الموضوع: نويت حجز نيسان صنى أتوماتيك من أوتو أيجيبت.....ما رأيكم ؟؟؟؟

أنا لسه راجع من هناك حالا وناس محترمة جداً كان موجود هناك المانيوا والسوبر صالون طبعا انا عاوز ال EX اتوماتيك وشفت كل الفروقات بزبط زى مهى موصوفة هنا فمواضيع منتدى النيسان بصراحة انا مش قادر أوصف مدى انبهارى بالمنتدى لأنى كنت هناك وانا عارف مسبقا من هنا كل التفاصيل وعارف اجابة كل سؤال بسأله بتفاصيل التفاصيل....ربنا يكرم كل من ساهم وشارك وافاد الجميع.

بالزبط هدفع 45.750 وقسط 1086 لأن زى مفهمت البنك اللى بيقسط ب 1030 بيطلب 60 شيك من حساب فبنك تانى وبياخد نسخة مفتاح وتوكيل عام ومطلوب مفردات مرتب لكن البنك العربي اغلى سنة بس شروطه اسهل زى مقلت قبل كده بطافة ووصل نور طالما الوظيفة مذكورة فالبطاقة وانا حالياً مليت الاستمارة كان مكتوب عليها (طلب قرض شخصي) ومنتظر الاستعلام خلال يومين.

الألوان المتاحة هى 8 ألوان موجودين فورقة العرض الخاصة بالسيارة وهم:

1- أسود
2- كحلى
3-نبيتي
4- زيتي
5- أزرق سماوى
6- ذهبي
7-فضى
8- ابيض


أان بصراحة نفسي أجيب اسود ومن جوة اسود لكن لقيت انه الفضى هو اللى من جوة بيكون اسود لكن الأسود خارجى من جوة بيج ومدير الفرع فضل مصر انه كده اشيك انا كنت عاوز اصلا فيرانى فاسود من جوة وممكن اصر على اسود برة وجوة بس قالى هيتاخر التسليم لانها بتيجي صدف ...بس انا مش عارف ايه رايكم فالتركيبة اللى انا عاوزها دى اسود برة وجوة ؟؟

انا فى رأييى ان كل الوانها حلوة ماعدا الأبيض والأسود والزيتى

الفضى والدهبى والنبيتى والسماوى والكحلى حلوين جدا

بس الفضى والدهبى ماليين الشوارع

يبقى لدينا النبيتى والكحلى والسماوى

رأييى تختار منهم