المشاركة الأصلية كتبت بواسطة dodino2006
اولاً: بالنسبة لموضوع الفولت ال PS3 من اي مكان في العالم بيشتغل ١١٠-٢٤٠ فولت، بالرغم ان اللي بيتتباع في امريكا و اليابان مكتوب عليهم ١١٠ فولت بس، و لكن دي حركة تسويقية، و انا اساساً جايب الجهاز بتاعي و بتاع اخويا من امريكا و الاتنين شغالين زي الفل...
ثانياً: ال PS3 كله بيشغل DVD عادي، و لكن مش بيشغل ال VCD نهائي غير لو عملتله convert علي جهاز الكمبيوتر و نقلته علي الهارد او اليو اس بي درايف...
ثالثاً: بالنسبة لموضوع ال Regional Settings, بالنسبة للالعاب هي معليهاش اي حماية، بس المشكلة في موضوع ال PAL و ال NTSC، يعني لو شاري الجهاز من امريكا ممكن العاب مصر ما تشتغلش عليه، و لكن الكلام ده فط لو هتشغله علي تلفزيون عادي، انما لو هتشغله علي تلفزيون LCD (و ده طبعا الاحسن و الفرق فعلا رهيب) مش هيفرق الموضوع ده خالص، بالنسبه للافلام ال Blu-Ray و ال DVD، انا مش متأكد من القصة دي علشان كده ولا كده بجيب الافلام كلها من امريكا...
و اي سؤال انا تحت امرك