الفرق بين اللانسر 1300ccو1600cc

**Oushy** · 10-11-2009 02:44 AM

طيب هوا ماينفعش عامود الاتزان الخلفي ده يتركب في 1300 ؟؟؟ ولا في حاجات تانيه مختلفه غير كده ؟؟

**mohamedway** · 10-11-2009 02:11 PM

المشاركة الأصلية كتبت بواسطة oushy

طيب هوا ماينفعش عامود الاتزان الخلفي ده يتركب في 1300 ؟؟؟ ولا في حاجات تانيه مختلفه غير كده ؟؟

أعتقد ينفع و أكيد أماكن تثبيته هتلاقيها موجوده فى المقصات الخلفيه و العفشه بتاعت ال1600 و 1300 واحده من حيث المقصات و أبعادها و طريقة التثبيت و الفرق اللى إحنا نقصده يتلخص فى:

1- المساعدين أنشف شويه لأنها رياضيه أكثر فى ال1600و لكن لايوجد إختلاف فى الشكل و الأبعاد.
2- عامود الإتزان الخلفى مش راكب فى ال1300 و لكن مكانه موجود.
3- الجنوط فى ال1600 15 بوصه و ده ترتب عليه تغير فى أماكن أخرام مسامير تثبيت العجل و مقاس فتحة الصرة بتاعت العجل بقت أكبر و بالتالى ترتب عليها تغير مقاسات الصرة إللى فى العربيه بالرولمان بلى بتاعها و أماكن الجوايط إختلفت و بقه فيه مكان لحساس الabs عشان كده كمان طنابير ال1300 غير ال1600

ولا يوجد إختلافات أخرى

**Oushy** · 10-11-2009 11:21 PM

طيب تمام وياريت الاستاذ طارق كمان يقولنا ايه موقف الكلام ده من ناحيه التوكيل وسعر عمود الاتزان الخلفي ده وتركيبو في التوكيل هيبقي حلو اوي الموضوع ده وكده ممكن تحسن الثبات اكتر ... واي حد يعرف اي معلومه عن الموضوع ده ياريت مايبخلش علينا بيها

**mohamedway** · 11-11-2009 09:13 AM

المشاركة الأصلية كتبت بواسطة oushy

طيب تمام وياريت الاستاذ طارق كمان يقولنا ايه موقف الكلام ده من ناحيه التوكيل وسعر عمود الاتزان الخلفي ده وتركيبو في التوكيل هيبقي حلو اوي الموضوع ده وكده ممكن تحسن الثبات اكتر ... واي حد يعرف اي معلومه عن الموضوع ده ياريت مايبخلش علينا بيها

لا أعتقد ان عامود الإتزان هيكون موجود فى التوكيل لأنه من الحاجات اللى مش بتحتاج تتغير فى العربيه طول عمرها تقريبا إلا لو حصله حاجه فى حادثه جامده مثلا و طبعا الخبر اليقين عند البشمهندس طارق و حتى لو لاقيته ممكن يبقه غالى جدا و نصيحتى ليك روح الحرفيين فكه من أى نص لانسر 1600 أو 2000 خلفى و تركيبه سهل جدا و كل الحكاية مسمارين فى المقص و قفيزين فى البودى أكيد هتلاقى مكانهم عندك.

علفكره الانسر الشارك بردو مافيهاش عمود الإتزان ده مع انه المفرود يكون موجود و بينزل فى الشارك ال2000 سىسى اللى طبعا ما بنشوفهاش فى مصر

**omaroof** · 17-11-2009 06:52 PM

المشاركة الأصلية كتبت بواسطة momopersona

باظ ازاى يعنى معلشى ؟؟؟؟
فوت ولا قفش ولا ولع ولا ايه

ههههههههههههههههههه
لا الاستاذ كان ماشى من غير مايغير زيت حوالى 15 الف كم في واحد بيستلفها منه وكان معتمد عليه فى تغيير الزيت والتشييك على العربيه والرداتير كان حصله مشكله وسرب ميه وبالتالى دورة التبريد لم تقم بدورها والموتور قفش
وطبعا تصليحه هنا نفس سعر موتور مستعمل وبالتالى غير الموتور بواحد مستعمل بس نفس الفئه 1300 لان المرور رفض انه يعطيه تصريح بوضع 1600 وكان السبب العفشه ماتستحملش قوة الموتور وكان كلام الظابط انه لو العربيه ايا كان نوعها ممكن من1600 تغير الموتور 1800 والعكس بس ال1300 مختلف عشان العفشه مختلفه فى هذة الفئه

**limo** · 21-11-2009 03:40 PM

الاختلاف بيكون فى الموصفات المصرى كالتالى :
المانوال 1300 و1600
المحرك +العفشه +الجنط 15 بوصه مع اختلاف شكل الطاسه +شكل عجله القياده +اير باج +فرامل مانعه للانزلاق +الدكسيون والطاره والهاند مكسى بالجلد الطبيعى وايمبيلزر
ال1300 و1600 اوتوماتيك مصرى
بالاضافه الى الفروق السابقه الفتيس فى ال1600 اوتوماتيك cvt قربيا ان شاء الله هيكون ستربترونك
نيجى بقى للخليجى
الفرق فى الخليجى الكويتى بيكون كالتالى
المحرك +العفشه +الجنط 15 +الكنسول الوسط +الكنبه الخلفيه لا يمكن طيها فى 1300 بالاضافه الى عدم وجود مخدع خلفى به حامل اكواب اخلاف لون الفرش الداخلى فى 1300 لون الفرش رصاصى وفى الخليجى فيه رصاصى وفيه بيج
طبعا العربيه الخليجى ناقصه حاجات عن المصرى زى العتب الجانبى والاكر النيكل +الفرامل الabs +كسو الطاره والفتيش والهاند جلد
الخليجى زياده عن المصرى ايموبليزر و اير باج فى 1300 للسواق
واريال سقف +فوانيس كرستال خلفيه +كاسيت +لمبه حزام +تحذير للسرعه

**hesham22822** · 05-12-2009 01:33 PM

انا عندى 1600 اتوماتيك هاف سبورت كويتى و فيها لعتب الجانبى والاكر النيكل +الفرامل الabs +كسو الطاره والفتيش والهاند جلد
الخليجى زياده عن المصرى ايموبليزر و اير باج للسائق