ياريت صور للشقه والعماره من بره تبين موقعها وكده
وشكرا
عرض للطباعة
ياريت صور للشقه والعماره من بره تبين موقعها وكده
وشكرا
كلامك صح وكمان فيه شقق تسمي استثماري قسطها يبتدي من 500:700ج في الشهر لمدة 20 او 30 سنة وممكن القسط يوصل ل1000ج حسب المساحات فعلا قسط بسيط زي ده يعتبر لوحده ميزه وكمان فيه ناس بتجمع الأقساط وتدفعها مرة واحدة وتقريبا بيخفضولهم سعر الشقة والكلام ده اعرف ناس كانت بتعمله في الشقق الجديدة اللى هي قسطها 160 وفائدة 7% سنويا وكان بينزل في سعر الشقة كتير.
ان شاء الله اصورها وارفع الصور بكرة.
ما نسيتش و الله
بس هو ده النظام اللي انا شايفه بقالي حوالي اربع سنين من خلال متابعة للمدن الجديدة
اما بالنسبة لسعر الشقة حاليا لا اعلم وضع الاسعار لكي اقول ...
لكن بالنظر الي ان هذه المساكن تعتبر مشطبة تشطيب متوسط او فوق المتوسط اعتقد السعر معقول
كمان المكان حي و حلو
في شقق في العبور الناس لسه مستلماها في الجبل في الهو امام مصنع زبادي هناك
تشطيبها اعتقد اقل من دي بكتير
و المكان و المستوي مش قد كده
الناس بتبيع الشقة ب 50 و 45 الف جنيه وهي مساحتها 60 متر
مع العلم كل اللي دافعه فيها اصلا مبلغ 15 الف تقريبا حاجز بيه الشقة و معاه وصل بيببعها بيه
ارزاق :shine[1]:
واضح انك مش عارف حاجة عن نظام الشقق بتاعت بنك الاسكان في المدن الجديدة
بتدفع دفعات بتوصل بين 15 و 21 الف
تستلم الشقة
ناس بتبيعها فوري
ب 75 و 80 كمان في الصيف
لان العماير نضيفة جدا هناك وتشطيبها نضيف
انا زرت واحد صاحبي هناك لسه متجوز
وقاللي ان ده متوسط الشقق هناك والتشطيب ده هو مازودش عليه حاجة واتجوز فيها على طول
مش زي التعاونيات بيكون تشطيب ردئ
والاقساط دي تعتبر اقل قسط وفعلا تبقي لقطة
لان الاقساط هناك للمساحة دي بين 260 جنية ودي بتتباع ب 50 الف وتدفع 260 لمدة 15 سنة
او ب 30 و 35 الف وتدفع 600 جنية كل شهر ل 15 سنة برضه
او انك تاخد دي ب 70 الف وتدفع 90 جنية فقط
شايفها صفقة هايلة وانا شخصيا بحب العبور جدا شايفها امتداد رائع ومتميز لمصر الجديدة
وجهازها من اقوى اجهزة المدن الجديدة
ويكفي انك عمرك ماتشوف عشوائيات خاصة في اسكان الشباب والمستقبل هنا
وعمرك ما تشوف واحد فاتح شباك في الحيطة ولا عامل تندة ولا محل فاتح في عمارة سكنية الا لو مخصصة الدور الاول تجاري من الجهاز
انا شخصيا نفسي اسكن في العبور في المستقبل
بالتوفيق يا محمد لصديقك
اشكرك للتوضيح , انا فعلا ماكنتش اعرف حاجة عن الاسكان علشان كده سالت و قلت ( مش فاهمها فى اول الموضوع ) .
على فكرة سعر الشقة غالى جدا على مكانها , انت بتحب العبور Ok بس تسكن فى العبور ب 70000 وتدفع كل شهر 90 جنيه و لا تزود 20000 و تسكن بالقرب من وسط البلد و 20 جنيه ايجار كل شهر ؟؟
انا سالت النهارده عن اسكان الشباب و عرفت كل حاجة عنه و للاسف الحكاية بقت تجارة و انا هسال فيها ان شاء الله اذا كانت حرام او حلال لان الشقة بتبقي رايحة لغرض معين و الناس بقت تتاجر فيها , على العموم ده مش موضوعنا ربنا يحسن بيع الشقة لصاحبها ان شاء الله ..
حضرتك اقعد في العبور اسبوع واحد وثق انك بمجرد خروجك من مدخل المدينة لو عرضوا عليك فلووووس علشان تسكن في وسط البلد هترفض رفض قاااااطع وده فكر معظم الناس داخل المدن الجديدة مش العبور بس انا عن نفسي بمجرد وصولي لموقف العاشر بيجيلي حالة من القرف والضيق اني داخل القاهرة مع اني كنت ساكن في عين شمس كفاية في العبور ان الطرق مفتوحة وانك تشم هوا نضيف .
ولما تيجي تسأل ان كان الموضوع حلال ولا حرام(ودي نقطة لازم كل الناس تعملها قبل متشتري اي حاجة) لازم تكون عارف ان اللى بيحجز شقة او ارض ويبيعها مينفعش يحجز تاني بأسمه ولا حتي زوجته تقدر تحجز(الا اذا طلقها) ولما يبيع شقته وييجي يشتري بعد كده هايشتري بنفس التمن اللى باع بيه.
يعني مثلا واحد حجز شقة ب15000 ولما استلمها باعها ب50000 كده هو ضيع نصيبه في شقة رخيصة بالمبلغ اللي هو كسبه وميقدرش يحجزشقة تانية ب15000 لما ييجي يشتري هيشتري بنفس الطريقة اللى باع بيها ب50000 او60000.
انا عارف ان العبور كويسة و نظيفة مقلتش حاجة و مش معقول ماكنش دخلتها قبل كده :) ..
بس بصراحة انا يهمنى الموقع الجغرافى للشقة اكتر , يعنى احبها تكون فى وسط البلد لسهولة التنقل فى اى مكان انت عايزه , لانى حاليا ساكن فى الظاهر يعنى يتعبر ساكن فى احسن موقع جغرافى فى القاهرة و كمان احسن من وسط البلد , ايه اللى يودينى العبور خارج القاهرة و بسعر عالى شوية و شقة مساحتها تعتبر صغيرة على سعرها ...
مرة اخرى ربنا يحسن لك بيعها ..
امين.
كلام جميل والموقع الجغرافي فعلا بيبقي احيانا عامل مهم في اختيار السكن يعني مثلا اللى شغال في المنطقة الصناعية بالعبور الشقة دي بالنسبة له افضل اختيار من انه يسكن في القاهرة حتي لو اغلي وكذلك العكس واحد ساكن في القاهرة وشغله فيها او كان صاحب نشاط تجاري ده مش هايشتري الشقة علشان يسكن فيها لكن ممكن ياخدها كادخار او استثمار.