عرض للطباعة
ممكن اعرف اسعار قطع غيار بولو 2001 كام
وخصوصا الاجزاء الخاصة بالعفشة والمكان الاشتريها منه
وايه الحجات التتغير بصفه دوريه ومرتبطه بالكيلو متر
وممكن مكان اكشف فيه على العربية لما اجى اشترى
وتنصحونى بيه لسه متعلم القيادة و اول مرة اشترى عربية
[info]تم تغيير العنوان ليتناسب مع المحتوى
مشرف الأوروبى 2[/info]
السلام عليكم ورحمة الله وبركاته
انا على فكره زيك تقريبا بس ممكن اقدر افيدك بحاجات قليله على أدى كدا
بالنسبه لأسعار قطع الغيار فا هى معقوله يعنى لا غاليه ولا رخيصه بمعنى لا هيه مرسيدس وبى أم ولا هيه 128 و شاهين
ثانيا : الميزه بقى بتاعة العربيه دى وقطع غيارها انها بتعمر يعنى لو حافظت عليها تعد معاك يعنى اصبح السعر كدا مقابل الاداء
وعلى العموم لو عايز تعرف اسعار حاجه معينه الاعضاء هنا ليهم خبره فى الموضوع دا أكتر منى وهيقدروا يفيدوك إن شاء الله
ثالثا: اما بقى بالنسبه للعربيه وانت بتشتريها فا أهم شىء حالة الماتور ثم حالة العربيه نفسها الى هو الهيكل يعنى
بمعنى انك تتأكد ان الماتور متحلش يعنى متغيرش او متعملوش عمره مثلا بعد كدا تشوف بقى الهيكل يعنى تشوفه مردود على البارد بمعنى انك هتلاقى حتت مموجه كدا مطرح طرق الشاكوش بتاع السمكرى وهو بيرد المنطقه الى دخلت لجوه اين كانت فى انحاء العربيه و لو راشش يبقى اترد على الساخن يعنى اسروخ وأخد معجون وأسنفر وفى الاخر اترش ولا مغير قطع زى رفرف مثلا ابواب كدا يعنى وكذلك من جوه الفرش والتابلوه وتشوف العداد برده جايب كام لحد 100000 كيلو تبقى العربيه تقريبا فابريقه دا بعد ما تتاكد طبعا من الى انا قولتهولك وكل دا يتشاف فى النهار اوعى تشوف الكلام دا بالليل عشان تقدر تفرق بين بوية الشركه وبوية الرش وعلى العموم بوية المصنع بتبقى عاطية بريق كدا مميز وملفت ورايق يعنى بمعنى اصح تقدر تشوف نفسك فيها زى المرايه .
وإن شاء الله ربنا يوفقك فى عربيه بولو 2001 حالتها ممتازه .
عمرو
الف شكر انا معروض عليا مو 98 تكيف فقط مفيش فيها باور مطلوب 38000 ايه رايك العربية صيانة دائمه فى التوكيل
لا شكر على واجب يا استاذ حمدى
بس هو فى حاجه بالنسبه للعربيه الى انت بتقولى عليها دى ان هل فعلا التكييف الى فيها دا اصلى ولا تركيب ؟
لو أصلى يبقى تكشف على العربيه زى ما قولتلك كدا او تروح لحد موثوق فيه يكشفلك عليها .
اما لو تركيب فدا طبعا يفرق فى ثمن العربيه .
اما بالنسبه لسعر العربيه البولو موديل 98 ال 38000 فدا يرجع لحالتها سواء حالة الماتور متحلش ولا اتعمله عمره ولا لاء او حالة الشاسيه أنه فابريقه ولا فيه بعض الصدمات ولا فيه بعض الاجزاء المرشوشه ولا كلها على بعضها مرشوشه .
يعنى قصدى من الاخر فى عربيات بولو 98 و 99 حالتها بتوصلها ل 40 واكتر كمان ودا بيكون بسبب حالتها الشاذه الى بتكون كانها خارجه من المصنع لسه فلو الى انت شايفها دى حالتها فعلا شاذه ومفيهاش عيوب يبقى السعر دا كويس جدا بالنسبالى لان انت لو جيت تجيب مثلا واحده 2000 او 2001 الحاله الشاذه الى انا بقولك عليها دى حاليا ممكن تعدى ال 50 الى هيه فى المعتاد حاليا الحالاات المتوسطه أخرها 47 او 48 .
و أى خدمه :S_thum1[1]:
معرفتناش عملت ايه يا باشا فى العربيه المعروضه عليك دى ؟ :U_thin1[1]:
شكرا على المعلومات
لا شكر على واجب يا د/ محمود صلاح ولو عندك اى استفسار انا فى الخدمه ودا طبعا فى حدود معلوماتى وبالله التوفيق
صاحب العربية لغى فكرة البيع العربية نضيفة ومريحاه وهو كان بيبيع عشان يجيب جديد ووعدنى لو فكر يبيع هيكلمنى
كلامك دا بيثبت فعلا انها كانت عربيه نظيفه وبكدا فعلا يبقى تستنى لما يجى يبيعها إن شاء الله وتشتريها منه إلا إذا ظهرتلك فرصة عربيه افضل منها طبعا متتاخرش وتجيبها على طول بإذن الله
وربنا يوفقك فى عربيه نظيفه إن شاء الله سواء دى او غيرها :S_thum1[1]:
البولو عربية جميلة بلذات موديلات 2000 وانتا طالع الصراحة جميلة بس سعرها مغالا فية اوي هيا هيا الابيزا والفرق في السعر اكتر من 10 الاف جنية مع ان الابيزا اوسع
مع احترامى لكلامك بس اسمحلى اختلف معاك كليا وجزئيا فى الكلام الى انت بتقولهاقتباس:
البولو عربية جميلة بلذات موديلات 2000 وانتا طالع الصراحة جميلة بس سعرها مغالا فية اوي هيا هيا الابيزا والفرق في السعر اكتر من 10 الاف جنية مع ان الابيزا اوسع
اولا بالنسبه للسعر : السبب الاول / فدا يرجع اولا لأنها ألمانى كلها على بعضها ألمانى يعنى دى تعتبر اخر موديل خرج من ألمانيا تصنيع وتجميع الى هو قصدى لحد 2001 بعد كدا ابتداء من موديل العيون فهو برازيلى وعلى حد علمى وليس بالأكيد انها تصنيع وتجميع برازيلى والله أعلم والسبب التانى / انها سوقها جيد جدا فى السوق المصرى أكتر من الابيزا ودا يرجع برده لان الابيزا موتورها اسبانى وتجميعها برازيلى تقريبا برده فأكيد فى فرق فى عزم وشدة وعمر كل ماتور وبالتالى العربيه كلها والسبب التالت / الشكل فمعظم الناس بتفضل شكل البولو وبالذات الطابلوه بتاعها كل الناس تقريبا بتفضله عن الإبيزا ودا يخلينى انتقل ل ثانياً :
واقولك مع احترامى برده لكلامك ان الابيزا مش اوسع خالص زى ما انت متصور بل بالعكس البولو هيه الى أوسع او على الأقل سواء لان طابلوه الابيزا جاى بإنحناء ناحيه اليمين أقصد ناحية الراكب الى جنب السواق انما البولو مفروده ودا على سبيل المثال لا الحصر .
وعلى فكره الابيزا افضل من البولو يعتبر فى شىء واحد فقط وهو الكماليات لان الابيزا بتيجى بتكييف وباور وسنتر بالمفتاح وزجاج كهرباء 4 ابواب ومرايات كهرباء وairbag و فوج لايت امامى
اما البولو فبتيجى بتكييف وباور وساعاااات سنتر ودا نادر فقط لا غير
مع العلم الاتنيين مفيهومش انذار بيتركبلهم محلى .
وأخيرا أحب اقولك ان دى فى الاول وفى الاخر اذواق يعنى ممكن ناس اول ما تعرف كدا تقولك فعلا يبقى البولو افضل لان الى يهم العربيه نفسها مش الكماليات وفى ناس ميهماش الكلام دا وتقولك الابيزا افضل لانهم فعلا حابينها شكلا ومضموناً و كماليات و فى نفس الوقت يوفروا فرق السعر بس دا ميمنعش ان فعلا البولو بتفرق عن الابيزا بالفروق الى قولتها سابقا .
وبالتوفيق يا باشا :36_1_1[1]::vctry::S_thum1[1]:
اقتباس:
المشاركة الأصلية كتبت بواسطة elshrpeny
الIbiza طول عمرها اسبانى (و بتتعمل فى مصنع Seat فى Martorell و الموتور و العفشة المانى) و الموتور بتاع الPolo هو بتاع الIbiza نفس القوة و نفس الخامات و بتفرق فى الفتايس شوية عشان نسب النقلات.
لو بتتكلم عن ما قبل ال2000 فا الاتنين واحد اما من 2000 فا طبعا طابلوة الPolo احلى و خصوصا العدادات بتاعة الGTI اللى فية رينجات نيكل.اقتباس:
المشاركة الأصلية كتبت بواسطة elshrpeny
هنا نختلف, الIbiza اوسع فى الصالون و الشنطة و الحوض و عموما الIbiza اطول و اعرض من الPolo و دة لان ال Ibiza بتستخدم شاسيهات اكبر و ممكن تحط فية المواتير لحد 2800 من غير اى تعديل اما الPolo كانت بتستخدم شاسيهات صغيرة نسبيا و تاخد لحد 1600 بس اكتر من كدة تحتاج شغل كتير.اقتباس:
المشاركة الأصلية كتبت بواسطة elshrpeny
و بالتالى قاعدة العجل فى الIbiza اعرض = ثبات اكتر.
انا مش بقول الكلام دة من فراغ, انا عندى Ibiza 1994 و Polo 2001 و جايب Ibiza 1994 لاختى و اختى التانية جايبلها Polo 1999 و كان معايا Ibiza 2001 و Ibiza 1999 قبل كدة.
اقتباس:
الIbiza طول عمرها اسبانى (و بتتعمل فى مصنع Seat فى Martorell و الموتور و العفشة المانى) و الموتور بتاع الPolo هو بتاع الIbiza نفس القوة و نفس الخامات و بتفرق فى الفتايس شوية عشان نسب النقلات.
ياااااااااااا انت فين يا عم عماد عاش مين شافك يا راجل ليك شوووووقه ( حسن حسنى ) وبعدين دا انا الشربينى حبيبك بالراحه شويه عليه الله يكرمك ويخليهوملك ويخليلك حبة العربيات الحلويين الى انت لسه قايلى عليهم دول :C_laugh[1]: اه بس أرجع واقولك عندك حق ما انا جايلك فى عقر دارك وغلطلك فى الابيزا اسمك المستعار ونوعك المفضل فعلى طول طاخ طيخ :khd:
بالنسبة لكلام سيتك دا انت لو تاخد بالك من كلامى هتلاقينى بقول تقريبا يعنى كلامى مش عن معلومات فنية او علميه أكيده بس أرجع واقولك ان الى أعرفه و أكيد ان الابيزا تجميعها برازيلى والبولو تجميعها المانى وبالتالى على كلامك ان الابيزا اسبانى يبقى الشاسيه والخامات اسبانى اما البولو المانى والى شبه مؤكد البولو ماتورها المانى اما الابيزا فهى أسبانى وبعدين دا انت يا راجل بتقول انها طول عمرها اسبانى يبقى ماتورها المانى ازاى الا إذا كنت تقصد كل ما هو غير الماتور والعفشه هيه الى اسبانى بس حكاية ان البولو والأبيزا نفس الماتور دى مش عارف ليه مش مقتنع بيها والسبب :
1- لما سالت واحد صاحبى معاه ابيزا 2000 قالى ان البولو سواء ال 2000 او ال 2001 طلعتها احسن وسحبها أحسن 2- سألت واحد تانى قالى ان فى واحد يعرفه كان معاه ابيزا سافر بيها سفريه جه بعها ودا على كلامه انها مش بتاعة سفر كتير
3- نرجع بقى لصاحبى تانى مره سافر بيها بتاع 50 كيلو كدا تقريبا لاقى أمبير الحراره جاب أخره وبعدين لما سبها وجه يروح لاقاه رجع تانى بقى فى النص .( انا عارف انها ممكن تكون حالة فرديه بس برده تقريبا مبتحصلش مع البولو )
4- هات انت كدا عربيه بولو 2000 مع عربيه ابيزا 2000 والاتنين 1000 سىسى على طريق سريع وشوف مين يعدى يا ريس . ( واى خدمه )
انا على فكره بعيد تانى انا كلامى دا معتمد على سماع من ناس وعلى تجربة ناس يعنى مش عن تمكن ولا حاجه .
[QUOTE]لو بتتكلم عن ما قبل ال2000 فا الاتنين واحد اما من 2000 فا طبعا طابلوة الPolo احلى و خصوصا العدادات بتاعة الGTI اللى فية رينجات نيكل.[/QUOTE]
تمام يا باشا كويس ان اتفقنا فى حاجه :S_thum1[1]:
ماشى يا سيدى ما اختلفناش بس فى حاجه - ان مش كون ان الابيزا أطول و أعرض من البولو فلازم ان صالونها وشنطتها يكونوا أكبر هو الممكن انهم يكونوا زى بعض انما أكبر مظونش دا كفايه يا راجل الطابلوه الى بيبقى زانق على الراكب الى جنب السواق الى تحس وانت أعد ان المنطقه الى قدام خاصه بالسواق بس:shine[1]:اقتباس:
هنا نختلف, الIbiza اوسع فى الصالون و الشنطة و الحوض و عموما الIbiza اطول و اعرض من الPolo و دة لان ال Ibiza بتستخدم شاسيهات اكبر و ممكن تحط فية المواتير لحد 2800 من غير اى تعديل اما الPolo كانت بتستخدم شاسيهات صغيرة نسبيا و تاخد لحد 1600 بس اكتر من كدة تحتاج شغل كتير.
- اما الحوض فهو فعلا أكبر ودا يخلينى أقولك ان مين قالك انها بتتحسب على حسب تسقيطك للمواتير فيها والسبب أن أكتر الناس بل أكتر من المعظم كمان مبيفكروش فى المواضيع دى بس هيه تفرق طبعا مع الناس الى غاويه تسقيط وكدا فقط لا غير .:033102bigblink_1_pr
يا عمنا بس مش دا السبب الوحيد لان اساسا البولو ال 2000 وال 2001 بتيجى ب جنت 13 فبالتالى كوتشها طخين شويه اما الابيزا 2000 فبتيجى جنتها 14 وبالتالى كوتشها أرفع شويه وانت سيد العارفين ان الجنط كل اما بيكبر بيساعد فى سهولة التحكم فى العربيه وكمان فى ثباتها :shine[1]:اقتباس:
و بالتالى قاعدة العجل فى الIbiza اعرض = ثبات اكتر.
وبعدين يعنى مش شرط اوى ان كل اما الشاسيه يكبر دا معناه ثبات اكتر لان فى عربيات كتير شاسيهاتها أصغر وثابتها أكتر من عربيات شاسيهاتها أكبر وعلى فكره دا برده بيختلف ساعات من إحساس واحد للتانى .
وكفايه بقى لانى وجعت دماغك :36_1_1[1]::C_laugh[1]:
اقتباس:
المشاركة الأصلية كتبت بواسطة elshrpeny
انا موجود اهو بس ظروف الشغل :khd:
اقتباس:
المشاركة الأصلية كتبت بواسطة elshrpeny
الPolo لحد 2001 كانت كلها المانى من الاكصدام للاكصدام بس بعد كدة (الله يسامحهم) ابتدوا يجمعوها برة.
اقتباس:
المشاركة الأصلية كتبت بواسطة elshrpeny
بالظبط كدة, هو دة اللى اقصدة الموتور و العفشة المانى و الباقى كلة اسبانى.
اقتباس:
المشاركة الأصلية كتبت بواسطة elshrpeny
بالظبط كدة حالات فردية, مفيش عربية زى التانية و مفيش سواق زى التانى.اقتباس:
المشاركة الأصلية كتبت بواسطة elshrpeny
الPolo ممكن تحط الاستبن لحد 14 مكانة بالعافية انما الIbiza تحط استبن 15 مرتاح.اقتباس:
المشاركة الأصلية كتبت بواسطة elshrpeny
هو فعلا مش شرط, بس لو انت عامل العربيتين و مديهم نفس العفشة بس دية شاسيها اطول و اعرض سنة هتديك ثبات اكتر + ان فية حاجة اغلب الناس متعرفهاش, ان الPolo نازلة على سوست اعلى فا دية حاجة مش فى صالح الثبات.اقتباس:
المشاركة الأصلية كتبت بواسطة elshrpeny
انا عربيات اخواتى الاتنين Stock (يعنى زى ما جم من المصنع) الملف اللى اخدة على 100 فى الIbiza اخدة على 80 فى الPolo.
يا عم اوجع براحتاك, دة Brain Storming و الناس بتستفيد.اقتباس:
المشاركة الأصلية كتبت بواسطة elshrpeny
انا مش هاقدر افيد بس داخل اقولك ليك وحشةاقتباس:
المشاركة الأصلية كتبت بواسطة ibiza
حمد الله على السلامة
[QUOTE]الPolo لحد 2001 كانت كلها المانى من الاكصدام للاكصدام بس بعد كدة (الله يسامحهم) ابتدوا يجمعوها برة.[/QUOTE]
انا كان قصدى انى المؤكد ان البولو ماتور وشاسيه ومن الاكصدام للاكصدام زى مابتقول المانى انما الى شبه مؤكد الابيزا ماتور وشاسيه اسبانى .
اما بالنسبة لتاكدك دا يا بروفيسور عماد :vctry:هل انت قرأت made in germany على ماتور الابيزا زى ما بتقرأه على ماتور البولو كدا اصل انا وانا باخد بصمة الماتور وانا بفحص بصراحه قرأتها فعايز أتاكد من سعتك
[QUOTE]الPolo ممكن تحط الاستبن لحد 14 مكانة بالعافية انما الIbiza تحط استبن 15 مرتاح.[/QUOTE]
طيب يعنى مش ممكن برده ان تكون تقويره مكان الاستبن فى الابيزا تكون هيه الى كبيره شويه عن البولو وميكونش دا له تاثير على حجم الشنطه ذات نفسها
[QUOTE]هو فعلا مش شرط, بس لو انت عامل العربيتين و مديهم نفس العفشة بس دية شاسيها اطول و اعرض سنة هتديك ثبات اكتر + ان فية حاجة اغلب الناس متعرفهاش, ان الPolo نازلة على سوست اعلى فا دية حاجة مش فى صالح الثبات.[/QUOTE]
بس برده أعتقد ان الجنوط والكوتش برده بيفرق كتير بس لو قصدك انه عربيتين حطينا فيهم كل حاجه زى بعض وشاسيه واحده اكبر سنه دا بيديها ثبات أكتر دا بقى مش متأكد منه بصراحه وعشان كدا مش عايز افتى
[QUOTE]انا عربيات اخواتى الاتنين Stock (يعنى زى ما جم من المصنع) الملف اللى اخدة على 100 فى الIbiza اخدة على 80 فى الPolo.[/QUOTE]
وبرده فى النقطه دى مقدرش اقولك او أديك معلومه أكيده لانى بصراحه لسه مجننتش وخت ملف وانا على السرعات دى :36_7_4[1]::36_1_31:
وفعلا هيه بتبقى حالاااااات عواصف ذهنيه متعبه لأصحابها :shine[1]:
نسيت أسألك يت عماد انت مسقط فى البولو بتاعتك ماتور 1400 ولا هيه جايه كدا stock على رأيك ؟
ممكن الاتصال بمحلات فتح الباب فرع رمسيس (25775994) او فرع الحرفيين (26996561) او فرع الهرم (35875710)اقتباس:
المشاركة الأصلية كتبت بواسطة elshrpeny
كريم باشا, منور الموضوع, انا بحاول اخش اهو و كفاية انك فاكرنااقتباس:
المشاركة الأصلية كتبت بواسطة karim_monir
بص انا كنت مجهز المتر و نازل اقيس الاجازة اللى فاتت بس كسرت كوبلن الابيزا و دة بسبب غباوة منى فا هى حاليا عند الميكانيكى و انا قولت اسيبها شوية عشان بعت اجيب طقم قواعد Polyurethane و بالمرة يركبة.اقتباس:
المشاركة الأصلية كتبت بواسطة elshrpeny
المهم اسبوع ولا اتنين و اجيبلك الارقام كلها.
لا, مسقطة و جايب الموتور كامل بالضفيرة و الكنترول و الفتيس + عفشة كاملة سكاكين ورا و قدام و ABS.اقتباس:
المشاركة الأصلية كتبت بواسطة elshrpeny
منورنا يا عماد باشااقتباس:
المشاركة الأصلية كتبت بواسطة iBiZa
عايز اعرف هتركب كوبلن ايه في الابيزا عشان عايزاغير ومنين وبكام
ثانيا ايه هو طقم القواعد ال polyurethane ?
نرجو الشرح وجزاكم الله خيرا
اية رأيكم يا جماعة اجيب
بولو 2001 ولا جوليت 2001
وهل قطع غيار البولو غالية اوى ؟
واضيف ايضا
كورسا 2000
عايز اعرف من حضرتك الافضل مابينهم
لأ, انا قصتى مختلفة تماما, انت هتركب بتاعها العادى و لو عندك مشكلة فية قولى عليها بس هو العادى بتاعها مفيهوش اى مشاكل خالص و عمرة ما بيعمل دقة نقص غير لو انت عندك حاجة مش مظبوطة. انا اللى عندى هو بتاع الGolf IV 1.8 Turbo عشان الموتور VR6 و دة مش هينفع يركب عندك اصلا.اقتباس:
المشاركة الأصلية كتبت بواسطة ehab_mansour
ديه ماده ناشفة شوية و احسن من القواعد الكاوتش بتاعة العربية. قواعد الموتور الكاوتش بتبقى مصصمة عشان تديك راحة فى السواقة و بتمتص الVibration بتاع الموتور و بتخلى الموتور loose فى الحركة بتاعته مما ينتج عنة loss فى الطاقة من الموتور الى العجل + ان عمرها قصير نسبيا مع المواتير القوية عشان مش بتستحمل الغباوة.اقتباس:
المشاركة الأصلية كتبت بواسطة ehab_mansour
الpolyurethane بتبقى مقيدة الموتور فى مكانة فا الPower كلة بيبقى رايح للعجل و عمرها طويل و فية منها grades و دة بيبقى على حساب الراحه يعنى بتبقى حاسس بالVibration بتاعة الموتور.
سؤال الPolo ولا الJuliet اتجاوب علية قبل كدة, use the search engine.اقتباس:
المشاركة الأصلية كتبت بواسطة HaMaKyy
قطع الغيار بتاعة الPolo مكتوب اسعار حاجات كتير اوى منها, use the search engine بردة.