الموضوع: قواعد المرور من على (الصينية - الدوار )

كنت رفعت من فترة شعار لمحو الأمية المرورية الموجودة فى مصر
,
وطبعا أفضل مكان او منبر ممكن أوصل صوتى منه هو منتدى نايل موتورز
,
بدات أولى موضوعاتى وكان عن الألتفاف للخلف U-turn وكان فيه شرح عن قواعد عبوره الصحيحة
,
و الرابط للموضوع http://www.nilemotors.net/Nile/36557-u-turn.html
,
,
,
وبعد كده كان فيه موضوعين عن مهارات الركن (سلسلة كيف تركن سيارتك) وازاى نقدر نركن بصورة صحيحة

ورابط الموضوعين
http://www.nilemotors.net/Nile/80781-1.html
http://www.nilemotors.net/Nile/80953-2.html



النهاردة إن شاء الله عاوز اكلمكم عن موضوع جديد وهو موضوع الدوار أو الصينية Roundabout اى كان المسمى وازاى نقدر نعبر الدوار او الصينية بصورة أمنة وصحيحة


هنبدأ بفكرته؟؟؟
ايه هى القواعد المروريه المنظمة لعبور الصينية؟؟؟؟
الأخطاء الشائعه التى بتحصل على الصينية؟؟؟
.
.


فكرة الدوار فكره بسيطة جدا بتتلخص فى وضع جزيرة دائرية فى منتصف التقاطع وده لعدة اسباب أهمها
فصل الإشتباك بين مسارات الحركه
تهدئة السرعه قبل الدخول على الصينية

.
.
.

خلينا بقا نشوف شكل وتصميم الصينية بيبقى عامل ازاى والوضع الشائع فى مصر بيبقى عامل ازاى
.
.




.
.


والوضع الشائع فى مصر بيبقى زى الصورة ده
.
.




لما كنت فى شرم الشيخ تصميم الصينية او الدوار كان صح بخلاف العادة

نجى بقا للقواعد المرورية لعبور الصينية
.
.
لو انت متجه لليسار او للالتفاف للخلف لازم تلزم الحارة الشمال ووجودك فى الحارة الشمال قبل دخول الصينية بيتحيلك معظم الحركات (الحركة الطواليه – الذهاب لليسار – الالتفاف للخلف) لكن متقدرش تروح يمين
.
.
لو انت ماشى على طول او متجه لليمين هتلتوم بالحارة اليمين وتقدر تروح على طول او يمين فقط وممنوع انك تروح لليسار
.
.
وطبعا الصورة أبلغ تعبير
.
.


طيب حلو أوى لحد كده
هل فيه قواعد تانيه بتنظم عمليه عبور الصينة ؟؟؟؟؟
.
.
.

طبعا فيه وانا بسميها القاعدة الذهبية وهى قبل دخولك للصينية لازم تتاكد من خلو الصينية من اى عربيات ، ولو فيه عربيه بتلف حول الصينية لازم بتقف لحد ما الصينية تبقى فاضية وتسمح بدخولك

.
.

والصورة بتوضح طبعا القاعدة الذهبية للدوار او الصينية
.
.




ايه الأخطاء الشائعه الحدوث فى مصر
.
.

الأخطاء بتتمثل بداية من التصميم السىء وعدم الالتزام بالمواصفات
.
.


وتانى حاجة الجهل بقواعد المرور والقيادة الصحيحة وللاسف الناس فى مصر والداخليه فاكره ان قواعد المرور عبارة عن معرفه الغرامات من حزام لموبايل وخلافه ونسوا قواعد القيادة الصحيحة
.
.
.

واخيرا عدم الالتزام بالقاعدة الذهبيه وهى التأكد من خلو الصينية من اى عربيات قبل الدخول على الصينية ، وللاسف بشوف عربيات بتدخل على الصينية متخيل انه طريقه وان العربيات اللى بتلف الصينية هى اللى مفروض تقف وده أكبر غلط

ملحوظة:
الموضوع مجهود شخصى وجميع الصور من تصميمى ، يرجى عند نقل الموضوع الأشارة الى صاحب الموضوع

أرجو انى مكنش طولت عليكوا وان الموضوع يفيدكم