بعتلك على الخاص استاذ كريم
عرض للطباعة
الاستاذ كريم
مبادرة جميلة وربنا يتقبل منك و من الجميع حضرتك مقولتش نبعت فلوس ازاى انا برة مصر و حابب اشارك ف الحملة معاكو
محمد قاسم شكرا على رسالتك الكريمة على الخاص
-------
استاذ ميدو تقدر تحول على حساب مبشرة في البنك الاهلي سوستية ابعتلك رقمه على الخاص
او على ويسترن يونيون
-----------
بلغت الحوالات المستلمة حتى الان 3500 جنيه مصرى
سواولي نشر القسم المستلمة دون الافصاح عن اصحابها بالطبع
وفي انتظار بعض الحوالات الاخري الموعودة قريبا لاتمام عملية الشراء جملة
جزاكم الله كل خير ولا تنسونا من صالح الدعاء لاتمام العمل على اكمل وجه
وفقك الله استاذ كريم على عمل الخير وان شاء الله هيتم على اكمل وجه
استاذ كريم معلش يعنى اية الخاص
ارسلت لك على الخاص
تم استلام عدة مبالغ من مكتب البريد اليوم منها حواة ب 1510 واخرى ب 500 واثنين كل واحدة منهما ب 300 جنية
بمجموع 2610 جنية
ليصبح مجموع المبالغ 6110 جنية مصري
جزاكم الله كل خير
ما زلت في انتظار بعض التحويلات كما اخبرني اصحابها لتنفيذ امر الشراء
هو الواحد ازاي ممكن يتبرع من برا مصر ... أنا من الاردن
معنى كده ان المبلغ ده يكفى لشراء 200 بطانية فقط :fdsa:
ايه ده فين اعضاء نايل موتورز ال 53000 عضو
بلاش فين الاعضاء 9000 الفعالين
بلاش برده
فين ال 500 على الأقل الموجودين بصفة شبه يومية عالمنتدى
ده لو كل واحد اتبرع ب تمن بطانية واحدة كان زمانهم 500 بطانية لحد دلوقتى مش 200 بس
يلا يا جماعة قبل العيد كلنا نتبرع ونفرح أسر كتير على دخول العيد ونطمنهم انهم ان شاء الله مش هيشعروا بالبرد وان فى ناس بتشعر بمعاناة الناس وتحاول تساعدهم
وأكيد مفيش أحسن من أعضاء أسرة نايل موتورز
ازاى بنطالب بالتغيير وبنطالب الحكومة تشعر بمعاناة المواطن واحنا مش بنشعر ببعض ونساعد المحتاجين مننا على قد ما نقدر
اتمنى محدش يزعل من كلامى
بس تخيل نفسك مكان طفل صغير بردان أوتخيل نفسك مكان أب أو أم عاجزين عن انهم يوفرو الدفا لأولادهم على الأقل
يارب قدرنا نعمل حاجة
استاذ كريم حضرتك رديت على رسالتى و مقولتش بردو ازاى ابعت من برا مصر
استاذ ميدو فعلا افضل واسرع طريقة ويسترن يونيون
ورغم انها بعيد عني شوية
لكن لو في نية ابعت وهاروح استلمها ان شاء الله
استاذ salsola المبلغ بفضل الله وصل 6500 في ايدي و 6000 في مكتب البريد هاروح استلمهم الصبح
بكدة يصل البملغ ل 12 الف و 500 جنية تقريبا
يعني 416 بطانية بفضل الله
انا عملت اتصالات باكثر من مصنع بطاطين وجاري ارسال عينات لمعرفة افضل عينة بافضل ثمن
ما تم عن طريق المنتدى المبلغ كله ما عدا 2500 جنية
مبلغ هايل من اعضاء المنتدى الكرام بس علما بان مبلغ 6 الالاف من شخص واحد
واصغر مبلغ وصل كان 30 جنية وحقيقي كان كبير عندي جدا جدا بنفس درجة ال 6 الالاف بالظبط
وكنت فرحان بيه جدا
في انتظار اي تحويلات اخري لغاية اجازة العيد لاني هاقوم بالتنفيذ بعد اجازة العيد مباشرة ان شاء الله
كريم باشا
بعتللك على الخاص شكراااااااا
سلام عليكم ورحمه الله
حبيت اعرفكم بقرب اتمام صفقة الشراء
وعفوا لن اتقبل اي تحويلات بعد يوم السبت القادم 5 ديسمبر 2009
وجزاكم الله كل خير
تم استلام اخر مبلغين بقيمة
200 جنية
و 80 جنية
وتم الاتفاق مع المصنع بسعر 31 جنية للبطانية
والاستلام خلال اسبوع ان شاء الله
جزاكم الله كل خير
خساره
ياريتني كنت لحقت
.
.
عموما ربنا يباركلكم في الخير الي عملتوه
تم استلام اول دفعة بطاطين من المصنع امس الاول
242 بطانية باجمالي 7502 جنية مصري
ثمن البطانية 31 جنيه
وتم توزيع ثلاثين بطانية في منطقة الشرابية(حوض الورد)
وجاري شحن 150 بطانية اليوم لبعض العزب والقرى الفقيرة التابعة لمركز (بنها) بمعرفة احد الشيوخ الافاضل ممن يملكون كشوف وقوائم بالفقراء في هذة المنطقة
اللهم تقبل صالح عملكم
وجاري التعاقد على باقي الكمية
جزاك الله خيرا يا كريم
و اعانك على فعل الخير
ندعو ان يتقبل الله صالح الاعمال
جزاك الله خير استاذ كريم
و وفقك على مساعدة المحتاجين
جزاكم الله خيراً
اللهم تقبل هذه الأعمال الصالحة
تم بحمد الله استلام الدفعة الثانية بعد نفاد الدفعة الاولى تماما
الدفعة الثانية 200 بطانية ب 6200 جنية مصري
تم ارسال 100 بطانية لبعض قرى محافظة الشرقية وتورزيعها بواسطة رجل امين نحسبه على خير ويعرف الكثير من الحالات هناك
المائة الاخير تم توزيع نصفها في بعض احياء السلام الشعبية والعشوائية وباقي النص جاري توزيعه
مما يذكره لي الشيخ بشير ان بعض الاسر تلتحف الخيش وان البطانية لها كنز وان بسبب ما راه في البيوت من فقر لم يستطع الاكل لمدة يومين
ودي نص رسالة وصلتني منه على الموبايل الاسبوع الماضي اثناء التوزيع :
(جاري توزيع الامانة الى اصحابها ورأينا في البيوت من الفقر ما تشيب منه الرؤوس.اللهم سامحنا وسامح أغنياء المسلمين)
----------------
رجاء اخير كان في عضو زميل لنا من السويس طلب عدد من البطاطين ونسيت الرقم والاسم (سامحني)
رجاء لو شفت المشاركة كلمني عشان اشوف هابعتهالك ازاي
الحمد لله الذي بنعمته تتم الصالحات
وجزى الله خير كل من كان له الفضل في ايصال هذا التبرع لاصحابه ولو بالدعاء
جزاك الله خيرا يا كريم
جزانا واياك محمد باشا
وربنا يجعلة في ميزان حسنات كل من ساهم
ما تعرفش عضو معانا هنا من السويس
على ما اتذكر كان اسمه كاليكان او حاجة كدة
الذاكرة بقت ضايعة
معلش بس هوه خلاص على كده
يعنى مينفعش نعمل حاجه تانيه
ياريت يبقى فى حاجات تانى كتير وممكن تبقى
اكبر عشان اكتر عدد يشوفها يعنى مثلا انا اول مره اشوف الموضوع دلوقتى بعد مخلص خالص
1- نحاول نلم فلوس عن طريق طريقك لمده عام كامل
2- يتحط اعلان للموضوع فى هيد الصفحه من فوق عشان كله يشوفه
3- يتطوع احد الاعضاء انه يبقى المسؤل عن تجميع الفلوس عن محافظته
4- معرفه المبلغ المجمع فى تنويهات اسبوعيه
5- اكيد كلنا واثقين فيك ياكريم
المبلغ ان شاء الله لو طلع كبير اخر السنه نفسى
ندخل ميه نضيفه لقريه فقيره جت فى قناه المحور
العيال الصغيره عماله تموت لانهم بيشربو من الترعه
بجد كل واحد بعد كده هايشرب احنا هناخد ثوابه تخيل
او لو حد عنده فكره تانيه نبنى جامع او نساعد حاله
انت اكيد وانت بتعمل موضوع البطانيه مكنتش عارف
انه هاينجح اوى كده والحمد لله ربنا كرم مافيهاش حاجه
لما نحاول نبدا من اول السنه الجديده ياكريم احنا 52000
الف عضو يعنى مش شويه يعنى لو كل واحد دفع 10 جنيه
هايبقى معانا اكتر من نص مليون جنيه انا عارف ان فى
ناس مش هاتدفع بس برضه فى ناس هاتدفع بالالوف
هاتعوضهم ياريت تحاول تبتدى من جديد وربنا معاك ويوفقك
فى فعل الخير وكلنا معاك ياريس
ربنا يجازيك كل خير
هو بالفعل كان في اعلان في الهيدر واتشال بعد ما الحملة خلصت
وانا مش بحب الم فلوس لحاجات كتير قوي اولها محدش ضامن عمره ينتهي امتى
وان شاء الله ممكن نعمل حملة جديدة
بس ندخل ميه شرب لقرية ده حوار كبير قوي
اكبر من طاقتنا
الحمد لله ان الموضوع تم
رغم ان المبلغ اقل من اللي اتوقعته وماكملش حتى نص الحملة
بس الحمد لله ان لسه في ناس بتعمل خير
والله ياستاذ كريم الناس اللى بتعمل خير كتير وموجدين بس بجد انا واحد من الناس بدخل على المنتدى شبه يوميا واقسم بالله ماخدت بالى غير من يومين بعد ما الموضوع كله انتهى
فأكيد فى ناس كتير شبهى
وموضوع الميه مش كبير علينا ولا حاجه
بس احنا نحول وربنا يكرم
ولو المبلغ بعد سنه طلع اقل نحاول نعمل بيه حاجه تانيه
ياريت بس نبدأ مع اول السنه الجديده
الحقيقة أنا للأسف أول مرة أشوف الموضوع ده ... أنا إن شاء الله هشتري البطاطين و أجيبهم لحضرتك ... بس العدد هيكون على قدي يعني .. هينفع أجيبهم لحضرتك يا كريم بيه ولا أوديهم فين ؟؟؟
استاذ جود هو بس في حاجة
انك لما تلم فلوس لغرض ماينفعش تغيرة ابدا
الا لو استاذنت اصحابها وده مستحيل مع العدد ده
استاذ خطاب
حاول تشوف اي حد جنبك يون فقير تديهملة
لو ماعرفتش هات اوزعهملك انا
صاحب الموضوع ده من السويس http://www.nilemotors.net/Nile/114785-a.html