العربية الوحيدة التى لا تقول: "لا"!

الصراحة انا مش من هواة عمل مواضيع في قسم الصور و الكليبات...
بس الصورة دي إستوقفتني و قلت لازم أشارككم بيها:

http://photos-g.ak.fbcdn.net/photos-...40146_2648.jpg

و الصراحة معنديش تعليق غير:

ال 128 اللي على حق...متقولش للحوادث لأ!

هى العربية دى ماشية ولا عملت حادثة ووقفت ؟؟؟

دى مش حمالة قاسية دى حمالة حوادث
شكرا يا نادر على الصورة النادرة

كفته

أصيلة دايما يا 28

الاقي مين من بعدك يا حبييييييييييييييييييييييي يييييبتاي

هيا ماشية فعلاً ولا واقفة ؟؟؟

دا الكوبيه الكابورليه منه ههههه...
والله اللي سايق دا روحه حلوه و لسه عنده قلب يسوقها ....
ربنا يحفظه و يحفظنا شر الطريق يا رب امين

دى عربية خارقة بقى على كدة
بس دى اكيد حتباع خردة دى العربية عايزة نص ورانى بالشنطة مش نافعة خلاص ... بس الفهلوة اكيد لازم تشتغل .

يا ساتر يا رب
اللهم احفظنا جميعا من الحوادث

دى ماشية فعلا ؟!
فعلا العربيات الجديدة سيييس (فافى يعنى)

يا جماعة لو العربية كانت واقفة ماكنتش حاطتها:)
دي ماشية في الشااااارع :)

انا نفسى اعرف هى ماشيه ازاى اصلا ده كل عجله باصه فى ناحيه

ربنا يحفظنا ويسترها معانا

المفروض الصوره دى تتبعت لشركه فيات فى ايطاليا وهما هايعلقوها فى مكان بارز وبحجم كبير للتأكيد على كفاءه عربياتها اللى حتى وهيا عامله حادثه بتمشى :)

لأ ماشية
اي نعم هي مش باين لها وش من قفا.. بس ماشية..
و اكيد كانت رايحة المستشفي عشان يتعمل ليها عملة نقل اعضاء.. :) :) بس داخلة المستشفي علي رجليها..

عربيه من الاخر "قلق"

ماتقوليش انها ماشيه !!!!!

انا حضرت العزاء بتاع العربيه دى مرتين

ماشية وهي عاملة حادثة عربية بجد اصيلة

لا اله الا الله محمد رسول الله
اللى يعيش ياما يشوف
شكرا يا نادر باشا على الصورة
وما تتعجبوش ياجماعة دى كبالن وجر امامى
والخبطة ورا يعنى مافيش مشكلة خالص طالما تنك البنزين واصل للموتور

ابتسم انت فى مصر .........................

اصيلااااااااااااااااااااا ااااااااااااااااااااااااا ااااااااااااااا والله اصيل هى دى ال 128 فى عربيه من الجداد السيس تعرف تعمل كده ....دى ولا البهلوان على الحبل

حد يبعت لجيريمى كلاركسون الصوره دى

خليه يعرف اننا عملنا اللى هو معرفش يعمله :)

ربنا يعوض صاحبها

صوره جامده جدا

اقتباس:

---

المشاركة الأصلية كتبت بواسطة theking2690

انا نفسى اعرف هى ماشيه ازاى اصلا ده كل عجله باصه فى ناحيه

---

اقتباس:

---

المشاركة الأصلية كتبت بواسطة mada121977

المفروض الصوره دى تتبعت لشركه فيات فى ايطاليا وهما هايعلقوها فى مكان بارز وبحجم كبير للتأكيد على كفاءه عربياتها اللى حتى وهيا عامله حادثه بتمشى :)

---

اقتباس:

---

المشاركة الأصلية كتبت بواسطة elmashboh

انا حضرت العزاء بتاع العربيه دى مرتين

---

:verygood::verygood:
أنا أبويا معاة فيات 128 وبيحبها زى اى حد من عيالة وحاولت معاة كذا مرة انة يبيعها لكنة رفض رفضا باتا وكان دايما يقولى دية عربية اصيلة مش زى عربيات اليومين دول. فعلا نرفع لك القبعة يا 128. :B4_388:

تحس ان واحد رماها من الشباك!!!