ازاى اعرف ان الرشاشات شغالة تمام
ياجماعة انا زى ما انتم عرفين غيرت موبينا اصلى وسلوك بوجيهات اصلى وبوجيهات شمعة
والعملية بقت تمام زى الفل... النهاردة بقى وانا بسخن العربية عشان امشى بعد ماسخنت وطالع خلاص لما زود بنزين لقيت دخنة بيضا على مهببة بسيييط طلعت بكثرة وفضلت ازود على الاكسراتير واحدة واحدة لحد ما الدخنة اختفت تماما وبعديها الجكمان جاب رزاز مية عادى بتوع اول الدوارة........ طلعت اجرب العربية لقيت سحبها كويس ومفهاش اى نتش الحمد لله استبعت الموبينا والسلوك والبوجيهات.. وبدأت دماغى تشت منى واشك فى الرشاشات انها بتسيل بنزين زيادة وبتحوشهم ومع الدوارة والعربية لسة باردة وبتسخن بيطلع كل اللى معبى
روحت للميكانيكى تانى احط العربية على الاسكانر اطمن اية الحكاية .... ملقتش المهندس موجود وقالى جاى يوم الجمعة وقولتلة على الحكاية (وكان بيقفل الورشة)
قالى زود كدة واحدة واحدة وبص على الجكمان قالى العادم طالع طبيعى
اتفقنا انى اتابع الموضوع لحد يوم الجمعة واشوف الحكاية دى هتكرر كل ما اجى ادور والعربية باردة ولا اية
واخد مشوار طوالى محترم عشان لو الجكمان مترسب فية حاجة تتكنس كويس
شايفين ان الرشاشات ليها دخل فى حاجة ولا ممكن حاجة تانية تعمل كدة وعلى فكرة انا مستبعد الدخنة تكون زيت عشان مفهاش ريحة زيت ولا طالعة مزرقة خالص الدخنة بيضااا مهببة على بسييط
ومتابع قياس الزيت تمام والميا تمام ممكن ازودها كل غيار زيت شوية يعنى بتبقى تحت علامة المكس بسنتى بالظبت.
مستنى ارائكم ونصائحكم لحل هذة المشكلة سريعا ونقدر نحدد الموضوع قبل يوم الجمعة
وهل فية طريقة احدد منها ان كانت الرشاشات بسيل ولا لأ بالبلدى كدة
وربنا يسهل ان شاء الله وتطلع حاجة عبيطة