الموضوع: عالم الشبكات

أنا علي فكره بآخد كورس mcse
ادعيلي بقي أنا كمان
و بعده هستني شويه و هدرس ccna

عايز أوضح بس لكي الناس المقبله علي أي من الكورسين
إن اللي اتعلمتوه و قرأتوه حاجه و إللي هتخدوه و تتعلموه حاجه تانيه

المشاركة الأصلية كتبت بواسطة mrwho1982

طيب هو انا بصراحة ماعرفش مش عايز افتي بس سوال هايقرب وجه نظري وارجو الاجابة

حضرتك بتستعمل كام سللك من ال 8 اسلاك بتوع الشبكة
ردك هايساعدني علي توضيح وجهة نظري

وللك مني كل التقدير ولاحترام يا استاذ نادر

بستعمل 4 اسلاك من ال 8، (1و2و3و6)

و دية صورة الpins يمكن تفيدك

المشاركة الأصلية كتبت بواسطة mrwho1982

يبقي الاسلاك المستعملة 1 2 3 6

صح الكلام كده احنا قولنا ان 1 2 للارسال
3 6 للاستقبال

يبقي هناك 1 2 استقبال

3 6 ارسال

صح كده طيب جرب تجرب كده وقولي النتيجة

طيب مانخلي علي الجهاز الاول 1&2 ارسال و 3&4 استقبال
والجهاز ال 2 1&2 ارسال و 3&4 استقبال

ماتبصلهاش من الناحية النظري علشان هي نظريا غلط لكن علميا شغالة ومافيش مشاكل

يا باشا ال Pins دية مبنعملهاش بمزاجنا، دية IEEE 802.3 Standard ، يعنى كارت ال LAN اللى بتروح تشتريه من السوق بيبقى متصمم على هذا الاساس. كارت ال100Mbps LAN مش هيبص غير على ال (1,2,3,6) pins و بكل بساطة هينفض لباقى ال Pins.

ما هو عشان الدنيا تبقى compatible مع بعضيها، خصوصا فى عالم الشبكات لازم كل الناس تمشى بال standards

و زى ما الاستاذ خشن تفضل و بعت اللينك اللى بيشرح الفرق فى ال standards ، بس المهم تبقى شغال على بينة و عارف ال standard اللى انت شغال عليه.

طب ممكن تسألنى، امال ليه عاملين الpins الزيادة، تناحة مثلا؟!

اقولك ان ممكن انت لو حابب تستخدم ال Pins دية، تصمم كارت ال LAN بتاعك بنفسك، و لازم تعمل لنفسك منه اتنين على الاقل لان مفيش غيرهم اللى هيفهم بعض، و الله بقه عايز تخلى ال pins (7,8 استقبال و (4و5) ارسال براحتك، بس انت لوحدك بكروتك اللى هتعرفوا تكلموا بعض. لو نفسك تتفاهم مع بقية الدنيا يبقى لازم تكلمهم لغتهم، يعنى لازم تمشى مع الstandard

المشاركة الأصلية كتبت بواسطة mrwho1982

للعلم ليس الاالسللك لو اتوصل مش هايديك كروس حمرا

هايديك الاتي recived = 0

لان هو تايه واللي هايقولو علي الشبكة هو ال gate way

لو حضرتك لسه مش مقتنع قولي

وشكرا للحوار الممتع والشيق

انا حاسس انك متلخبط شوية فى حتت ال Gateway او يمكن مديله اكتر من حجمه

انت عارف ايه فائدة ال Gateway؟ اقولك باختصار عشان تفهم الفكرة، انت دلوقتى لو عندك شبكة فى بيتك من 5 اجهزة مثلا، هتحطلها IPs زى 192.168.1XX

انت دلوقتى شبكتك مقفولة على نفسك، لكن افرض انك عايز توصل بشبكة بيت جارك و هتلاقيه برضه حاطط نفس ال range بتاع ال IPs

هنا بقى ييجى الدور بتاع ال Gateway، هو هيبقى اللى بيوصل شبكتك المحلية (Local Area Network) بالناس اللى برة رغم ان كل شبكة محلية بذاتها هتلاقي اجهزتها واخده نفس ال IPs

انا بس عايز اديك نصيحة اخوية، متخليش التفاصيل الكتير تلبخك عن الاساسيات، خصوصا فى عالم الشبكات هتلاقى مصطلحات كتييير و لو انت مش متمكن من الاساسيات هتلاقيك اتلخبط جامد، حاول دائما تربط بين اللى انت شايفه بعينك و اللى انت فاهمه عشان تستفيد من الكورس اللى انت بتأخده و ميبقاش شهادة و خلاص