سلام عليكم ورحمة الله وبركاته معليش ياجماعة انا سوالكم كام سوال ومعلش هطول عليكم انا رحطت امبارح توكيل هيونداي جنبي اتفرج علي الالنترا لقيتها عربية حلوة جدا بس انا لحظت حاجة غريبة ان مفيهاش موشرحرارة طيب لما العربية بتسحن هعرف منين وبذات الصبح وعلش عندي سوال تاني هو انا ينفع بعد مجيب العربية (انا اجيب الكاملة مانيول)اركب فيها جنوط من التوكيل وركب فيها جهاز ضم المريات الجابية وبكام وشكرا
واسف لكنت طولت عليكوا
الخليجي بس مافيهاش
فيه عربيات كتير حديثة مافيهاش مؤشر حرارة
بيبقي فيها لمبة لبيان ان العربية سخنة اكتر من اللازم ولمبة تانية بتطفي لما العربية تكون جاهزة للحركة
بس انا شايف ان مؤشر الحرارة لا عنى عنه .... وحكاية اللمبة دي فذلكة زيادة
والله اعلم
يا ريت صورة للعداد توضح عدم وجود مؤشر الحرارة
يا جماعه مالكم في ايه
ما الموضوع ده موجود في عربيات كتيير
القصه كلهااا في عربيات بتبقى فيها لمبتين وحده زرقه والتانيه حمرا
الزرقا لما تدور العربيه وهي بارده تفضل شغاله كام دقيقه وتطفي بعدها زي التسخين كده
الحمرا بتنور لو العربيه سخنت زياده عن اللزوم والمفروض هي بتنور يبقى كان مؤشر الحراره علي عن الزوم مش معنى انها نورت ان كده خلاص الموتور بيفرقع
وفي عربيات مفيهاش غير اللمبه الحمرا بس
كلام صح جدا عربيات كثيرة ليس بها عداد حرارة مثل التريوس الجديدة والفورد بها لمبات فقط
نفس الحكاية في النيو اكسنت معلش التوفير بقى
ده حقيقه 2010 مافيهاش مؤشر حراره.... قبل كده كان فيه....
العدادات الانلوج مهمه جدا
عشان برضه تقدر تعرف لما الحراره تبتدى تزيد
و ده مهم عشان لو قارص ممكن تلحق قبل ما تسخن
و برضه تقدر تعرف لو العربيه بقت فى رينج حراره اعلى من المعتاد و ده يدل على بوادى فى عمليه التبريد
يا ريت يبطلوا فذلكه و يعملولنا حاجه تفيد
اعتقد الفكره فى ان معظم السيارات الى بتنزل من غير مؤشر دى بتبقى كلها مستورده من بره
يعنى بلاد برد فملهاش لازمه عندوهوم المؤشر ولكن دا ميمنعش ان ممكن يحصل عطل يخلى العربيه تسخن "ودا شىء غير وارد عندهم" فعلشان كده عمله اللمبه
غريب اوى ان يرى البعض حاجه زى كده "فزلكه"
مصممى السيارات بيعملوا لكل حاجه حساب خصوصا لو عربيات محترمه
ومحدش بيتفزلك غيرنا!!