الموضوع: ازاى اعرف ان الرشاشات شغالة تمام

السلام عليكم
احب بس اشكر الاخ محمد ممدوح والباش مهندس احمد لأنهم وقفين معايا من اول ما طرحت المشكلة عليكم وطبعا لن انسى سلامى لباقى الاعضاء

بالنسبة لتأخير الدوارة ياباش مهندس احمد فاهى كانت موجودة بقالها فترة بس بدأت الاحظ موضوع الدخنة دة فى تانى مرة اغير فيها موبينة (غيرتها 3مرات) ومن خلال متابعتى ليها لقيت انها مش بتظهر غير فى حالة ان العربية باردة الصبح او كانت دايرة وبردت
ومجرد مابتسخن والمؤشر يثبت على وضعة الطبيعى اجى انا بقى اتحرك وازود بنزين الاقى الدخنة بتخرج لحد ماتختفى تماما لمدة دقيقة ونص بالكتير وبعد كدة خلاص العادم بعد شوية مشى ريحتة بترجع طبيعية( العادم لونة ابيض واضح) ... وهكذا
سيادة المستشار محمد ممدوح دلوقتى لو فرضنا ان دخنة مش كاوتش صباب ولا حاجة ياترى هتفضل مستمرة ولا وضعها ممكن يكون زى ما وصفت
اكيد كل وضع دخنة بيكون ليها اسباب يعنى عندك لو المكنة خفيفة وبتاكل زيت يبقى هتفضل تدخن طول ما العربية ماشية والدخنة لونة ازرق وباين الزرقان وعارف شكلة من ايام مشكلة فى عربية ابن خالتى
اعراض الدخنة دى مش بتشير لحاجة معينة مثلا خصوصا انها بتظهر فى الحالة اللى وصفتها لحضرتكم

بالنسبة لأداء العربية الحق يتقال من بعد تغيير الموبينا والسلوك والبوجيهات .. رجعت للأداء الطبيعى وبقت فايقة وتتعامل مع الغيارات طبيعى جدا الاول كانت سرعة العربية تنزل لازم اجيب الاول عشان اعرف اتعامل فى الزحمة وسط العربيات وجربت اقرص على الغيار لحد 6000 او6500 لفة بجد حسيت ان العربية هطير بيا وكنت اول مرة اعملها وكانت بحكم انى افوق المكنة بعد ماكانت ميتة وبطيئة الاستجاب

انا كنت مفروض النهاردة اروح احطها على الاسكانر على انجز نفسى ومدوخش نفسى اكتر من كدة. بس جدت عاليا ظروف مفضتش من بعد الجمعة لحد الساعة 12 باليل

وبالنسبة للعربية فاهى 1500 مش 1600
ولوكانت مشكلة رشاشات انسب الانواع اللى ممكن اركبها واجودهم اداء واكيد عن تجربة لناس غيرت وجابتهم وشكروا فيهم غير بتوع العربية ولا الاصلى احسن وياريت اسعارهم عشان ابقى عامل حسابى
وياريت سعر حساس الجكمان وهل يفضل اجيبة جديد وفية منة مضروب واصلى ولا كلة نوع واحد
اخر حاجة حضرتك نسيت تجاوبنى على السؤال دة
هل الرشاشات او حساس الجكمان لو حاجة منهم مخرفة هتأدى لوجود دخنة ؟ولية لمبة التشك منورتش ؟
واة افتكرت حاجة ممكن تفيد فى تحليل المشكلة يوم ما ركبت الموبينة الاصلى العربية قبليها لخبطت جامد منى على طريق البحر ولمبة التشك نورت وطفيت والعربية بتطلت واستنيت شوية ودورت دارت قومت لاحق نفسى وروحت للميكانيكى جبنا الاصلى وركبناها.. والله الراجل من اول مرة كنت بشترى موبينا قالى جيب الاصلى عشان تعيش معااك بس انا كنت عايز امشى نفسى حتى لو شهرين واغيرها والله الصينى والمضروب اللى اضحك عاليا فيها كانوا كتيرهم 3ايام والعربية تبتدى تلخبط

انا ياجماعة متكل عليكم بعد ربنا لحد ما المشكلة دى تتحل فيا ريت محدش يضايق انى بسأل كتيييير
والجميل دة فوق راسى وعمرى ما هنسى وقفتكم جنبى وكمية المعلومات اللى اكتسبتها منكم
والاهم من دة كلة انى طلعت من المنتدى بناس زيكم ودى اكتر الحاجات اللى الواحد كسبها من المنتدى بصراحة قبل العربيات والكلام الفارغ دة كلة . بجد عرف ناس فوق ان الواحد يتكلم ويقول عنهم بكتيير ربنا يباركلكم فى حياتكم وصحتكم

المشاركة الأصلية كتبت بواسطة zocor742

اجى انا بقى اتحرك وازود بنزين الاقى الدخنة بتخرج لحد ماتختفى تماما لمدة دقيقة ونص بالكتير وبعد كدة خلاص العادم بعد شوية مشى ريحتة بترجع طبيعية( العادم لونة ابيض واضح) ... وهكذا

اسف اقصد( الدخنة لونها ابيض واضح )

شكرا ياكبير على التوضيح
طيب الرشاشات ممكن تسبب دخنة اول الدوارة ولا بردو ملهاش علاقة
وبالنسبة للمبة نورت ثوانى وطفيت مقعدتش كتير
انا عارف انى متقل اوى عليك بس معلش استحملنى شوية

المشاركة الأصلية كتبت بواسطة mmamdouh

ممكن بس حسب ظروف التشغيل... يعنى لو الرشاشات سربت البنزين المضغوط و فضل منة شوية مش كتير انهم يخللوا الدوارة تغيب لكن كتير بما يكفى ان الخليط يبقى غنى العربية حتدخن اول ما تدور و بعدها تضبط

mmamdouh

استاذ محمد هو دة بالظبت اللى حاسس بية
بس العربية لما بسيبها كتير بطلقط من اول تكة
انما لو كانت سخنة وبطلت هيا ومزاجها بقى دور بسرعة تأخر كتير انا وحظى ساعتها
والموضوع دة سببلى الاحراج كتييييير لما ببطل افول وارجع ادور تانى والبنزينة زحمة

على العموم انا رايح بكرة للميكانيكى باذن الله. اتصلت بية انهاردة واتفقنا انى اروحلة بكرة
سعات بيكون المهندس اللى شغال بأسكانر مش موجود
تنصحنى اية اللى اعملة او ازاى اعرف ان هو كدة شغال فى العيب مظبوط ومش بيهيس
انا واثق ان الميكانيكى دة فاهم .. بس والله من ساعة فرة الموبينا اللى عدت عاليا بقيت بشك فى نفسى
وهل فية تليفون اقدر اتصل بحضرتك عالية لو حسيت ان الكلام مش مريحنى

وشكرا لزوق حضرتك معايا