الموضوع: فعلا توكيل سييء إلى اقصى درجة وبيستهبلوا لناس

السلام عليكم يا قوم.
فالبداية ...أنا مش من ملاك الاسبرنزا ولا حاجة ...الحكايية كلها إني كنت مع واحد صحبي في صيانة في أبوراواش وهو معاه A113 على اده.

طبعا حولنا نحجز بالتليفون قولنا مفيش حاجة اسمها حجز...ساعدتك تيجي وإنت ونصيبك..حاضر..ماشي...روحنا , طبعا الصالة بتاعت استقبال تعبان يا قلبي ..ولا كأيني في شركة لنصر وانا داخل بـ 128.

قعدنا مع الفني...العربية فيها كذا كذا كذا...حاضر من عنيا..وكانت لل1000
نيجي بقا للقشة اللي جابت البعير الأرض وحنا بنستلم...وصاحبي بدفع لفلوس فالخزنة..خلوه يمضي على وصل استلام..علما إن لسة ماخدش مفاتيح العربية ولا حتى بص شاف يمكن فيه حاجة ناقصة ولا لملاحظات لكان كاتبها للفني اتصلحت ولا لاء...وصل لاستلام مكتوب فيه إنه تم اصلاح جميع لملاحظات المذكورة في أمر الشغل والعربية سليمة وكاملة وكله زي لفول..واللهِ لحد هذه اللحظة مكونا شفنا لعربية حتى.

طبعا صاحبي مضى ومخدش بالو..فـانا مسكت الورقة وسألت الراجل مكتوب هنا كذا كذا واحنا لا شفنا العربية ولا حتى شيكنا عليها..إزاي لكلام ده..يقوم يقولي ده بس عشان تخرج بيه من البوابة!!!! يا سيدي ماشي بس أنا لسة مشفتش لملاحظات لكتبناها اتصلحت ولا لسة!! قعدنا على كده بتاع 3..4 دقائق والراجل مصمم إن هو صح وانا لحمار ومش بفهم.

أنا باحكي لموضوع ده عشان تخدوا بالكم...بمجرد إنك مضيت على حاجة زي كده يبقا ملكش حاجة عندهم..حتى لو في حاجة باظت أثناء تصليح حاجة تانية.
اللهم بلغت...اللهم فاشهد