عاوز أشيك على زيت الفتيس .. منين ؟
أحكم عليه زايد وللا ناقص إزاي ؟
فين الطبة اللي لما أفكها أفضي الزيت ؟ وأملاه تاني إزاي ؟
والنبي يا باش مهندس سمير رد علي :ask:
عرض للطباعة
عاوز أشيك على زيت الفتيس .. منين ؟
أحكم عليه زايد وللا ناقص إزاي ؟
فين الطبة اللي لما أفكها أفضي الزيت ؟ وأملاه تاني إزاي ؟
والنبي يا باش مهندس سمير رد علي :ask:
عليه الصلاة والسلام
وعاوز أسألك سؤال ياحمو
هو حضرتك بتشتغل أيه
محامى ولا مدرس ولا محاسب مثلا
أنا يا باش مهندس ليسانس شريعة وقانون - محامي يعني وحاصل على سيسكو ومايكروسوفت .. كومبيوتر يعني - باعمل حجامة (من باب التسلية البريئة ) لأصحابي ، سباكة وكهرباء من باب الفراغ .. ماجستير في القانون العام من باب الدراسة .. واشتغلت شوية في شركة استثمار عقاري (واتفصلت منها بعد الأزمة إياها ) وعادي يعني ..
إنما ليييييه ؟
بالمناسبة .. حاليا أنا محامي غلبان والله !
تشرفنا بيك
يا أبو حميد
أصل موضوع زيت الفتيس ده حيحتاج أنك تحل طبه جانبيه فى الفتيس
لو جابت زيت يبقى المنسوب تمام وزياده كمان
وأنا كنت عاوز أتعرف عليك مش أكتر ياحمو
قول .........الحمد للهاقتباس:
بالمناسبة .. حاليا أنا محامي غلبان والله !
الله يكرم أصلك يا باش مهندس .. معلش والله شغل المكتب خدني منكم الفترة اللي فاتت باروح البيت باكون عبارة عن نفاية عقل ..
المهم .. طبعا إنت عارف إن عربيتي قديمة وبناء عليه ألتمس من عدالتكم الآتي :
السماح لي بالكشف على زيت الفتيس والتأكد من منسوبه وهل يحتاج إلى تغيير أم لا ..
أيضا إعلامي (بمقري الكائن بالمنيا ) بمكان هذه الطبة وكيفية فكها دون إحداث أضرار .
( معلش .. حبة محاماة ! )
هههه !
:Oc_sun1[1]:اقتباس:
:rfds: No Body Is Perfect :rfds:
الله يخليك ياباشا وأشكرك على زوقك
وروحك الخفيفه
سيادة القاضي .. أقصد الباش مهندس ..
ألتمس من عدالتكم استعمال الرأفة معي لأني (ماليش خير ) في الميكانيكية وعاوز أغير الزيت بمعرفتي ومش عارف منين ..
فهل ممكن التكرم بإفادتي في هذا الشأن ؟
ربنا يبعد عنك روتين المحاكم الشنيع آمييين يا رب !
هى الطريقه بسيطه
ومن رأيى خللى ميكانيكى يغيرهولك وأنت واقف وخلاص
عموما
فيه طبه جانبيه بيحلها ويفضى الزيت فى وعاء زى نص جركل مثلا أو طبق قديم
وبيصفى الزيت ويصبر على مايفضيه
وأنا كنت بميل العربيه فى أتجاه الطبه لأنزال معظم الزيت
وبعد كده بتقفل الطبه الجانبيه
وتحط الزيت من فتحة ملو الزيت اعلى الفتيس وليها غطاء بلاستيك
أسود تقريبا ....أدى العمليه ببساطه شديده
طيب حتحط قد أيه من فتحة ملو الزيت
حوالى 2 لتر الا ربع
هو المفروض بياخد 1.8 لتر
بس أنا قولتلك لتران الا ربع
لأن بيبقى فيه شوية زيت قديم برضه لسه محجوزه جوه الفتيس ومنزلتش وأنت بتفضى من الطبه الجانبيه
معلش النت قطع إمبارح فماقدرتش أرد عليك
الطبة دي تحت العربية طبعا من ناحية الفتيس .. صح ؟
يعني لما أشيل الغطا اللي على عصاية الفتيس هالاقي الغطا البلاستيك ؟اقتباس:
وبعد كده بتقفل الطبه الجانبيه
وتحط الزيت من فتحة ملو الزيت اعلى الفتيس وليها غطاء بلاستيك
أسود تقريبا ....أدى العمليه ببساطه شديده
طيب حتحط قد أيه من فتحة ملو الزيت
حوالى 2 لتر الا ربع
هو المفروض بياخد 1.8 لتر
بس أنا قولتلك لتران الا ربع
لأن بيبقى فيه شوية زيت قديم برضه لسه محجوزه جوه الفتيس ومنزلتش وأنت بتفضى من الطبه الجانبيه
وفي النهاية ألف ألف شكر ليك على تعبك معايا :satelite: