كلمة ونصف – السادس عشر من نوفمبر 2007
الساعة الثانية بعد منتصف الليل, اقوم مفزوع من النوم على صوت " دبــــــــــــــــــبب دوم طاخ تريــتك دوم دوم " , كان التعليق التلقائي الله يلعنك أنت والى جابهالك , الصوت كان جاى من عربية سيفيك بتاعت شاب روش ماشى بعد منتصف الليل ومشغل عدة الصوت على أخرها وطبعا أكيد حد فيكووا مر بالتجربة دى قبل كده وحس طبعا بالى أنا حسيت بيه, للدرجة دى الشباب بقة مستهتر وانانى؟؟
أنا مش ضد ان الواحد يسمع إلى على كيفه ولكن لازم يحط في اعتباره انه ميأذيش إلى حواليه ولا هوا يمتع نفسه بالصوت ويسيب الى حواليه يتحرقوا بجاز ؟؟؟
اعتقد إن الحل الوحيد هو الرجوع لنظام عسكري الدرك أبو شنبات يمكن يقدر يعمل حاجة مع شباب البازوكا هؤلاء.