مشكلة فى لمبة الحرارة في النيو اكسنت 2010

**د.محمد** · 06-11-2009 12:20 AM

انا استلمت نيو اكسنت من حوالى اسبوعين , وكانت الحمد لله زى الفل الا من حوالى يومين لقيت لمبة الحرارة نورت صراحة انا تخضيت وخصوصا انا عرفت من الاعضاء انها نادرا لما بتنور وساعتها بيكون فيه مشاكل في العربية لكن العربية لسه زيرو المهم الطريق كان زحمة وحاولت اركن عشان اشوف العربية فيها ميه ولا لا , قبل ما اركن لاقيت اللمبة اطفت , قلت الحمد لله وكملت طريقى لا قيتها بعد 10 دقايق نورت تانى وبعدها بدقيقتين اطفت ركن لقيت العربية مش سخنه ولا حاجة بل انها حرارتها عادية جدا وفيه مياه في الردرياتير. المشكلة انها نورت النهارده تانى لما كان الطريق زحمة واطفات بعدها بحوالى 5 دقايق .
العربية لسه مكملتش 400 ك مش عارف ايه المشكملة بالظبط, اتمنى الافادة

**dr_walid** · 06-11-2009 08:38 AM

على ما اعتقد ممكن تكون حاجة بسيطة فى الترموستلت
روح مركز الخدمة على طول و ماتستناش صيانة ال 1000
و قولهم على المشكلة دى
تقريبا كان فى حد عندة المشكلة دى و اتصلحت
و ممكن تكلم البشمهندس عاطف قبل ما تروح
هايفيدك كتير
و ان شاء اللة حاجة بسيطة

**khaledmontero** · 06-11-2009 11:12 AM

حاجة بسيطة قوي وبتحصل في عربيات زيرو كتير .. و هايعملوهالك في التوكيل في ثواني .. ماتقلقش .

**Ahmed.TV** · 06-11-2009 11:46 PM

اولا الف مبروك وباذن الله تكونى حاجة بسيطة وتتعمل فى التوكيل بسهولة

**د.محمد** · 07-11-2009 10:52 AM

شكرا جزيلا على الاهتمام وطمنتونى الحمد لله

**hdabawy** · 08-11-2009 09:50 AM

المشكلة دى حصلتلى بنفس الوصف كدة وانا رايح المرور ارخص العربية ونزلت لقيت المياه الخضراء ناقصة فى القربة بعد ما رخصت روحت اشتريت مياه وحطيتها ما تكررتش معايا تانى بصراحة والعربية عاملة دلوقتى 5000 والحمد لله ما فيش اى حاجة

**د.محمد** · 08-11-2009 01:02 PM

المشاركة الأصلية كتبت بواسطة hdabawy

المشكلة دى حصلتلى بنفس الوصف كدة وانا رايح المرور ارخص العربية ونزلت لقيت المياه الخضراء ناقصة فى القربة بعد ما رخصت روحت اشتريت مياه وحطيتها ما تكررتش معايا تانى بصراحة والعربية عاملة دلوقتى 5000 والحمد لله ما فيش اى حاجة

انا عربيتى مفيهاش مياه خضراء ولكن مياه عادية لانى لما استلمتها لاقيت المياه ناقصة في القربة وقاموا في التوكيل زوذوها مياه عادية , تنصحنى اشتري مياه خضراء واحطها , وهل اي نوع و نوع معين

**Ramiy** · 09-11-2009 12:09 PM

عزيزى
برجاء الذهاب اللى الصيانة
و فى حالة اى اعطال اخرى برجاء طلب الرقم التالى و هو مخصص لخدمة اعطال الطريق لمراكز خدمة غبور ( الصيانة المتنقلة )
(012- 0000880)
وللعلم اى تكلفة على حساب الضمان لا تقلق

**د.محمد** · 18-11-2009 10:28 AM

بعد ما احد الاعضاء نصحنى انى اراجع المياه الخضراء لاننفس المشكلةحصلت معاه لاقيت فعلا ان العربية المياه كالنت فيها قليلة قوى لدرجت انها اخدت حوالى 3 لتر من جركن 5 لتر والحمد لله بقت تمام

-

الموضوع: مشكلة فى لمبة الحرارة في النيو اكسنت 2010

LinkBack

أدوات الموضوع

عرض

مشكلة فى لمبة الحرارة في النيو اكسنت 2010 - انشر الموضوع فى :

-

-

-

-

المواضيع المتشابهه

اول مشكلة عندي في النيو اكسنت 2010

بخصوص لمبة الحرارة في نيو اكسنت 2010

مشكلة في جهاز إنذار النيو اكسنت 2010

عداد الحرارة في النيو اكسنت

يا جماعة...محدش عارف نظام لمبة الحرارة في النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة