الموضوع: تجربتين مع توكيل غبور السلطان حسين - اسكندرية - الاتنين حكاية

الاولى

انا عربيتى اكسنت 1500 مو 99 يوم الخميس اللى فات كنت على الطريق الدولى و كان الساعة 2 تقريا بالليل و كان فى مطر شديد و مرة واحده لاقيت العربية العداد بتاع الحرارة نقط فوق خالص المهم
ركنت و سبتها بردة و دورت و ديتها مياة لاقيت خزنة الراداتير العلوية بتنفس على مسافة شبر تقريبا المهم تانى يوم روحت غيرت الراداتير وقلبى بيقولى جوان السرندار ضرب المهم يوم و انا ماشى بيها على امل انه ميكونش الجوان خصوصا مفيش طحينه ولا فى المياه و لا الزيت و الحرارة تمام بس كان فى ارتفاع فى مياه الرداتير عند الدورة بس اليوم التانى قولت اطلع على الدولى كفاية زحمه و اجرب طول الطريق 30 ك تمام التمام و اول ما دخلت البلد و الزحمه هبا الحرارة زادت ركنت ابص لاقيت القربه مليانه مياه قولت ما بدهاش اروح اعمل الجوان عن غبور عند السلطان حسين اضمن غالى شويه مش مشكله روحت دخلت لاقيت دور حطولى رقم للعربيه و بعدين جالى واحد باشا كدة لابس بالطو ازرق و مج فى ايده و قالى خير حاكته الحكايه و بسرعه علشان مضيعش و قته قالى بعجرفه افتح الكابوت و بعدين فتح غطاء الزيت و شم مفيش حاجه اقوتله ده جوان قالى مين اللى قالك كدة قوتله بتسخن قالى لا طول ما المروحه كويسه متسخنش يا عم صدقنى اقالى انا مش عارف انت جاى هنا ليه بص دى بوادر جوان مش جوان امشى عليه لحد ما يجيب اخره و عدين غيره قوتله شكرا و جريت بره لانى حسيت ان ده بتاع فول بجد و رحت لميكانيكى فى الورديان اسمه علوش حجايه بجد ساعتين و كله بقى تمام
الحكاية التانيه انهارده
و انا بتفرج على علوش و هو بيحل حل ادامى العود اللى فيه الرشاشات فلاقيت خرطوم من فلتر البنزين ل عمود الرشاشات ده دايب بس مش بيسرب المهم اخد بالى منه كويس علشان ابقى اغيره و ابتديت ادور عليه ملقتهوش خالص جديد قالولى عليك و على غبور السلطان حسين برده روحت انهارده انا عايز خرطوم كذا قالى ثوانى كدة خلى بالك ده ب 90 ج و كل اللى بياخده بيرجعه قوتله ليه قالى علشان غالى قوتله مش مشكله ورهولى قالى مش هرجعه لو اخده قوتله ماشى بعد شويه خرج قالى هى العربيه فين قوتله اما م بوابه الصيانه قالى دخلها قوتله لا انا عايز الخرطوم بس مينفعش اقلى لا اذى ينفع طبعا انا هخرج معاك علشان ابص عليه اجبلك زيه قوتله جزاك الله خير بص و بعدين قالى لا ده مش ابو 90 ده فى اتنين لاكور واحد فى الفلتر و التانى يركب فى الرشاشات بمسمارين طيب استنانى فى قطع الغيار هشوفه بكام على الكمبيوتر و جايلك شويه و جه بص ده ب 447 ج و موجود فى شرم اجبهولك قوتله ليه 447 ج ياما اوى قالى هو كدة قوتله ده كله 20 سم لا مش عايز و بعدين و انا بركب العربيه قولت لا انا هدخل الصيانه دخلت كل ما حد يقابلنى اى خدمه قولتله عايز مهندس صيانه المهم لاقيت و احد قوتله الحكايه رد بكل برود هو تمنه كدة هاته علشان مش هتلاقيه قوتله لا هعمله عموله ب5ج احسن و بعدين روحت على محلات الاستعمال الخارج جبته ب 70 ج اصلى جديد 100 % و ركبته تمام التمام و اخيرا حسبى الله فى توكيل غبور الحرامى

حسبي الله ونعم الوكيل