الجنوط الحديد

**yasserhussien** · 05-11-2009 11:18 PM

يا جماعة انا عندي عربية 127 اشتريت كوتش جديد تيوبلس بنفس المقاس الاصلي 13/135 بس المشكلة عندي الجنوط الحديد صدت ومش كويسة لدرجت اني لما جبت الكوتش وركبتة تاني يوم نزلت لقيت فردة نايمة رحت لبتاع الكاتوش قالي الجنط مخروم ولازم يتغير
انا يا جماعة عايز اعرف هل اروح لصلاح بتاع الجنوط في المللك الصالح ولو عايز اشتري جنوط حديد في منها جديد ولا كلة استيراد وبكام ولا اجيب اسبور بس بيقولة الناس اللي في شارع احمد سعيد حرامية ولازم اخد حد فاهم عشان ميضحكش علية
ارجوم فيدوني لاني مش عارف اعمل اية

**ozy2026** · 07-11-2009 03:46 PM

لو انت هتشترى جنوط حديد فى منها مستعمل وفى جديد

المستعمل على حسب حالته ومش هيزيد تمن الجنط عن 60 جنيه ده لو حالته ممتازه ومتتخدعش بشكله علشان بيرشوه

ولو هتجيب جديد انا سألت فى التوفيقيه كا جنط ال 128 الحديد كان تمن الواحد 100 جنيه
ولو عاوز تجيب اسبور عادى برضه بس حاول تبعد عن الصينى وانت ونصيبك

**Maged_Samy** · 07-11-2009 04:11 PM

الجنوط الاسبور هتتعبك و كمان 135/80/13 مش هينفع عليها ، واوعى تجيب مستعمل لان فى جنوط كتير مش هتتقبل ترصيص اساساً وقد لا تصلح لتكون تيوبلس لان حرف الجنط بيكون مش مظبوط وفتحة البلف يتكون واسعه ، واظن ان الجديد اغلى بكتير من 100 تقريباُ ب 200 جنيه وبرضه اسأل .

**sameh127** · 22-12-2009 04:25 PM

جنط ال127 حديد استعمال تمنه 50 جنيه فقط و مافيهوش غلطة
و طقم الأسبور الألومنيوم استعمال يعمل 400 جنيه و جديد يعمل 700 جنيه و لو عندك تيوبلس يبقي ركب الأسبور احسن لأن الحديد شفته بتتعوج مع ملامسة الرصيف و حتخلى الهواء يهرب من بين الكاوتش و الشفة المعووجة

**lord2006** · 29-06-2010 03:32 PM

انا عندي مشكلة و محتاج المساعدة ضروري
عايز اعرف الاقي فين حد بيبيع كاوتش مستعمل 13\135 لان فية فردة ضربت و الستبن ر كبتة و ضرب في اول مشوار الرجاء الرد ضروري.

**aid904** · 29-06-2010 11:04 PM

حضرتك ساكن فين الاول و عموما بتوع الكاوتش بيبقي عندهم مستعمل بس استنضف واح وبص عليه كويس من برة وجوة

**swimmer25** · 30-06-2010 11:32 AM

في رايي ركب جنط حديد جديد احسن
بلاش تجيب مستعمل بيبقي مشروخ ومش باين او شفته معووجة او اتعوج قبل كده واتعدل تاني او مكان الصرة بيبقي بايظ
الجنوط الاسبور اعتقد تكون ضعيفة عشان مقاس الكاوتش بتاعك قليل