عندي طابعة ليزر اتش بي 2420 بتكتب ايرور ورقم ومش بتطبع وعاوز مكان اصلحها فيه لاني بجد عطلان من غيرها ياريت لو تعرفو حد قولولي وبسرعة
عرض للطباعة
عندي طابعة ليزر اتش بي 2420 بتكتب ايرور ورقم ومش بتطبع وعاوز مكان اصلحها فيه لاني بجد عطلان من غيرها ياريت لو تعرفو حد قولولي وبسرعة
سوق العصر فى الخليفة المأمون ، فيه شركة كويسة بيصلحو برنترات hp ، رحتلهم قبل كده ، انا مش فاكرة اسم الشركة بالظبط بس حضرتك روح و اسأل فى مول الكمبيوتر اللى هناك و الف مين يدلك
او طبعا ، نسيت اقول على توكيل hp نفسه
شركة reddington ،فى شارع متفرع من احمد فخرى ، لو تحب اوصفلك العنوان بالظبط
شكرا جدا لرد حضرتك بس ياريت العنوان بالتفصيل للتوكيل
اسف يا باشا بس ريدينج تون مش توكيل HP دى بتاعت acer بص انته انزل سوق العصر فى الخليفه المامون و اسال بكام الاول لو حسيت انها غاليه روح اشترى برنتر جديده احسن اسعار البرنترات نازلهاقتباس:
نسيت اقول على توكيل hp نفسه
شركة reddington ،فى شارع متفرع من احمد فخرى ، لو تحب اوصفلك العنوان بالظبط
انته بتستخدم ابيض و اسود ولا الوان؟؟
بص انته شكلك نمت فا انا هاقولك الخلاصه روح هات واحده جديده لو ابيض و اسود يبقى هات hp 1005 سعرها فلى كارفور 525 و فى المول هاتلاقيها ارخص حاجه بسيطه بس ام\نصحك تشتريها من مكان زى كومبيو مى او كارفور او سبينس هاتلاقى فيه البرنترات رخيصه و مضمونه فى حالة حدوث شئ لا قدر الله
طبعا نمت عموما انا بستخدم ابيض واسود بس المشكلة ان الطابعة دي محترمة جدا ومستخسر اسيبها عطلانة
عموما انا هنزل سوق العصر واشوف الموضوع هيتكلف كام
مدام ابيض و اسود يبقى انزل احقنها و خلاص هاتمشى معاك فتره كويسه بس الجديد برضه و كويس و فيه تكنولوجيا اعلى فا بيستخدم حبر اقل
إنت حاولت مع كابل الداتا بتاع الطابعة ولا لسة جرب كده تسطب ويندوز جديدة وتسطب التعريف كويس وشوف كابل الداتا كده حاول تفكه وتركبه تانى وقلنا كده إيه الأخبار ؟؟؟؟؟
شركة reddington هى توكيل acer و hp كمان ، انا زبونة عندهم على طول و كل حاجتى hp :biggrin24:
بالنسبة للعنوان ، حضرتك هتدخل احمد فخرى ، هتفضل ماشى فيه لحد قبل الاخر بشوية ، هتلاقى ناصية فيها محل ميتلو و محل اسمه COW ، هتدخل الشارع اللى هما على ناصيته ، هتلاقى الشركة على ايدك الشمال بس خلى بالك عشان اليافطة بتاعتها مستخبية شوية تحت شجرة ، و العنوان ميتوههش متقلقش.
فيه محل انا صلحت فيه قبل كده فى جامعة الدول اسمه نور باك فى المول اللى تحته مترو تقريبا بس العنوان 26 شارع جامعة الدول
وكان فيه محل - نصاب - اسمه ابو الخير فى نفس المول وتليفونه 02-33468734, 010-6361673
حضرتك جربت تبحث على الانترنت برقم الإيرور ده يمكن تكون المشكلة بسيطة؟
انا نزلت روكسي علشان اصلح الطابعة لقيتها محتاجة بوردة داتا وهتتكلف 600 جنية فمردتش اعملها ورجعتها تاني وغالبا هي كدا هتترمي واشتري واحده تانيه
ياباش في توكيل ل hp و سيمنتك موجود بجوار محطة سراي القبة
ناس محترمة جدا وفاهمة بتعمل ايه كويس وصيانة بالضمان