اسطوانة الدبرياج

**dr_mak** · 05-11-2009 09:23 PM

السلام عليكم / كنت عايز مساعدة من حضارتكم

من فترة كانت ظهرت عندي نتشة في العربية والتجميع بتاع العربية كان بطىء جدا ....وسالت الاخوة هنا فقالولي ممكن تكون سلك بوجيهات او موبينة .....وفعلا طلعت الموينة ضعيفة وغيرتها بواحد صيني والعربية اشتغلت اسبوع تمام وزي الفل

انهاردة كانت رايح مشوار لقيت العربية مكتومة ومش قادرة تعدي 80 وصوت العربية عالي وعددا ار بي ام بيعلى ويوطى لوحدة ....وبعد شوية لقيت العربية مش قادرة تجيب 40 وادوس بنزين والعربية مفيش استجابة

لغاية لما وصلت لحد ميكانيكي وريتهالة قالي دي اسطوانة الدبرياج ....وراح موطي الدبرياج شوية وقالي امشي بيها كدة لغاية لما توصل البيت وتبقى تيجي اغيرك الاسطوانة

ياترى دي السطوانة ؟؟؟؟ولا الموبينة الصيني ؟؟؟؟ العربية لانوس واحدموديل 99

**samirayad** · 05-11-2009 09:29 PM

لغاية لما وصلت لحد ميكانيكي وريتهالة قالي دي اسطوانة الدبرياج

وفعلا طلعت الموينة ضعيفة وغيرتها بواحد صيني والعربية اشتغلت اسبوع تمام وزي الفل

الصين دى بوظت الدنيا
الواحد خايف يحط أيده فى جيبه
يطلع فى أيديه واحد صينى

**dr_mak** · 05-11-2009 09:32 PM

بس انا شميت ريحت شياط ؟؟؟؟؟ولا الميكانيكي وطى الديبراج العربية فكت شوية ومشيت

**samirayad** · 05-11-2009 09:39 PM

أنا أشك أن توطية دواسة الدبرياج دى هى اللى عملت تفويت فى الدبرياج
أصل الشياط ميجيش الا مع التفويت بين الديسك والأسطوانه
ومش عارف فكت معاك أزاى
عموما ممكن ترجع الدواسه لوضعها الطبيعى تانى وتجرب بوبينا تانيه على سبيل التجربه
قبل ماتفكر فى عمرة الدبرياج
بحيث تبقى ماسك العصايه من النصف

وسؤال برضه
ريحة الشياط ده كان موجود قبل توطية الدواسه بواسطة الميكانيكى

**dr_mak** · 05-11-2009 09:53 PM

لا الشياط ظهر فاالاخر خالص قبل ما يوطي الدواسة

**samirayad** · 05-11-2009 09:56 PM

يبقى توقعى صح
لما وطى الدواسه حصل تفويت بين وجهى الأسطوانه ووش الفلام ووش الديسك وكده ممكن الدبرياج يودع بسرعه

اللى بستغربله
أنك بتقول
أن العربيه فكت شويه ومشيت أحسن من الأول

**samirayad** · 05-11-2009 10:06 PM

هنا بأه يقابلنا سؤال
فهل التفويت اللى حصل وسبب رائحة شياط بسخونه
كان السبب فى زيادة قوة التلامس والتماسك بين وجهى الأسطوانه
والأوجه المقابله معاها لكل من الفلام والديسك
بحيث بقوا سايحين ولاحمين فى بعض
وبكده بتزيد القدره المنقوله من المكنه للفتيس
أعتقد هو ده التفسير
بس على كده الموضوع ده مش حيستمر كتير معاك
وشويه والعربيه مش حتمشى معاك مع زيادة تسييح تيل الأسطوانه
اللى مسبب ريحة الشياط

**dr_mak** · 05-11-2009 10:07 PM

انا بقول لحضرتك لما وطى الدواسة الشياط راح والعربية فكت شوية

على العموم انا هروح للميكانيكي بتاعي واشوف اية رائية

**tompina** · 05-11-2009 10:09 PM

على فكرة .. الميكانيكي وطى لي دواسة الدبرياج (منه لله ) عشان هو شايف إن دا سبب إن الغيار الأول بيعاكس !
بصراحة أنا مش مستريح للعربية وعايز أعلي الدواسة شوية بس مش عارف منين بالضبط .. وعلى فكرة لما قلت له عليها قاللي كده أحسن عشان العربية ماتجيبش اسطوانة وديسك بسرعة !

**samirayad** · 05-11-2009 10:16 PM

انا بقول لحضرتك لما وطى الدواسة الشياط راح والعربية فكت شوية

لا كده أنا فهمت الوضع كويس
وكده عمرة دبرياج على طول
وكده أحنا ظلمنا الصين برضه

لا الشياط ظهر فاالاخر خالص قبل ما يوطي الدواسة

وأنا فعلا كنت فاكر أنك تقصد الشياط بعد وليس قبل موضوع الدواسه
على الرغم أنك كاتب فبل مايوطى
وكانت ضاربه معايا أنك قلت بعد ماوطى الدواسه
وحاسس أنى قريتها كده
أحتمال خاننى التركيز مع قبل أو بعد