الموضوع: تغيير زيت الفتيس

أقوللك على حاجة ؟
أول مرة ركبت عربية كانت بتاعة بابا من وراه وهو نايم ..
سرقت المفتاح وكنت في تانية ثانوي ..
عملت حجتي غسيل العربية ودورتها واتكلت على الله .. ومن ساعتها محدش علمني .. اللي أعرفه عن السواقة كان نظري صرف .. من برنامج عالم السيارات (لو فاكره) ودا كان بيتعرض وأنا طفل ومن أسئلة السواقين بتوع الربع نقل بتوع الأرياف ..
نسيت أقوللك إن عربية أبي كانت مرسيدس مو93 أوتوماتيك .. بعدها أجرت تاكسي من واحد عشان أتعلم عليه الغيار العادي .. أياميها كانت الساعة بـ10 جنيه ..
نسيت أقوللك إن فكرتي عن الغيارات أساسا كانت من موتوسيكل قديم بتاع واحد صاحبي كنت باركبه وأنا في تالتة إعدادي ..
نسيت بارضه أقوللك إني من صغري مغرم بالمحركات عموما وإن برنامج تكنولوجيا وبرنامج عالم السيارات كانوا بالنسبة لي زي توم وجيري بتاع العيال !

التعليق أنا قريته يا عمنا ..بس في برضه ناس بدأت تشرح في الجسم البشري وهي ماتفهمش في البطيخ ! .. بعدها سمعنا عن أساطين علم التشريح الحديث وظهر للناس رسومات ليوناردو دافنشي رغم إنها كانت قائمة أساسا على سرقة الجثث من المقابر !
أنا عاوز أوصل لإيه ؟
إن بعض الناس عندها الموهبة الموزونة ـ مش التهور ـ وفي ناس ممكن تتعامع مع النظري وتفهم منه برضه يا عمنا

الله يخليك ..
بس برضه دا مش معناه إني أعمل نفسي فاهم .. أنا قبل ما أعرف المنتدى ده كنت مش عارف الفرق بين الأبلاتين وجوان الأيدل !

الله يكرمكوا انتوا الاتنين .. مش عارف أقولكوا إيه !