يا جماعة الموضوع ببساطة واحد صاحبى عايز يعرف اسعار السرينة اللى بيركبوها اللى بتعمل اصوات شرطة ونجدة والحاجات ديه والفرق بينها إيه وبيبقى فيه بميك ومن غير ميك واسعارهم و اى معلومات عنهم ياريت وشكرا مقدما
عرض للطباعة
يا جماعة الموضوع ببساطة واحد صاحبى عايز يعرف اسعار السرينة اللى بيركبوها اللى بتعمل اصوات شرطة ونجدة والحاجات ديه والفرق بينها إيه وبيبقى فيه بميك ومن غير ميك واسعارهم و اى معلومات عنهم ياريت وشكرا مقدما
bishoy02010 باشا شكله كده صحبك قوى عشان بتسئلة بنفسك :36_3_18[1]:
مش عارف و الله هي بكام بس أكيد الناس ايلي تعرف أكيد هتقولك :3_3_102[1]:
متابع للإهتمام
فى بـ 300 وفى بـ 500 ..
اللى بـ 500 بيكون معاها جهاز كبير شويه ومعاها مايك .. واللى بـ 300 بيكون معاها جهاز صغير اوى وبيكون الزرار بتاع الكونترول وتغيير الاصوات ادامك عالطبلوه علاطوول غير ام 500 بتضطر تروح بجسمك كلو لحد المكان اللى انت مركب فيه الجهاز
بالنسبه للصوت الاتنين اصواتهم واحده وقوتهم واحده
ام 300 افضل من ام 500 .. ولو كان المايك مهم بالنسبه لصاحبك ممكن يركب السرينه ام 300 ويشترى جمبها سرينه تانيه بمايك بتكون مضروبه وبتعمل فى حدود 40 50 جنيه وفى منها 3 اصوات وفى منها 5 او 6 اصوات بيختلفو فى السعر وقوه الصوت .. ولو المايك مش مهم يبقى السرينه ام 300 هيا الافضل على الإطلاق ..
انا راكب عندى فى عربيتى السرينه اللى بـ 300 وعند صحبى السرينه اللى بـ 500 ومجرب الاتنين وعارفهم كويس
خد بالك فى حاله انك اتمسكت بالسرينه دى من شرطه المرور . حتدفع غرامه مش عارف كام + حتسلم السرينه فى المرور + فحص للعربيه ..
يرجى استخدامها بحذر شديييييييد وفكها من العربيه تمامآآآآآ قبل تجديد الرخصه
اتمنى اكون افدتك
شوف يا صحبي لسه الاسبوع اللى فات نزلت مع صديق لي توفقيه
وجبنه وحدة لعربيته سبرانزة ((:
شوف هتنزل توفقية وتخش الشارع اللى قدام سنترال رمسيس اوك
هتفضل ماشي واول شارع يمين ع ايدك شمال كدة هتلاق واحد فارش بكلاكسات وسراين ع كل شكل ولون
هتلاقي من 250 لحد مانتا عايز بس هتفرق معاك ع حسب الوات بتاع جهاز سرينه مش البؤء
سمعنا 250 وات معقول وسمعنا 350 لحد ما روحنا واحنا مصدعين هيا كانت 270 ختها منه ب240 ((: من الاخر يعنى
بس بالاخر اقدر اقولك انت ونصيبك لان كتير الملف كهربي اللى بيكون تحت البؤء دة بيتحرق وبتغيرة
فنصيحه اذا ليك خلق تغير كل شويا او انت نصيبك وحظك حلو وعمرت معاك مكنش كدة اشتري الاصلي من 500 وانتا طالع
بس خلاص ((:
من اول 260 و انتا طالع بس السرينه الغبيه اوي اللي توجع الدماغ و ترج الشارع هتعملها 300 او 360 و ممكن تجيب المايك منفصل عشان الاتنين مع بعض بيعملوا حوالي 460 تقريباً مش متأكد بس الأسعار التانيه انا متأكد منها و الكلام ده في التوفيقيه عند نفس الراجل اللي قال عليه عادل
يعني يا جماعة هى انضف حاجة من غير مايك بتبقي بـ 300 جنية
صح كده ولا إية ؟؟
بس صوتها بيبقى كويس يعني زى بتاعت الونش عالية كده و وضحة
أصلي بسمع سراين صوتها بيبقي زى بتاعت العجل (البسكلتة ) و تحس انها لعبة
وياتري صناعة إية و هل هتطلع العربية من الضمان لما أركبها ولا إية
للأخ a7mode
طيب ممكن أركب الجهاز ده مثلا تحت الكرسي بتاعي بدال ما يتحط علي الطابلوة عشان لو في لجنة و لا حاجة و هل ممكن أعملة زرار مثلا يحول بين السرينة و الكلاكس العادياقتباس:
واللى بـ 300 بيكون معاها جهاز صغير اوى وبيكون الزرار بتاع الكونترول وتغيير الاصوات ادامك عالطبلوه
فاهم قصدى يعني الكلاكس يبقي شغال عادي و زرار يحول الكلاكس ده للسرينة يارب تكون فهمت قصدى و هل ممكن مثلا أعمل زرار في الطابلوة لتشغيل السرينة مثلا
و أنت جبتها منين من أسكندرية بدال ما أنزل مصر مخصوص
جهاز التحكم فى السرينه ركبو مطرح منت عايز مش شرط يكون عالطبلوه طبعآ انا بس كنت بوضحلك سهوله استخدام السرينهاقتباس:
طيب ممكن أركب الجهاز ده مثلا تحت الكرسي بتاعي بدال ما يتحط علي الطابلوة عشان لو في لجنة و لا حاجة و هل ممكن أعملة زرار مثلا يحول بين السرينة و الكلاكس العادي
فاهم قصدى يعني الكلاكس يبقي شغال عادي و زرار يحول الكلاكس ده للسرينة يارب تكون فهمت قصدى و هل ممكن مثلا أعمل زرار في الطابلوة لتشغيل السرينة مثلا
و أنت جبتها منين من أسكندرية بدال ما أنزل مصر مخصوص
الكلاكس ملهوش دعوه بالسرينه ومش معنى انك مركب سرينه يعنى انت معندكش كلاكس طبعآ الاتنين بيشتغلو عادى مبيأثروش على بعض نهائيآ ..
انا عن نفسى البوق بتاع السرينه مركبو تحت الاكصدام الامامى .. وجهاز التحكم وتغيير الاصوات وجهاز تانى صغير كدا بتاع الكهربه راكبين تحت الكرسى عندى .
انا جايبها من عزبه سعد فى سموحه . اسأل عليها عند خميسكو اول محل على يمينك فى عزبه سعد .
اقتباس:
من اول 260 و انتا طالع بس السرينه الغبيه اوي اللي توجع الدماغ و ترج الشارع هتعملها 300 او 360 و ممكن تجيب المايك منفصل عشان الاتنين مع بعض بيعملوا حوالي 460 تقريباً مش متأكد بس الأسعار التانيه انا متأكد منها و الكلام ده في التوفيقيه عند نفس الراجل اللي قال عليه عادل
الف شكر
يعني انت مركب البوء تحت الاكصدام مش في الكبوت ؟اقتباس:
انا عن نفسى البوق بتاع السرينه مركبو تحت الاكصدام الامامى .. وجهاز التحكم وتغيير الاصوات وجهاز تانى صغير كدا بتاع الكهربه راكبين تحت الكرسى عندى .
انا جايبها من عزبه سعد فى سموحه . اسأل عليها عند خميسكو اول محل على يمينك فى عزبه سعد .
و لما بتحب تدي سرينة بتمد إيدك تحت الكرسي ولا عامل زرار في الطبلوة مثلا ولا إية
و إيلي انت جايبها دي صناعه إية و بكام و جوده صوتها إية ( يعني صوتها كأنها ونش بجد و لا باين انها مش أصلية و لا إية الظروف عشان لو كده إن شاء الله تيجي معايا نشتروها بإذن الله
السرينة تلوث سمعي و مخالفة للقانون
يا ريت تقول لصاحب حضرتك كدا...
كفاية تلوث بقى و كفاية بتوع الموتسيكلات الصيني
خلاص بقيتوا كلكوا ظباط بجد من غير زعل الموضوع زاد عن حده ومزعج ومقرف لابعد الحدود كنت قبل مااجيب عربية بفكر اركبها لكن لقيتها هيافه
انا اسف لاسلوبي الحاد بس بجد الموضوع بوخ
والله يا جماعة كلام جميل جدا و وجهة نظر برده
بس كان ممكن عرض وجهة النظر دي بطريقة تانية
مش معقول مثلا أقدم لواحد قطعة حلوى و عليها ذباب أو أقدمهاله و أنا مكشر في وشة
متهيقلي هتختلف
و في الاول و الاخر الموضوع مش عشان رأيكم أو مش إستطلاع رأى الموضوع معمول عشان إيلي عنده معلومة عن سعرها أو مواصفاتها يقول
لكن بقي عاوز تقول رأيك إيلي إنا بحترمة و لكن لا أحترم الطريقة في عرض الرأى يبقي بأسلوب تاني غير كده ده أصلا لو كان مطلوب !
ايوه عشان لما تروح تفحص وتجدد الرخصه متحتاجش تفكها وتركبها مالاول عشان دى دووووووخهاقتباس:
يعني انت مركب البوء تحت الاكصدام مش في الكبوت ؟
الزرار حر وطليق فى العربيه كلها لو حد اعد معاك ورا ممكن ياخد الزرار ويضرب سرينه مفيش مشكله هههههههاقتباس:
و لما بتحب تدي سرينة بتمد إيدك تحت الكرسي ولا عامل زرار في الطبلوة مثلا ولا إية
صناعه ايه معرفش بس اكيد صينى حتكون ايه يعنى غير كدا ههههههه بكام بـ 300 جنيه و 50 جنيه تركيب عند الكهربائى -- جوده الصوت زى الفل تسووووووووووور الودان مفهاش كلام -- دا ممكن تكون بتاعت الونش هيا اللى مضروبه جمبها هههههههههاقتباس:
و إيلي انت جايبها دي صناعه إية و بكام و جوده صوتها إية ( يعني صوتها كأنها ونش بجد و لا باين انها مش أصلية و لا إية الظروف
تحت امرك اى وقت راسلنى عالخاص ..اقتباس:
عشان لو كده إن شاء الله تيجي معايا نشتروها بإذن الله
شكرا يا a7mode علي الإهتمام ربنا يخليك يا رب
بص ياباشا انا مركب واحده الجهاز والزرارا تحت الكرسي
الزرار ده بيحول كلاكس وسرينه ونجده وكله بضربه من الدريكسيون
يعني اجيبه يمين واضرب من الدريكسيون يطلع كلاكس العربيه
اجيبه في النص واضرب من الدريكسيون يطلع سرينه
اجيبه في الشمال واضرب من الدريكسيون يطلع نجده
يعني انت توجه الزرار والباقي من الدريكسيون
وده إل انا فهمته من كلامك وانا عامله عندي في العربيه
المرة اللي فاتت واحد دخل سأل نفس السؤال و الناس هاجمته
و أنا شخصيا قلت له انا اللي بيشغللي السرينة دي و انا ماشي باقف زيادة و مش بوسعله
و قلبت بخناقة في الأخر
بس عموما العيب مش علي اللي بيركبه بس
العيب علي البلد اللي سابته يركبه
لما كنت في ألمانيا قعدت شهرين ما سمعتش فيهم كلاكس عربية واحد
اقتباس:
لما كنت في ألمانيا قعدت شهرين ما سمعتش فيهم كلاكس عربية واحد
وأكيد برضه فى ألمانيا مالقتش شوارع مكسرة وبلاعات وسط الشارع وحفر فى كل مكان ومطبات بعد كل متر معمولة بشوية أسمنت ولا عساكر تمشى الحال بكام جنية ولا الدنيا تقف عشان الباشا معدى الطريق ولا رخص تتاخد عشان عامل تفييم والعربية إللى جنبك راكبها الباشا وتتساب ولاممنوع تظبط عربيتك حسب ذوقك الشخصى وكأنهم هم إللى بيدفعولك فلوس ولا تقعد سبع تمن ساعات فى المرور عشان تخلص شغله ولا ولا ولا ولا .... هلم جره .. !!!!!!؟؟
وكفاية كده الحاجات دى الخاصة بالمرور فقط ... ومادخلناش فى باقى المجالات إللى أكيد مش فى ألمانيا وعندنا بس .. عشان أنت كده أكيد فى مصر !!!
مشربتش من نيلها .. طب جربت تغنيلها
يا تري اشتريت ولا لسه