تقييمى الشخصى للوجانmcv عربية عائلية مصرية من الدرجة الاولى ..

**أحمد كمال** · 05-11-2009 04:59 PM

خالك عنده ال 5 و لا ال 7 راكب؟

**eng.octooo** · 07-11-2009 10:50 PM

المشاركة الأصلية كتبت بواسطة أحمد كمال

خالك عنده ال 5 و لا ال 7 راكب؟

لا حضرتك هوة عندة ال 7 راكب مانيوال اعلى فئة

**eng.octooo** · 07-11-2009 10:53 PM

المشاركة الأصلية كتبت بواسطة mostafabakry

والله العربية دي ما خدتش حقها و مظلومة
انا معايا العربية بسم الله ما شاء الله عامله حاليا 23000 وزي الفل و بصراحة لم اتخيل ان يكون ادائها بالروعة دي
الحمدلله العربية ما ظهرش منها اي عيوب او مشاكل
و لو اتكلمنا عليها كعربية عائلية فالكلام لن يوفيها حقها
عربية اعتمادية و اقتصادية و متينة ووااااااااااااااااااااااا ااااااااسعة بطريقة عجيبة و مغايرة تماما لمظهرها الخارجي
اناو الله لسه من ساعتين نقلت تلاجة فيها لمركز صيانة كنت في الأول بقول اني هنقل التلاجة في العربية الدي ماكس النقل بتاعة والدي و لكن العربية ماكنتش موجودة ساعتها رحت باصص للوجي حبيبتي و افتكرت انها عربية mcv و رحت فاكك الكنبة التالتة بضغطة صغيرة علي كلبسات صغيرة و فكيت الكرسي و طلع زي الفل و قمت طاوي الكنبة الوسطانية في ضهر الكراسي الأمامية ببص لقيت العربية بقت هِوُُ (بكسر الهاء ) و رحت جايب التلاجة و شحنها فيها و ركب ابويا جنبي و اخويا الصغير ركب جنب التلاجة و طلعت علي مركز الصيانة
فعلا حسيت بقيمة العربية دي و عرفت ليه الأوروبيين بيحبوا اقتناء النوعية دي من العريبات اللي بيسموها متعددة الإستخدامات
و انا لسه امبارح راجع من الغردقة و مش هقولكم اد ايه العربية مريحة في السفر ورائعة من اتزان و سحب وراحة و وسع و عالين عن الأرض بعدي فوق اجعصها مطب فيكي يا بلد و انا و و لا في باليي و باخدة زي الألف و بكامل حمولة العربية مع عفش كمان و بيصعب عليا عربيات تاني بتبقي ماشية قدامي و بلاقيها بتصارع و هي بتعدي المطبات و بيبقي الراجل اللي سايق مسكين عمال يروح يمين و شمال و فوق و تحت عشان يعدي المطب و انا وراه عمال ادعي له احسن يتعلق فوق المطب و حصلت قبل كدا و العربية اتشعلقت علي المطب و كان منظر تحفة
فعلا اللوجان mcv عربية عاااااااائلية من الدرجة الأولي و تساوي اكتر من تمنها
يعني من الأخر اللي عاوز عربية عائلية و عملية و اقتصادية و اعتمادية يبقي حرام يفكر في حاجة غير اللوجان تمنها ضعف تمن اللوجان و بنفس المواصفات او حتي اعلي بحاجة بسيطة مش مهمة لحد بيفكر بالطريقة دي يعني فلوس هو اولي بيها كان ممكن يستثمرها في اي مشروع تاني

يمكن عشان مابقاش منحاز للعربية هقول ان الشكوي الوحيدة اللي ممكن اشكوها من العربية هي صوت تزييق في الأبواب بيظهر لما امشي في مطبات او ارض غير ممهدة و تقريبا الصوت دا مصدره في الزجاج بتاع الأبواب او مكنة الزجاج نفسها مش عارف اعالجها ازاي هل مجاري الزجاج نفسها فيها تراب او رملة بتعمل التزييق دا مع الزجاج لما الزجا بيتهز في المطبات و لا الصوت دا جاي من ماكن الزجاج نفسها و محتاجة تتزيت و لا الصوت مصدرة السياخ اللي جوا الأبواب اللي مربوطة بالكره الداخلية و اللوك بتاع الباب
مش عارف بصراحة و للأسف مش لاقي وقت او حد ممكن اثق فيه و اعرض عليه المشكلة
مركز الخدمة قاللولي انهم هيشفوها في صيان ال 25 وانا مش عارف اصبر و لا اشوفها بنفسي و اعالج المشكلة بس محتاجة وقت و انا مش فاضي
عموما انا بطمن اي حد بيفكر في العربية و بقوله العربية 100%

طبعا حضرتك استنى فى الصيانة الجاية وخليهم يشوفوا المشكلة بنفسهم

والعربية طبعا مافيهاش غبار والى بجد عاوز عربية تريح دماغة علية وعليها