عرض للطباعة
انا بحب العربية دى أوى و ناوى اشترى واحدة ان شاء الله
بس كونت عاوز أعرف شوية حاجات عنها قبل ما أشتريها
1 هل ممكن يتركبلها تكيف و سعرة كام و يتركب عند مين و لازم العربية 1600cc مش 1300cc
2 لو عاوز اركب لها اكصدام زى دة ممكن ألقية فى مصر و لا لأ و بكام ؟
3 لو عاوز أعمل فتحة فى السقف ممكن يتعمل و لا لأ و بكام ؟
4 بعد التعديل دة هل هيكون فى مشاكل مع المرور ؟
يعنى عاوزة تبقى زى دية ال فى المرفقات و شكراً
ياباشا كل اللى انت عاوز تعمله
فى الحرفيين يعملوه واكثر من كده
وانا شوفت فى مصر هنا عربيات تحفه وفيها تعديل
اكتر من كده
وخصوصا الكابورليه شوفت منها عربيه اشد من النيو بيتل
لكن التكلفه بصراحه مااعرفش قد ايه
بس لو انت ناوى تشد العربيه كلها من الالف للياء
يبقى اشترى عربيه تكون حالتها تعبانه علشان
سعرها يكون رخيص وتعوض معاك فى التكاليف
يعنى مش لازم تكون مجدده قريبا
لانك مش هتستفاد بالتجديد ده طالما انت هتشدها على زوقك
وربنا يوفقك بس ياريت لو نفذت
تبقى تشاركنا معاك فى مراحل التجديد والتكاليف
ان شاء الله هنشر كل حاجة بس أول لما أعرف هى الحاجات دى تكلف أد أية عشان ما أشتريش العربية و ألقى الكلام دة غالى و اتثبت
و شكراً على الرد السريع و على فكرة أنتا أفدتنى جامد أوى لما شوفت موضوعاتك و لو عرفت هو التعديل دة هيبقى فى حدود كام ياريت تقولى
و كمان هى البيتلز ال حالتها تعبانة بتبقة فى حدود كام موديل 80 ؟
كلام هاشم باشا مفيش بعده كلام
و البيتل التعبانه جداً لا تقل عن 6000 جنيه تقريباً
و مستنيين رحلتك مع التعديل
ربنا يوفقك وفي اشد الحاجه لرحله التعديل اللي انت هتقوم بيها ان شاء الله
أعزائى الاصدقاء
أنا عربيتى 1303 1300 cc حاسس فى خشونة فى الماتور مع العلم انى غيرت البوجيهات وغيرت الكربراتير استيراد وأنا عندى الاسبراتير الكترونى أفيدونى
يعنى خشونة بتخبيط ولا خشونة بفرقعة ولا ايه بالضبطاقتباس:
المشاركة الأصلية كتبت بواسطة خالد محمد سمير
أنا محمود ياجماعة جديد معاكم فى المنتدى و بعد اذنكم عندى استفسار الفتيس بيرد عالتالت أجيب فتيس جديد ولا أعمل إية بأة؟؟؟؟
تجيب فتيس مستعمل احسن واوفر واضمن تمنة حوالى 1200 جنيه بس هتتعب شوية لحد ما تلاقى حاجة نضيفةاقتباس:
المشاركة الأصلية كتبت بواسطة elwin4
رجالتنا ... معروض عليا بيتلز موديل 73 بتاعة واحد صاحبي هو مهتم بيها جدا وعربية العيلة من الزيرو ... حالتها ممتازة وبيحافظ عليها جداً ... فيها تنية بسيطة في رقبة الشاسية "حسب كلامه آخر الشاسية من فوق ... وبيقولي مش مأثرة في حاجة خالص ... ولما عمر المكنة حطلها بساتم ال1500 مع العلم إن المكنة 1300 "حسب كلامه كده أفضل" يا ريت حد يفهمني افضل في إيه ... الدركسيون فيه بوش خفيف وأفتكر ده عادي على عربية في العمر ده.
عاوز يبيعها على 10 الاف ... كده قليل ولا كتير ولا ايه الوضع؟
أرجو سرعة الرد
اولا انت مش محدد طراز العربية يعنى الـ 1303 ولا الـ 1300 ولا 1302 حدد الطراز بالضبط وانا معاك كل موديل وليه نظام تعليق وعفشة وقطع غيار خاص به الـ 1302 والـ 1303 متشابهين لحد يكاد يكون متطابق فى العفشة الامامية حدد الموديل بساقتباس:
المشاركة الأصلية كتبت بواسطة mado el-feki