السلام عليكم ورحمه الله وبركاته
بالرغم انى عارف ان عربيتى محتاجة طقم كاوتش غير انى قاعدت اقول لا ده ميشلان فرنساوى وبتاع الكاوتش يقولى لا لية فيهم يمشوا معاك شوية
وبالرغم انى مبقتنعش بكلام الصنيعية غير بقي غرورى وحبي لكل ما هو فرنسي وثقتى فيه نسانى الاصول
تقولش ده كاوتش العمركنت لازم اغيره من زمان
بس للاسف عمرة معمل اى قلة معايا فى الطريق بس الواضح ان لكل جواد كبوة
المهم كنت مسافر على طريق قليوب الزراعىوالطريق كانوا ممشطينة شكهم هيسفلتوه وفجأة حسيت ان الكوتش ريح ركنت على جنب خارج الطريق نهائيا فى حتة واسعة ونزلت اغير الفردة
ركبت الاستبن ولسة بنزل لقيت صوت فييييييييسسسسسسسسسسس
روحت منزل بسرعةوعلى اقرب بتاع كاوتش اقبل مالاستبن ينام
ربنا سلم لقيت بتاع كاوتش راجل محترم كدا وباين عليه ابن حلال
فك الفردةالاولنية ولسة بيحط فى (بانيو التجارب) ولاقى فقاقيع بصوت عالى بقلقلقلق قلت فى قرارة نفسى مع السلامة يا غالية
لقينا فيها قطع يستخبى فيه تعبان
طب خش على الاستبن انفخ وجرب سليم لكن اول ميركب يهوى شقق من الركنة ده غير انه كان متلوف امله برضه
طب والحل اييييييييييه
الراجل قال نبعت نجيب فردتين قولت فيه انواع ايه فيه ميشلان او بردجستون قلى لا وقعد يشكر فى انواع كتير زى ال جى تى والمكسس واللاسا وكدا قلت له لالا انا هتصرف بس لما ارجع ان شاء الله طب ايه العمل امممممم
كان معايا شنبر كنت جايبة للطوارق. ركبته مؤقت لحد مرجع اجيب فردتين مشلان حبيببي
وخدت الفردة المقطوعة وضمتها لمتحف الخردة بتاعى لتدقيق والتفحيص
ومع الفحص فيها عرفت بجد ليه الميشلان احسن وانعم كاوتش على الاطلاق
الفردة بالرغم ن انها مهلوكة بس سمكها كبيييييير جدا وخامتها تقيلة فعلا ومميزة غير اى نوع تانى شوفته ومفيهاش اى هرى على الاحرف ولا تشققات بالرغم من انى لقيت انتاجها 2003
بجد مش خسارة فيها ال 550 ج
وان شاء الله قريب جدا هجيب فردتين ميشلان