عرض للطباعة
:36_7_7[1]::36_7_7[1]:
[overline] [/overline][overline][/overline][overline][/overline][overline]
السلام عليكم
كنا عايزين نعرف من أهل الخبره اللي فاهمين في ميكانيكا السيارات
لما يكون موتور السيارة عزمه مائة وعشرين حصان
وموتور التكييف بيستهلك ثلاثة حصان
فإيه السبب اللي بيخلي تكييف السيارة يقلل عزم السيارة بالطريقة الملحوظه دي ويسخن الموتور ويزيد في إستهلاك البنزين لدرجة قد تصل لعشرين بالمائة
[/overline]
:,::,:
سؤال مهم جدا
متابع وشكرا
كلام جميلاقتباس:
كنا عايزين نعرف من أهل الخبره اللي فاهمين في ميكانيكا السيارات
لما يكون موتور السيارة عزمه مائة وعشرين حصان
وموتور التكييف بيستهلك ثلاثة حصان
والتكييف ملوش موتور
ده كمبروسور ميكانيكى بياخد جزء من قدرة مكنة العربيه بواسطة سير
وبكده يبقى بناخد قدره أد أيه مستقطعه من خرج المكنه
3 على 120
يعنى كام فى الميه
2.5 %
مستقطع من قدرة المكنه ورايح لتدوير الكمبروسور
أعتقد يبقى جزئية أن التكييف ياخد 20 % من قدرة المكنه دى صعبه شويه (لأن القدره بتاعة المكنه علاقتها طرديه بأستهلاك البنزين )اقتباس:
فإيه السبب اللي بيخلي تكييف السيارة يقلل عزم السيارة بالطريقة الملحوظه دي ويسخن الموتور ويزيد في إستهلاك البنزين لدرجة قد تصل لعشرين بالمائة
لأنها بالحسابات تعادل 24 حصان
أذا هناك مشكلة ما عندك فى الناحيه الفنيه لعمل المحرك والتكييف شغال
ومن خلال كلامك
عندك مشكله فى دورة تبريد المحرك مع عمل التكييف
تؤدى الى رفع حرارة التشغيل بدرجه ملحوظه
أخي الكريم أنا بأتكلم بصورة عامة
أنا سوقت عربيات كتير ياباني وأمريكي وياباني موديلات صغيره وكبيره
ولاحظت الحاجات دي مع تشغيل المكيف
1- عزم السيارة بيقل وعلشان كده فيه جهاز أوتوماتيك بيزود سحب البنزين في حالة تشغيل المكيف
2- استهلاك البنزين بيزيد وممكن يوصل لعشرين بالمائة زيادة وعلشان كده لو البنزين وصل لآخر شرطة في التانك فلازم تغلق المكيف وتمشي على سرعة أقل من مائة وعشرين علشان تخفف استهلاك البنزين بنسبه كبيره لغاية ما توصل لمحطة تمون منها
3- حرارة السيارة بتفع مع المكيف وعلشان كده بيبقى فيه سيارات فيها مروحتين لتبريد الرادياتير واحد بتشتغل مع تشغيل السيارة والتانية بتشتغل في حالتين لو شغلت المكيف تشتغل اوتوماتيك أو لو حرارة الماكينة عدت التسعين فبتشتغل أوتوماتيك حتى لو المكيف مفصول
عندى عربيتى النوبيرا
مفيش فيها الكلام ده
يا أستاذ : يوسف
بالمبالغه دى
آه فيه أختلاف فى أستهلاك البنزين مع أو بدون تكييف والحراره ثابته على طول بتاعة المكنه
لأن وحدة التحكم ( كمبيوتر السياره )
هى المسئوله عن تشغيل المراوح (حسب الحاله )
وعندى مروحتين برضه فى دايرة تبريد المكنه
الكلام ده بيحصل فعلا معانا فى الدوجان
واحنا فصلنا التكييف بسبب كده
التكيف عمرة مابيرفع درجة حرارة المحرك الا اذا كان عندك قصور فى دورة التبريد
ثانيا بياثر على السحب بس بنسبة ضعيفة لكن بمجرد مابتجيب التالت كلة بينتهى والسحب بيرجع عادى
وفي نقطة تانية يا جماعة،
العربية اللي 120 حصان مثلا، مش بتطلع ال120 طول الوقت، بتطلع ده حسب الrpm، وكل عربية تختلف عن التانية، بس اكيد لو جربت تشغل التكييف على سرعة عالية، غير ماتشغله والعربية واقفة وتطلع.
والله أعلى وأعلم.
انا ما سوقتش النوبيرا لكن سوقت ميتسوبيشي ومرسيدس وشيفروليه كابريس وسيارات تانية وكلها بتتأثر بالمكيف
حضرتك بتقولي ان السيارة مش بتسخن بالمكيف وده حقيقي لآن اكمبيوتر بيشغل المروحة التانية اللي متركبة على الرادياتير وإلا كان الموتور ولع مش سخن بس
وفيه سيارة بيكون فيها مروحة واحدة بس لكن بسرعات مختلة ولما تشغل المكيف الكمبيوتر يزود سرعة المروحة
بخصوص عزم الموتور والتأثير عليه
لو حضرتك بتتابع آراء الناس حوالين السيارة السيات إبيزا ورغباتهم في تركيب مكيف عليها - لموديلات القديمة اللى مش نازلة بمكيف - وإزاي بيؤثر على الموتور وعلى السحب لدرجة إن بعضهم بيغير الموتور بواحد أكبر علشان يتحمل المكيف وكمان اي واحد بيكتب في المنتدى معدل استهلاك البنزين في سيارته بيقولك هي بدون مكيف بتعمل كذا وبالمكيف بتعمل كذا
يعني فيه فرق كبير
قد لا يصل لعشرين بالمائة في بعض السيارات لكن بيصل في سيارات أخرى
والله أعلى وأعلم
اقتباس:
والله أعلى وأعلم
:verygood:
انا لى رأيى..
اولا,,,, بالنسبة لاستهلاك الكومبريسور Power اللى بياخده علشان يشتغل هو متغير حسب سرعتة...... متفقين
ثانيا,,,, بالنسبة لخرج محرك السيارة له خرج قدرة Power و عزم Torque متغيريين مع السرعة...... بمعنى ان اقصى عزم المكنة بتخرجة عند عدد لفات قليله مثلا 3000 الى 4000 rpm.... و اقصى قدرة بتخرجها عند 6000 rpm مثلا
بالتالى احنا فى سواقتنا مش ماشيين عند اقصى قدرة (120) مثلا
هنفترض عندك مكنة 1600 سى سى
اقصى عزم 150 نيوتن متر عند 3000 لفه
اقصى قدرة 120 حصان عند 6000 لفه
لو انت ماشى على 3000 لفه فى الحالة دى انت مش ماشى بال 120 حصان لكن بالحساب
Power= Torque * Engine Speed
يبقى القدرة الخارجة فى الحالة دى= 150*2*3.14*3000/60=47,100 كيلو وات
نحولها لحصان 47,100/736-----> تبقى بالتقريب 64 حصان
على سرعة 3000 للمكنة خرجها 64 حصان مش 120 لكن العزم عند 3000 هو اقصى ما يمكن (150 نيوتن متر)
كده خلصنا من المكنة.... متفقين :S_thum1[1]:
نيجى للكومبريسور هو كمان بيستهلك قدرة على حسب سرعته.. و بما انه متصل مع المحرك بسير بالتالى سرعته مختلفه عن سرعة محرك السيارة يعنى مثلا لو الكومبريسور بيلف بسرعة 1500 لفه يكون محرك السيارة سرعته 3000 لفه على سبيل المثال
و فى الاخر التكييف هيسحب قدرة على حسب سرعته اللى هى معتمدة على سرعة المكنة نفسها
استهلاك الكومبريسور كمان بيكون على حسب سعته مثلا 100 cc او 160 cc او 200 cc مثلا و ده بيفرق حسب محرك السيارة يعنى لو عربية 1100 سى سى تلاقى عليها كومبريسور 110 cc لو مكنة 1600 تلاقى عليها كومبريسور 160 cc و هكذا
نقول الكومبريسور بيسحب من 1 الى 10 حصان حسب سرعته
بالتالى لو المحرك سرعته 3000 لفه و بيخرج 64 حصان.. فى نفس الوقت الكومبريسور بيسحب 6 حصان مثلا يبقى كنسبة هو بيستهلك 6/64 يعنى قول 10% من خرج المكنة
مينفعش نقول 6/120 لانك مش عند اقصى قدرة للمكنة
انا قريت ان التكييف بيستهلك 13% من خرج المكنة و متنساش ان اى حاجه فى الدنيا ليها كفاءة يعنى اثناء انتقال الحركة من المحرك للكومبريسور عن طريق السير هيكون فى فقد فى الطاقة نتيجة الاحتكاك (بين السر و الطنبورة و كمان رمان البلى اللى شايل الطنابير فيه احتكاك و لو قليل..)
و متنساش ان اكومبريسور بياخد عزم جامد من المكنة لتشغيله و هو ده اللى بيحسسك بالضعف لانه بياخد عزم و العزم هو المسئول عن تحريك المركبة ككل بتغلبها على وزنها و الطريق فلما التكييف يكون شغال كمان بقى عندك تحميل زياده (بيعمل زى فرملة) فبالتالى انت محتاج تزود بنزين علشان تاخد عزم اكبر و بالتالى الاستهلاك بيزيد
اما حكاية سخونة المكنة فهى لها علاقة بدورة تبريد المحرك (الردياتير و المروحة و مياه التبريد).. لو المكنة بتسخن تبقى دورة التبريد بها خلل.... المفروض المكنة متسخنش طالما حالتها كويسه و نظام التبريد فعال :B4_592:
معلش طولت عليكم و يا رب توصلكم سهله
#ff0000
أخي الكريم
شكرا على إضافتك الجيدة
لي ملاحظات عامة عليها وأرجوا ان تتقبلها وأن تكون صحيحة
1- في بداية التشغيل الموتور يعطي سرعة أقل للإطارات وعزم أكبر وذلك عن طريق الجير بوكس - الفتيس
وهذا العزم الكبير والسرعة القليله حاصل ضربهم يوضح قدرة الماكينة والتي تقارب قدرة الماكينة التي تم التصميم عليها
بعد ما السيارة تمشي وتتسارع بعجلة متغيره فإن الجير بوكس يغير مقاس الترس اوتوماتيكيا أو يدويا لكي يزيد سرعة الاطارات مع اعطائها عزم دوران اقل
وهنا تكون القدرة الماخوذة من الموتور تقريبا مقاربة للحالة الاولى
وهكذا حتى تاخذ السيارة عزم قصور ذاتي مناسب لحركتها ويخف وزنها النسبي عن الاول لكن تزداد مقاومة الهواء للسيارة
لذلك فان السيارة بعد ما تصل لسرعة المائة والعشرين تصبح مقاومة الهواء تتناسب طرديا مع مربع السرعة وليس مع السرعة
وهذا يفسر زيادة استهلاك البنزين بعد سرعة المائة وعشرين حيث تصبح كمية التحرك التي تواجه مقاومة الهواء والتي تساوي وزن السيارة في سرعتها تصبح اقل كما ان الاحتكاك بين الاطارات وارضية الشارع تصبح اقل وهذه الاحتكاك هو الذي يدفع السيارة للامام
ولكن الموتور في هذه الحالة ايضا يعطي قدرة متقاربة ومع السرعات العالية يزداد خرج الموتور من القدر
2- بالنسبة للكمبروسور فهو بياخد حركتة من سير متركب مباشرة على موتور السيارة ومش من الجير بوكس - الفتيس
وعلشان كده الكمبروسور سرعة دورانة بتكون تقريبا ثابته الا لما تزداد سرعة الموتور مع ثبات درجة الجير بوكس وده بيكون بعد الغيار الخامس
وهنا بتزيد سرعة الكمبروسور
ومع حركة السيارة وتبريد الهواء المتسلل لداخل السيارة لدورة الماء ولدورة المكيف فالتكييف بيعمل افضل طبعا
هذه معلوماتي والله اعلم
ممنوع الكتابه باللون الاحمر
الادارة 1
:S_thum1[1]:
متابع