الموضوع: الكنبة هبطت فالصنى 2009 والسبع فى أنتظار معاينة مسئول الضمان

السلام عليكم ورحمة الله

عمات أمبارح صيانة ال 5000 فى السبع وكان عندى ملحوظات كثيرة على السيارة ومنها ان الكنبة بتاعة الصالون هبطت مع العلم انى اشتريت السيارة من اربع اشهر فقط ولم تكمل حتى الأن 5000 كيلو الا انى فضلت اعمل الصيانة لانى مش مبسوط من اداء السيارة.
أنتظرت حتى انتهت الصيانة وخرجت السيارة من الورشة والقيت النظر على الصالون ووجدت الكنبة كما كنت بدون أى تغيير.
قلت يمكن هتتغير بعدين واكبد لما استلم السيارة هيفيدونى ....
المهم جهزوا الفاتورة وطلبت منهم استفسار عن اللى تم فى الصيانة وعن الملاحظات اللى انا قلتها عند تسليم اليارة للمهندس.
دفعت الفاتورة وانتظرت لما وصل موظف الأستقبال وبلغنى عن اللى تم فى الصيانة ولم يتعرض للكنبة.
بعدها سئلته عن ايه اللى تم فى الكنبة فطلب منى الأنتظار لاحضار المهندس المسئول وبعد المعاينة للمرة الثانية قال لى المهندس ان مسئوال الضمان غير موجود وانه لازم يعاين الوضع وهو يقرر تتغير والا لأ.
وافادنى ايضا المهندس ان مسئول الضمان ممكن يرفض التغيير لان الصالون عليه فرش!!!
وأبلغته أنه تم تركيب الفرش بواسطة الموزع اللى أشتريت منه السيارة.
المهم انه بلغنى انه سوف يتصل بى لتحديد ميعاد معاينة الكنبة مع مسئول الضمان !!!!!!!!

الحقيقة انا مستغرب جدا من اللى حصل أمبارح لان المفروض ان ده مركز صيانة معتمد ويجب ان يكون عنده صلاحيات لتغيير اى شىء مادام ان السيارة فى الضمان وان ده عيب صناعة ....
أمال لو كان فى شىء اكبر من كده وكان لازم يتغير كنت هأعمل أيه أرمى السيارة عندهم لحد ما يجى الباشمهندس المسئول عن الضمان من المصنع ؟؟؟؟؟؟؟؟؟؟؟؟؟؟؟؟؟؟؟؟؟؟؟

انا كنت مستعجل وكان لازم امشى وهأتصل بهم الأسبوع القادم بمشيئة الله علشان اشوف ايه اللى حيحصل.

السلام عليكم

الحمد لله أتصل بيا المهندس/كريم من مركز السبع و رحتله يوم الأربعاء الماضى علشان يغير الكنبة.
وبعد نصف ساعة رجع لى وأخبرنى ان الفرش المتر كب هو اللى أعطى ايحاء بأن الكنبة هبطت لان الكسوه كانت ضيقة مما تسبب فى ضغط السفنج الى الداخل وبمجرد ما أتفكت الفرش رجعت الكنبة الى حالتها الطبيعية.
للاسف تم التركيب بمعرفة ال show room مودرن موتورز اللى أشتريت منه السيارة و دفعونى 500 جنيه ثمن الفرش وللاسف طلع هو اللى عامل المشكلة لانه ضيق زمش عارف أعمل أيه معاهم ؟؟ الله يعوض عليا.
شكرا لمركز السبع على الأهتمام.