| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 4 من 4

  1. #1

    الصورة الرمزية nomercy22

    رقم العضوية : 31493

    تاريخ التسجيل : 29Jan2009

    المشاركات : 2,040

    النوع : ذكر

    الاقامة : elmohandseen

    السيارة: shahin

    السيارة[2]: لوجان 1.6 F/O M/T 2010

    دراجة بخارية: لايوجد

    الحالة : nomercy22 غير متواجد حالياً

    افتراضي افتراضي فكرت تفرمت قلبك قبل كده ؟؟ - Facebook Twitter whatsapp انشر الموضوع فى :

    hasad">

    فكرت تفرمت قلبك قبل كده ؟؟
    أفرمت قلبي ؟!
    آه .. مش لما يكون في مشكلة في الجهاز بتفرمته وبيرجع تاني فاضي زي أول يوم جبته فيه
    بس أنا لما جبته مكنش فاضي ..
    يا رايق .. عوزين نتكلم بجد .. يعني مكنش فيه فيروسات .. ولا ملفات تتقله ولا برامج مبتستخدمهاش ولا أي حاجة ملهاش لازمة
    طيب ده الجهاز .. قلبي ماله بقى؟؟!
    بردو أحنا قلوبنا محتاجة تتفرمت
    خليك صادق مع نفسك .. قلبك في كام حاجة ملهاش لزمة .. بل فيه كام حاجة متقلاه .. فيه كام أغنية , فيه كام فيلم . فيه كام بنت , فيه كام موقع , فيه كام ..
    طيب قلب بالشكل ده هل ممكن نلاقي فيه مساحة فاضيه عشان نحط فيها حب الله؟؟
    حب الله ؟! حب الله نحطه في المساحة الفاضية ؟؟! انتا بتقول إيه ؟؟
    مش قلنا خليك صادق .. مش هو ده الواقع .. مش انتا اللي وصلت قلبك للحاله دي ..
    لما صاحبتك ترن عليك عشان تنزلها .. وفي نفس الوقت لما المؤذن يقول حي على الصلاة عشان تقابل ربك .. بتستجيب لمين ؟؟
    طيب لو بيلموا تبرعات للمسجد وانتا ممعكش غير حق تذكرة السينما .. بتدفعها فين ؟؟
    طيب أنت سعيد بحياتك ؟؟
    سعيد باصحابك وصحباتك والخروجات والفسح و الأغني و...
    طيب حتى لو عشت اللحظة وقضيت وقت جميل .. بعدها بيكون حالك إيه ؟؟
    ربنا قال (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)
    مش بتحس بخنقة وكآبة وأي حد يكلمك تتعصب عليه ؟؟
    مش اللي بتبات فيه بتصحى فيه ؟؟
    ومشاكل كتير مع أهلك ومع الناس مش لاقي لها حل ..
    خايف من المستقبل ..
    وهتتجوز ازاي ؟؟
    وهتصرف منين ؟؟
    هي دي عيشة ؟؟!
    هي دي حياة ؟؟!
    إيه اللي مصبرك على الوضع ده ؟؟!
    مفكرتش تغير حياتك ؟؟
    مفكرتش تعيشها صح ؟؟
    مفكرتش تعيشها لله ؟؟
    بس .. دي مش سكتي .. مقدرش أعيش من غير أغاني ؟؟ ازاي أسيب أصحابي ؟؟ ازاي ..
    تفتكر إيه اللي ممكن يصبر الملتزمين على عيشتهم لو كانت لا تطاق .. هما لو مش لقيوا السعادة في طريق ربنا أكيد كانوا تركوه من زمان !!
    يعني هو ايه اللي يخليه ميسمعش أغاني ؟؟
    أكيد وجد الأجمل منها
    ليه ترك الحب الحرام ؟؟
    أكيد وجد حب الله
    ياااه حب الله .. جربت قبل كده تفرمت قلبك ومتحملش عليه غير حب الله .. جربت ان قلبك ميكنش فيه غير حب الله .. مفيش حب دنيا ولا ناس ولا أي حاجة غير حب الله .. تصحى من النوم مفيش على لسانك غير ذكر الله .. تجري على المسجد عشان تقابل حبيبك .. الإمام يسلم تقوم بسرعة تصلي السنة .. تخلص صلاة تجري تدور على أي مصحف عشان تقرأ كلام حبيبك .. مش عاوز تخلص عاوز تختمه في قاعده واحده .. مبقتش عاوز تسمع كلام غير كلام الله .. مش عاوز تكلم حد غير ربنا .. في كل مكان حاسس ان ربنا قريب منك
    .. والله نفسي بس .. أنا حاسس ان ربنا مش هيقبلني ..
    مش هيقبلك !
    ربنا .. أزاي تقول كده .. هو في حد أرحم بك منه .. صحيح زنوبنا كبيرة .. لاكن رحمته أكبر هو القائل (وَرَحْمَتِى وَسِعَتْ كُلَّ شَيءٍ)
    مش بس يرحمك .. وكمان يدافع عنك
    ربنا قال في الحديث القدسي : (من عادى لي وليا فقد آذنته بالحرب) عارف يعني إيه .. يعني ربنا هو اللي هيدافع عنك ..
    أنا ؟!
    آه عنك أنتا لو رجعتله بجد وكنت من أوليائه .. ياااه تخيل لما ربنا يدافع عنك .. مين يقدر يقف في طريقك ؟؟
    ممكن تخاف من حد وأنتا مع الله ؟!
    ده أنتا لو في حماية مسؤل ولا ملك من ملوك الدنيا هتمشي كده بقلب جامد ومحدش يقدر يكلمك .. فما بالك لو كنت في حماية الله .. ايه اللي ممكن تخاف منه ..
    افتح معايا المصحف على سورة هود (الآية 55) شوف سيدنا هود من ثقته في الله بيقول للكفار إيه (فكيدوني جميعا ثم لا تنظرون)
    فكيدوني ؟؟! بالسهوله دي .. ده حتى مقلش فكدني .. ده قال فكيدوني جميعا .. وبعدين خلي بالك .. دول كفار وممكن يعملوا فيه أي حاجة .. ياربي جاب الثقة دي منين ؟!
    شوف الآية اللي بعدها بيقول إيه: (اني توكلت على الله ربي وربكم)
    هي دي .. لما توكل على حد توكل على الله ربه وربهم ورب كل شيء .. توكل على القوي القادر على انه ينصروا عليهم وعلى الدنيا كلها ..
    توكل على الملك الذي بيده كل شيء ..
    بيده عربيات الدنيا وقصورها وبترولها ..
    بيده قلوب الناس .. قادر انه يخلي طوب الأرض يحبك
    ياااه لو عرفناه وعرفنا قدرته .. مكناش خرجنا من بيته .. مكناش سبنا كتابة .. لساننا مكنش سكت لحظة عن ذكره
    كنا سعتها عرفنا ليه الصحابة كانوا عوزين يعيشوها صلاة وصوم لولا إن رسول الله عليه الصلاة والسلام نهاهم

    مش هطول عليك بس هقولك :
    أنت دلوئتي قدامك الفرصة .. باب التوبة مفتوح
    لاكن لو مت وقلت رَبِّ ارْجِعُونِ .. هيقولك كَلَّا ..
    __________________
    اللهم اغفر للمؤمنين والمؤمنات


  2. #2

    الصورة الرمزية hany121

    رقم العضوية : 12913

    تاريخ التسجيل : 14Jun2008

    المشاركات : 573

    النوع : ذكر

    الاقامة : المعادي

    السيارة: non

    السيارة[2]: Cerato 2011 SX

    دراجة بخارية: non

    الحالة : hany121 غير متواجد حالياً

    افتراضي -

    جزاك الله خيرا وجعله في ميزان حسناتك


  3. #3

    الصورة الرمزية Eng_Mostafa_89

    رقم العضوية : 40362

    تاريخ التسجيل : 15May2009

    المشاركات : 3,393

    النوع : ذكر

    الاقامة : القاهرة/الاسماعيلية

    السيارة: قاهرة التروسيكلات الصينى

    السيارة[2]: كانت 128 واتسرقت :(

    دراجة بخارية: لا يوجد

    الحالة : Eng_Mostafa_89 غير متواجد حالياً

    افتراضي -

    جزاك الله خير

    سبحان الله ... الحمد لله ... لا اله الا الله ... الله اكبر


  4. #4

    الصورة الرمزية nomercy22

    رقم العضوية : 31493

    تاريخ التسجيل : 29Jan2009

    المشاركات : 2,040

    النوع : ذكر

    الاقامة : elmohandseen

    السيارة: shahin

    السيارة[2]: لوجان 1.6 F/O M/T 2010

    دراجة بخارية: لايوجد

    الحالة : nomercy22 غير متواجد حالياً

    افتراضي -

    hasad">

    جزانا وجزاكم ان شاء الله



 

المواضيع المتشابهه

  1. فكرت اشتري ثم تراجعت
    بواسطة amagroup في المنتدى بريليانس
    مشاركات: 7
    آخر مشاركة: 02-08-2012, 02:43 PM
  2. فكرت تنتحر قبل كده ؟! وليه ؟!
    بواسطة LegendJo في المنتدى المنتــــــدى الاجتمــاعى
    مشاركات: 20
    آخر مشاركة: 25-04-2012, 10:28 PM
  3. فكرت فى الكروشيه عالدركسيون!!!!
    بواسطة azmeralda في المنتدى المنتــــــدى الاجتمــاعى
    مشاركات: 1
    آخر مشاركة: 01-08-2010, 01:55 PM
  4. فكرت تبيع عربيتك
    بواسطة ehab_10 في المنتدى بيـــع و شــــراء
    مشاركات: 14
    آخر مشاركة: 28-03-2010, 01:13 AM
  5. جمد قلبك
    بواسطة lanos2 في المنتدى المنتــــــدى الاجتمــاعى
    مشاركات: 1
    آخر مشاركة: 11-10-2008, 03:44 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2