المشاركة الأصلية كتبت بواسطة ahmed0nouh
مع انى مؤمن تماما بأن كل شركات السيارات لا تتميز الا فى موديلات معينه وتخفق فى اخرى
الا ان لاشك ان مجموعه دايملر بنز فعليا اقوى مجموعه شركات سيارات فى العالم
بدايه من سمارت المتخصصه فى السيارات السوبر مينى بالطاقه الكهربائيه للحفاظ على البيئه مرور بمرسيدس بنز بخط موديلاتها اللى بيضم فئات تغطى كل انواع السيارات الموجوده فى العالم , a , b , c , clk , cls , e , f , g , gl , m , r , s , sl , slk , slr
ودى حاجه مش موجوده فى اى شركه سيارات فى العالم
ونضيف عليهم مايباخ المنافس الوحيد لرولزرويس الانجليزيه فى فئه هى الافخم عالميا
ونقول كمان ماكلارين اللى مرسيدس تملك 40% منها
ده غير امداد مرسيدس بتقنياتها ومحركاتها لكثير من شركات السيارات + اشتراكها وتفوقها بشده فى اقوى رياضه سيارات فى العالم ( الفورميلا 1 ) وأمدادها لفرقتين غيرها من الفورميلا بالمحركات والتقنيات ( brawn gp و force india ) + تواجدها القوى فى ال dtm وهو اقسى واكثر سباقات التورنج احترافيه فى العالم
تاريخها بقا حدث ولا حرج دائما ما كانت سابقه بسنين للامام فى كل الجوانب التقنيه وخصوصا الامان
لمن لا يعلم مرسيدس كانت بتجرى اختبارات تصادم فى الثلاثينات على عربياتها وكانت صاحبه اول حزام أمان واول تطبيق فعلى لكثير من التقنيات اللى عارفينها فى زمنا الحالى
كلام كتير قوى ممكن الواحد يقوله عن الشركه دى بس خلاصه القول هو شعارهم
all follow the star