انت مين من غير العربية؟

**محمد محمد** · 04-11-2009 11:02 PM

السلام عليكم ورحمة الله وبركاته................

في مصرنا الحبيبة الواحد احيانا بيتعامل علي حسب نوع عربيته او علي حسب ان كان راكب العربية او مترجل منها يعني انا مثلا الصبح لما اكون راكب العربية وماشي الاقي العمال بتوع النظافة في لهجة جماعية يقولولي بااااشا........يا باشا ولو مشيت من غير عربية في نفس المكان ونفس الناس وعيني في عينهم اشعر اني لابس طاقية الأخفاء مش كده وبس ده ممكن يكنس في وش الواحد وهو معدي وكذلك عندما اتعامل مع بتاع الكاوتش ويقولي مثلا اعمل كذا اقوله استني لما اقول لصاحب العربية فيفتكرني سواق علي العربية وتبقي المعاملة بلدي(ودي احدي الطرق اللى قالى عليها احد السائقين المقربين علشان الصنايعي مايبقاش جشع ومستغل).
وسمعت مرة احدي الطرائف من الشيخ ابو اسحاق الحويني كان بيقول فيما معناها :الناس اللى معاها عربيات بيروحوا يركنوا قدام الفكهاني وينزل يشتري مثلا كيلو موز ب2.5 ج تلاقي الفكهاني بيقولوا ب15ج........علشان خاطرك انت بس وطبعا التاني فرحان طب ما تركن العربية بعيد وانزل اشتري.
ومرة برده كان بيحكي علي واحد طول ماهو ماشي بالعربية يبص في المراية يشوف الناس بصة عليه ولا لأ.
كل واحد يحكي تجربته في التعامل مع الناس بالعربية وبدون العربية خاصة لو كانوا نفس الناس.

**Eng_Mostafa_89** · 04-11-2009 11:10 PM

الواحد بالعربية بيبقى محترم
انما نوع العربية كمان بيفرق يعنى لما تخش على لجنة وانت بال128
غير طبعا وانت داخل بشروكى او باسات

ولما تبقى من غير خالص يبقى ينطبق عليك مثل
من خرج من دارة اتقل مقدارة

**nab!l** · 04-11-2009 11:17 PM

فعلا بعربيه غير لما اكون من غيرها

**mr_sameh** · 04-11-2009 11:45 PM

الموضع ده زي لما الواحد بيكون لابس بدلة بتلقي معاملة مختلفة عن الجنز

**Mostafa.Mahran** · 05-11-2009 12:43 AM

الكلام ده علشان النفوس الضعيفة
لو داخل على لجنة و انت راكب عربية حلوة اكيد هتكون واصل و ليك معارف و علاقات و الناس هتعمل لك حساب
لو ركنت قدام الفكهانى او اى بائع لازم يعمل عليك شغل علشان انت معاك فلوس(بغض النظر انه هيبيع بذمتين و ده حرام)
والى راكب عربية ومستنى الناس تبص عليه ده اكيد قبل ما يركبها كان مش لاقى
وفى الاخر البنى ادم هو الى بيفرض احترام الناس ليه سواء بعربية او من غير