسبة شبه عاليه و بتتطلب بنزين باوكتان مرتفع يعنى على الاقل 92

انا فى ال i10 عندى نسبة الانضغاط 10.1 و بحط 92 دايما و جربت ال 95 و اضطريت مره انى احط بنزين 90 علشان ملقتش 92 و لمبة البنزين كانت منوره و مشيت عليها اكتر من 120 كم و الطريق كان واقف جدااا فحطيت حوالى 4 لتر بنزين 90 و مشيت بيهم لقيت اختلاف عن ال 92,, يعنى اجيب التانى على سرعة قليله الاقى العربية بتسقف و سحبها ضعيف فى البداية و لما جربت التكييف حسيت بالفرق الكبييييير..
و ده كان موقف اجبارى غير كده استحاله احط نقطة 90 فى العربية

و عايز اقولك ان من تجربتى لل 95.. صوت المكنة كان اهدأ و كانت بتعمل اكتر فى التفويلة

و بالنسبة للرصاص و اللى الراجل قاله ده هبل.. الرصاص اتلغى من زمان و كان استخدامه فى المقام الاول علشان يرفعوا رقم الاوكتان و اسمه TETRAETHYL LEAD
و كمان ليه مشاكل على المكنة من حيث تكون احماض امينيه بتأثر على عمرها

الاحسن تستخدم 92 حفاظا على المكنة و راحتك اثناء القيادة لان السحب هيقل طبعا...
السحب هيقل كل لما يحصل تسقيف لانك بتفقد بنزين لم يحترق بشكل طبيعى ليتحول الى قدرة مستفادة من المكنة و بالتالى بتفقد قدرة على الفاضى ... كمان لو نقلت بدرى شويه هتلاحظ ضعف السحب و حدوث تسقيف و ده بيأثر على عمر المكنة مع الوقت

صدقنى لو جربت ال 95 هتحس بفرق كمان عن ال 92 بس المشكلة انه هيحسنلك الاستهلاك اقصاه 50 كم فى التفويلة فى حين انك قد تفويلة ال 92 مره و نص